iPhone 18 Proના લોન્ચ પહેલા, તેના ફીચર્સ લીક ​​થવા લાગ્યા છે. એવો દાવો કરવામાં આવી રહ્યો છે કે ડાયનેમિક આઇલેન્ડ અને ડિઝાઇનમાં ફેરફાર જોવા મળી શકે છે

ડાયનેમિક આઇલેન્ડમાં બદલાવ

iPhone 18 Proના લોન્ચ પહેલા હાલ એવો દાવો કરવામાં આવી રહ્યો છે કે ડાયનેમિક આઇલેન્ડ અને ડિઝાઇનમાં ફેરફાર જોવા મળી શકે છે. લીક્સ અનુસાર, હોલ-પંચ ડિઝાઇન તાત્કાલિક રજૂ કરવામાં આવશે નહીં, અને ફેસ આઈડી સિસ્ટમ એ જ રહી શકે છે. તાજેતરના લીક્સ અનુસાર, કંપની હોલ-પંચને બદલે ડાયનેમિક આઇલેન્ડ ઘટાડવા પર કામ કરી રહી છે. આ ફેરફાર ફોનને વધુ સ્વચ્છ અને વધુ પ્રીમિયમ દેખાવ આપશે.

ડાયનેમિક આઇલેન્ડ દૂર નહીં થાય

 અહેવાલો સૂચવે છે કે એપલ હાલમાં અંડર-ડિસ્પ્લે ટેકનોલોજી સાથે પડકારોનો સામનો કરી રહ્યું છે. આ જ કારણ છે કે કંપની ધીમે ધીમે ડિઝાઇનમાં ફેરફાર કરી રહી છે. આઇફોન 18 પ્રો શ્રેણી આ વર્ષે સપ્ટેમ્બરમાં લોન્ચ થવાની ધારણા છે. મળતી માહિતી મુજબ એપલ આઇફોન 18 પ્રો શ્રેણીમાં હાલના ગોળી આકારના ડાયનેમિક આઇલેન્ડને સંપૂર્ણપણે દૂર કરવાને બદલે ઘટાડશે. એક પોસ્ટમાં દાવો કરવામાં આવ્યો છે કે કંપની હોલ-પંચ કટઆઉટ પર જશે નહીં.

પ્રો વેરિઅન્ટ્સ સુધી મર્યાદિત

લીક્સ અનુસાર, ડાયનેમિક આઇલેન્ડનું કદ આશરે 20.76mm થી ઘટાડીને આશરે 13.49mm કરી શકાય છે. આ ફેરફાર વપરાશકર્તાઓને વધુ સ્ક્રીન સ્પેસ પ્રદાન કરશે અને દ્રશ્ય અનુભવમાં સુધારો કરશે. જો કે, સ્ટાન્ડર્ડ iPhone 18 મોડેલોમાં કોઈ મોટા ફેરફારો જોવા મળે તેવી શક્યતા નથી. આનો અર્થ એ છે કે આ નવી ડિઝાઇન ફક્ત પ્રો વેરિઅન્ટ્સ સુધી મર્યાદિત હોઈ શકે છે. જોકે અહેવાલો અનુસાર, એપલ ફેસ આઈડી સિસ્ટમ જાળવી રાખશે, પરંતુ તેના કેટલાક પાર્ટસ સ્ક્રીનની નીચે ખસેડવામાં આવી શકે છે.

આ પણ વાંચો : Apple users સાવધાન! ફોન અને સ્માર્ટ વોચ પર મંડરાઇ રહ્યો છે ખતરો, સરકારે જાહેર કરી વોર્નિગ