UAE મહિલા ક્રિકેટ ટીમે યજમાન મલેશિયાને 1 રનથી હરાવીને ICC અંડર-19 વુમન્સ T20 વર્લ્ડ કપ માટે ક્વોલિફાય કરી લીધું. એશિયા ક્વોલિફાયરની ફાઇનલ બાયુમાસ ઓવલમાં રમાઈ હતી. UAE પ્રથમ બેટિંગ કરતા 19.3 ઓવરમાં 95 રન બનાવીને ઓલઆઉટ થઈ ગઈ. જોકે, મલેશિયાને 20 ઓવરમાં 6 વિકેટ ગુમાવીને 94 રનના સ્કોર પર રોકીને મેચ જીતી લીધી. આઠ ટીમના આ રિજનલ ક્વોલિફાયરની શરૂઆત 23 જુલાઈએ થઈ હતી. અંડર-19 વુમન્સ T20 વર્લ્ડ કપની અત્યાર સુધી 2 આવૃત્તિઓ રમાઈ છે. 2023 અને 2025માં બંને વખત ભારતે જીત નોંધાવી હતી. UAEએ તમામ 5 મેચ જીતી યુએઈએ પ્રથમ મેચમાં હોંગકોંગ ચીન સામે ડકવર્થ લુઈસ નિયમ હેઠળ 37 રનથી જીત મેળવી હતી. ત્યારબાદ મલેશિયાને 39 રનથી અને કતારને 81 રનથી હરાવ્યું. સેમિફાઇનલમાં તેમણે ભૂટાનને 73 રનથી હરાવીને ફાઇનલમાં સ્થાન બનાવ્યું હતું. ફાઇનલ મેચમાં અલ મસીરા જહાંગીરે શાનદાર ઓલરાઉન્ડ પ્રદર્શન કર્યું. તેણે 34 બોલમાં 31 રન બનાવવાની સાથે 12 રન આપીને 2 વિકેટ લીધી. તેને મેન ઓફ ધ મેચ તરીકે પસંદ કરવામાં આવી. ટુર્નામેન્ટમાં 16 ટીમ ભાગ લેશે 2027માં યોજાનારી આ ટુર્નામેન્ટ ICC અંડર-19 મહિલા T20 વર્લ્ડ કપની ત્રીજી આવૃત્તિ હશે. નેપાળ અને બાંગ્લાદેશ તેના સહ-યજમાન દેશો હશે. તેમાં કુલ 16 ટીમ ભાગ લેશે.