શ્રીલંકાની પહેલી ઇનિંગ્સની 17મી ઓવર હતી. કુલદીપ યાદવે બોલ ફેંક્યો, જે ઓફ સ્ટમ્પની બહાર ફુલર લેન્થ પર હતો. કામિન્દુ મેન્ડિસ બોલની પીચ સુધી પહોંચ્યા વગર જ આગળ વધીને તેને એક્સ્ટ્રા કવરની દિશામાં રમી બેઠો. શોટમાં તાકાત નહોતી, પણ બોલ એવી જગ્યાએ જઈ રહ્યો હતો જ્યાં સામાન્ય ફિલ્ડર માટે પહોંચવું સરળ નહોતું.

ગિલે એક ક્ષણ પણ ગુમાવ્યા વગર ડાબી તરફ છલાંગ લગાવી. શરીર લગભગ જમીનને સમાંતર થઈ ગયું હતું. બોલ જમીનને અડવાથી માત્ર થોડા ઈંચ જ દૂર હતો અને ગિલે તેને હવામાં જ જમ્પ કરીને ડાબા હાથે કેચ કર્યો. સૌથી ખાસ વાત એ હતી કે કેચ લેતી વખતે એવું બિલકુલ ન લાગ્યું કે બોલ તેના હાથમાંથી છૂટી શકે છે. તે જમીન પર પડ્યા, પણ બોલ પર તેની પકડ જળવાઈ રહી.

કામિન્દુ મેન્ડિસ 25 બોલમાં 14 રન બનાવીને પેવેલિયન ભેગો થયો. કુલદીપ યાદવને વિકેટ મળી, પરંતુ આ વિકેટની અસલી વાર્તા ગિલના એ અસાધારણ પ્રયાસની જ રહી. શ્રીલંકા 59 રન પર ચાર વિકેટ ગુમાવી ચૂક્યું હતું અને ભારતની પહેલી ઇનિંગ્સના 462 રનના જવાબમાં દબાણમાં હતું.

સોશિયલ મીડિયામાં નામ પડ્યું, ‘Superman Shubman’