ઈન્ડિયન ટીમ T20 વર્લ્ડ કપની ડિફેન્ડિંગ ચેમ્પિયન છે.

T20 વર્લ્ડ કપની શરૂઆત 7 ફેબ્રુઆરીથી થવા જઈ રહી છે. તે પહેલાં, 5 ફેબ્રુઆરીએ ICCએ કેપ્ટન્સ ડે રાખ્યો. કેપ્ટન્સ ડે બે શહેરો મુંબઈ (ભારત) અને કોલંબો (શ્રીલંકા)માં યોજાશે. કેપ્ટન્સ ડે એક મીડિયા કાર્યક્રમ છે, જ્યાં બધી ટીમના કેપ્ટન મીડિયા સાથે વાત કરશે.

મુંબઈમાં 12 ટીમના કેપ્ટન આવશે મુંબઈમાં યોજાનારી કેપ્ટન્સ ડે મીટમાં કુલ 12 ટીમના કેપ્ટન ભાગ લેશે. આ કાર્યક્રમ 5 ફેબ્રુઆરીએ આયોજિત કરવામાં આવશે, જેમાં ભારત, અફઘાનિસ્તાન, કેનેડા, ઇંગ્લેન્ડ, ઇટાલી, નામિબિયા, નેપાળ, ન્યૂઝીલેન્ડ, સ્કોટલેન્ડ, સાઉથ આફ્રિકા, અમેરિકા અને વેસ્ટ ઇન્ડીઝના કેપ્ટન સામેલ થશે. તમામ કેપ્ટનોને બે અલગ-અલગ ગ્રુપમાં વહેંચવામાં આવ્યા છે, જેઓ મીડિયા સાથે વાતચીત દરમિયાન ટુર્નામેન્ટ પહેલાં તેમની તૈયારીઓ અને રણનીતિઓ પર ચર્ચા કરશે.

ગ્રુપ-1ની પ્રેસ કોન્ફરન્સ બપોરે 3:00 વાગ્યે અને ગ્રુપ-2ની પ્રેસ કોન્ફરન્સ 3:30 વાગ્યે શરૂ થશે. આ કેપ્ટન્સ ડે મીટ BCCI ઑફિસ વાનખેડે સ્ટેડિયમ (મુંબઈ)માં આયોજિત કરવામાં આવશે.

કોલંબોમાં 8 દેશોના કેપ્ટનોની કેપ્ટન્સ ડે મીટ 5 ફેબ્રુઆરીના રોજ કોલંબોમાં પણ કેપ્ટન્સ ડેનું આયોજન કરવામાં આવશે. આ કાર્યક્રમમાં શ્રીલંકા, ઓસ્ટ્રેલિયા, આયર્લેન્ડ, નેધરલેન્ડ્સ, ઓમાન, પાકિસ્તાન, UAE અને ઝિમ્બાબ્વેની ટીમના કેપ્ટન ભાગ લેશે. અહીં પણ તમામ કેપ્ટનોને બે અલગ-અલગ ગ્રુપમાં વહેંચવામાં આવ્યા છે, જેઓ મીડિયા સાથે વાતચીત કરીને ટુર્નામેન્ટ પહેલા તેમની તૈયારીઓ અને વ્યૂહરચનાઓ પર ચર્ચા કરશે.

ગ્રુપ-1ની પ્રેસ કોન્ફરન્સ બપોરે 12:00 વાગ્યે, જ્યારે ગ્રુપ-2ની પ્રેસ કોન્ફરન્સ 12:30 વાગ્યે શરૂ થશે. આ કાર્યક્રમ કોલંબોના મર્કેન્ટાઇલ ક્રિકેટ એસોસિયેશન (MCA)માં યોજાશે.

ભારતના 5, શ્રીલંકાના 3 સ્થળોએ ટુર્નામેન્ટ ભારતમાં અમદાવાદના નરેન્દ્ર મોદી સ્ટેડિયમ, નવી દિલ્હીના અરુણ જેટલી સ્ટેડિયમ, કોલકાતાના ઈડન ગાર્ડન્સ સ્ટેડિયમ, ચેન્નઈના ચેપોક સ્ટેડિયમ અને મુંબઈના વાનખેડે સ્ટેડિયમમાં ટુર્નામેન્ટની મેચ રમાશે. જ્યારે શ્રીલંકામાં કોલંબો અને કેન્ડીમાં મેચ રમાશે. કોલંબોમાં આર પ્રેમદાસા અને સિંહાલી સ્પોર્ટ્સ ક્લબ સ્ટેડિયમ પર મેચ રમાશે. ટીમ ઈન્ડિયા મુંબઈ, દિલ્હી, કોલંબો અને અમદાવાદમાં ગ્રુપ સ્ટેજની મેચ રમશે.

————————-

T20 વર્લ્ડકપ સંબંધિત આ સમાચાર પણ વાંચો….

ભારત પાસે દુનિયાની સૌથી મજબૂત T20 ટીમ બનવાની તક:3ના નામે 2-2 ટાઇટલ

T20 વર્લ્ડ કપની 10મી એડિશન 7 ફેબ્રુઆરીથી શરૂ થશે. પાકિસ્તાને ભારત સામે ગ્રુપ મેચ રમવાનો ઇનકાર કરી દીધો છે. આની પાછળ રાજકીય કારણો હોઈ શકે છે, પરંતુ એક કારણ એ પણ હોઈ શકે છે કે ટીમ ફરી એકવાર વર્લ્ડ ચેમ્પિયન ભારત સામે હારવા માગતી ન હોય. સંપૂર્ણ સમાચાર વાંચો…