દેશની સૌથી મોટી આઇટી (IT) કંપની ટાટા કન્સલ્ટન્સી સર્વિસિસ (TCS) એ ગુરુવારે તેના ચોથા ક્વાર્ટર (Q4) ના પરિણામો જાહેર કર્યા છે. કંપનીનો નેટ પ્રોફિટ વાર્ષિક ધોરણે 12% વધીને 13,718 કરોડ રૂપિયા રહ્યો. ગયા વર્ષે આ જ ક્વાર્ટરમાં આ નફો 12,247 કરોડ રૂપિયા હતો. રેવન્યુમાં 10% નો વધારો, 70 હજાર કરોડને પાર નફાની સાથે-સાથે કંપનીના રેવન્યુમાં પણ વધારો જોવા મળ્યો છે. આ ક્વાર્ટરમાં કંપનીની ઓપરેશનલ રેવન્યુ 10% વધીને 70,698 કરોડ રૂપિયા પર પહોંચી છે. કંપનીની આ મજબૂત વૃદ્ધિ પાછળ 12 અબજ ડોલર (લગભગ 1 લાખ કરોડ રૂપિયા) ની ત્રણ મેગા ડીલ્સ રહી. FY24 ના ચોથા ક્વાર્ટરમાં TCS ને ₹13,718 કરોડનો નફો વાર્ષિક ધોરણે ત્રિમાસિક ધોરણે નોંધ: આંકડા કરોડ રૂપિયામાં છે. TCS પ્રતિ શેર ₹31 ડિવિડન્ડ આપશે કંપનીએ તેના શેરધારકોને પ્રતિ શેર ₹31નું ડિવિડન્ડ આપવાની જાહેરાત કરી છે. કંપનીઓ તેમના નફાનો અમુક હિસ્સો શેરધારકોને પણ આપે છે, જેને ડિવિડન્ડ કહેવાય છે. CEO બોલ્યા- દરેક સેક્ટરમાં મજબૂત પ્રદર્શન જોવા મળ્યું TCSના CEO અને MD કે. કૃતિવાસને પરિણામો પર ખુશી વ્યક્ત કરતા જણાવ્યું કે આ સતત ત્રીજું ક્વાર્ટર છે જ્યારે કંપનીએ વૃદ્ધિ નોંધાવી છે. તેમણે કહ્યું કે અમારી ‘ફાઇવ પિલર સ્ટ્રેટેજી’ અને AI પર ધ્યાન કેન્દ્રિત કરવું કામ કરી રહ્યું છે. રાહતની વાત એ છે કે આ વૃદ્ધિ કોઈ એક સેક્ટર પૂરતી મર્યાદિત નથી, પરંતુ વિશ્વના મોટા બજારો અને લગભગ તમામ ઉદ્યોગોમાં જોવા મળી છે. 1 વર્ષમાં TCSનો શેર 20% ઘટ્યો TCSનો શેર આજે 9 એપ્રિલે 1.20% એટલે કે 30.80 રૂપિયા વધીને 2,590 રૂપિયા પર બંધ થયો. છેલ્લા એક મહિનામાં કંપનીનો શેર 2.48% વધ્યો છે. એક વર્ષમાં લગભગ 20% ઘટ્યો છે. કંપનીની માર્કેટ વેલ્યુ 11.71 લાખ કરોડ રૂપિયા છે. 1968માં TCSની સ્થાપના થઈ હતી ટાટા કન્સલ્ટન્સી સર્વિસિસ (TCS) ભારતની મલ્ટીનેશનલ ઇન્ફોર્મેશન ટેકનોલોજી (IT) કંપની છે. તે ટાટા ગ્રુપની એક સહાયક કંપની છે. TCS ની સ્થાપના 1968 માં ‘ટાટા કમ્પ્યુટર સિસ્ટમ્સ’ તરીકે થઈ હતી. 25 ઓગસ્ટ 2004 ના રોજ TCS પબ્લિક લિસ્ટેડ કંપની બની. 2005 માં ઇન્ફોર્મેટિક્સ માર્કેટમાં પ્રવેશ કરનારી તે ભારતની પ્રથમ કંપની બની. એપ્રિલ 2018 માં 100 અબજ ડોલરના માર્કેટ કેપિટલાઇઝેશનવાળી દેશની પ્રથમ IT કંપની બની. તે 46 દેશોમાં 149 સ્થળોએ કાર્ય કરે છે.