અમેરિકા ન્યાય વિભાગે રાષ્ટ્રપતિ ડોનાલ્ડ ટ્રમ્પની હત્યાની કોશિશ કરનાર હુમલાખોરના નવા અને ચોંકાવનારા વીડિયો ફુટેજ જાહેર કર્યા છે. આ ફુટેજ ગયા અઠવાડિયે વોશિંગ્ટન હિલ્ટન હોટલમાં થયેલાં તે હુમલાની આખી કહાની જણાવી રહ્યા છે. વીડિયોમાં આરોપી કોલ એલન સુરક્ષા ઘેરો તોડીને ભાગતો જોવા મળી રહ્યો છે. પછી તેણે એક સીક્રેટ સર્વિસ ઓફિસર પર ફાયરિંગ પણ કર્યું.

ડિસ્ટ્રિક્ટ ઓફ કોલંબિયાની અમેરિકી અટોર્ની જીનિન પિરોએ સોશિયલ મીડિયા પ્લેટફોર્મ X પર જાણકારી આપી છે કે આ વીડિયો પુરાવા તરીકે ખૂબ જ મુખ્ય છે. તેમણે જણાવ્યું કે ફુટેજમાં 31 વર્ષીય શંકાસ્પદ કોલ એલન હુમલાના એક દિવસ પહેલાં હોટલની રેકી કરતો જોવા મળ્યો છે. તે ‘વ્હાઇટ હાઉસ કોરેસ્પોન્ડેન્ટ્સ ડિનર’ દરમિયાન ટ્રમ્પને પોતાનો ટાર્ગેટ બનાવવા ઇચ્છતો હતો.

હોટલની સુરક્ષામાં આ રીતે ખામી આવી

ન્યાય વિભાગ દ્વારા બહાર પાડવામાં આવેલો આ વીડિયો લગભગ છ મિનિટનો છે. તેમાં ઘણી અલગ-અલગ ક્લિપ્સને જોડવામાં આવી છે. શરૂઆતના ફૂટેજમાં શંકાસ્પદ વ્યક્તિને હોટલના કોરિડોર અને ફિટનેસ સેન્ટર પાસે લાંબા સમય સુધી ફરતો જોઈ શકાય છે. એવું લાગી રહ્યું હતું કે તે હુમલા માટે યોગ્ય તક અને રસ્તાની શોધમાં હતો.

હુમલાખોરે એક દિવસ અગાઉ હોટલની રેકી કરી હતી, જુઓ CCTV…

ફ્રેન્ડલી ફાયરના સમાચારો પર વિરામ અને અદાલતમાં પુરાવા

એટર્ની જીનિન પિરોએ સ્પષ્ટ કર્યું કે આ વાતનો કોઈ પુરાવો નથી કે આ ગોળીબાર ‘ફ્રેન્ડલી ફાયર’ (સુરક્ષાકર્મીઓની પરસ્પર ગોળીબાર)નું પરિણામ હતું. તેમણે ભારપૂર્વક કહ્યું કે વીડિયોમાં સ્પષ્ટ દેખાઈ રહ્યું છે કે કોલ એલને જ સિક્રેટ સર્વિસ અધિકારી પર હુમલો કર્યો.

ફુટેજના એક ભાગમાં એ પણ દેખાઈ રહ્યું છે કે એક સિક્રેટ સર્વિસ એજન્ટે હુમલાખોરને રોકવા માટે પોતાની બંદૂકમાંથી ત્રણ રાઉન્ડ ફાયર કર્યા. પોલીસે સ્પષ્ટ કર્યું છે કે જવાબી ફાયરિંગ છતાં શંકાસ્પદને કોઈ ગોળી વાગી ન હતી. ન્યાય વિભાગે આ ભાગને સ્લો-મોશનમાં પણ જાહેર કર્યો છે.

ક્રમશઃ જુઓ આખો ઘટનાક્રમ

સિક્રેટ સર્વિસ પર નજર રાખતો હુમલાખોર (ગોળ સર્કલમાં)

હુમલાખોર સિક્યોરિટીને તોડતો આગળ વધ્યો (ગોળ સર્કલમાં)

તક મળતાં જ હુમલાખોર ભાગ્યો

એક સિક્રેટ સર્વિસના અધિકારીએ હુમલાખોર પર ત્રણ રાઉન્ડ ફાયરિંગ કર્યું

ફાયરિંગ કરવા છતાં હુમલાખોર બચીને આગળ નાસી છુટ્યો

બધા જ સીક્રેટ સર્વિસના અધિકારીઓ એલર્ટ થઈ ગયા

ટ્રમ્પને મારવા આવ્યો, ગન સાથે દોડીને હોટેલમાં ઘૂસ્યો હુમલાખોર

અમેરિકાની રાજધાની વોશિંગ્ટન ડીસીમાં વાર્ષિક વ્હાઇટ હાઉસ કોરસપોન્ડન્ટ ડિનર દરમિયાન ફાયરિંગ થયું. 26 એપ્રિલનાં રોજ સાંજ કાર્યક્રમમાં અમેરિકી રાષ્ટ્રપતિ ડોનાલ્ડ ટ્રમ્પ, પત્ની મેલાનિયા અને ઉપરાષ્ટ્રપતિ જેડી વેન્સ સહિત અનેક મોટા અધિકારીઓ હાજર હતા. ન્યૂઝ એજન્સી એપી અનુસાર, હુમલાખોરે હોટલના બોલરૂમની બહાર ફાયરિંગ કર્યું. ટ્રમ્પ અને મહેમાનો બોલરૂમની અંદર હતા. ટ્રમ્પે જણાવ્યું કે હુમલાખોરને પકડી લેવામાં આવ્યો છે. જોકે, પહેલા સમાચાર આવ્યા હતા કે હુમલાખોરને ઠાર કરવામાં આવ્યો છે.

હુમલાના લગભગ દોઢ કલાક પછી ટ્રમ્પે મીડિયાને સંબોધિત કર્યું. તેમણે કહ્યું- અમેરિકાના બંધારણ પર હુમલો થયો. સિક્રેટ સર્વિસે મારો જીવ બચાવ્યો. સુરક્ષાકર્મીઓએ બહાદુરીથી કામ કર્યું. જે અધિકારીને ગોળી વાગી હતી, તે સુરક્ષિત છે. તેણે બુલેટપ્રૂફ જેકેટ પહેર્યું હતું. હુમલાખોર પાસે શક્તિશાળી બંદૂક હતી. સંપૂર્ણ સમાચાર વાંચવા માટે અહીં ક્લિક કરો…

દિવ્ય ભાસ્કરને Google પર મનપસંદ સોર્સ બનાવો