નેહાએ જવાબદારી, સંબંધો અને કામમાંથી બ્રેક લેવાની જાહેરાત કરી હતી.

‘મને શાંતિથી જીવવા દો’

આ પછી નેહાએ એક બીજી સ્ટોરી પોસ્ટ કરીને પાપારાઝી અને ચાહકોને તેના ફોટો ક્લિક ન કરવાની અપીલ કરી. તેણે લખ્યું, ‘હું પાપારાઝી અને ચાહકોને વિનંતી કરું છું કે, મારા બિલકુલ પણ ફોટો ન ખેંચે. મારી પ્રાઇવસીનું સન્માન કરો અને મને શાંતિથી જીવવા દો. નો કેમેરા પ્લીઝ.’

નેહાએ ફોટો ક્લિક ન કરવા પાપારાઝીને અપીલ કરી હતી.

‘કેન્ડી શોપ’ ગીતને લઈ જબરદસ્ત ટ્રોલ થઈ નેહા

નોંધનીય છે કે, તાજેતરમાં નેહા કક્કર અને તેના ભાઈ ટોની કક્કરને તેમના ગીત ‘કેન્ડી શોપ’ને લઈને જબરદસ્ત ટ્રોલિંગનો સામનો કરવો પડ્યો હતો. સોશિયલ મીડિયા પર યુઝર્સે ગીતના ડાન્સ મૂવ્સને ‘સસ્તા’ અને ‘અશ્લીલ’ ગણાવીને કે-પોપની નકલ કરવાનો આરોપ લગાવ્યો હતો.

ભાઈ ટોની કક્કરના ગીત ‘કેન્ડી શોપ’ને લઈને નેહા ટ્રોલ થઈ હતી.

મેલબર્ન કોન્સર્ટને લઈને પણ વિવાદમાં ઘેરાઈ હતી

આ પહેલા વર્ષ 2025માં નેહા ત્યારે પણ ચર્ચામાં આવી હતી, જ્યારે મેલબોર્ન કોન્સર્ટ દરમિયાન સ્ટેજ પર રડતો તેનો વીડિયો વાયરલ થયો હતો. આરોપ હતો કે તે કોન્સર્ટમાં ત્રણ કલાક મોડી પહોંચી હતી, જેના પછી દર્શકોએ નારાજગી વ્યક્ત કરી હતી. જોકે, નેહાએ આયોજકો પર ખોટી માહિતી ફેલાવવાનો આરોપ લગાવ્યો હતો.

મેલબર્ન કોન્સર્ટમાં નેહા સ્ટેજ પર રડી પડી હતી.

4 વર્ષની ઉંમરથી સંઘર્ષ કર્યો

નેહા કક્કરના કરિયરની વાત કરીએ, તો તે ઘણું સંઘર્ષમય રહ્યું છે. તેણે માત્ર ચાર વર્ષની ઉંમરે ધાર્મિક કાર્યક્રમોમાં ભજન ગાઈને પોતાના પરિવારને આર્થિક મદદ કરવાનું શરૂ કર્યું હતું. બાદમાં તે ‘ઇન્ડિયન આઇડલ સીઝન 2’માં જોવા મળી હતી, જ્યાં તે ટોપ 10 સુધી પહોંચી હતી.

નેહાએ ‘આંખ મારે’, ‘દિલબર’, ‘હૌલી હૌલી’, ‘મોરની બાંકે’ જેવા ઘણા હિટ ગીતો આપ્યા છે અને તે મ્યુઝિક રિયાલિટી શોમાં જજ તરીકે પણ જોવા મળી છે.