વુમન્સ એશિયા કપમાં ભારત-પાકિસ્તાન મેચ 5 સપ્ટેમ્બરે દુબઈ ઇન્ટરનેશનલ ક્રિકેટ સ્ટેડિયમમાં રમાશે. એશિયન ક્રિકેટ કાઉન્સિલે ગુરુવારે ટુર્નામેન્ટનું શેડ્યૂલ જાહેર કર્યું.

T20 ફોર્મેટની આ ટુર્નામેન્ટ 28 ઓગસ્ટથી શરૂ થશે. પહેલી મેચ થાઈલેન્ડ અને હોંગકોંગ વચ્ચે રમાશે. ભારત-પાકિસ્તાન ગ્રુપ-Aમાં સામેલ છે.

8 ટીમ ભાગ લઈ રહી છે, 13 સપ્ટેમ્બરે ફાઇનલ

આ વુમન્સ એશિયા કપની છઠ્ઠી આવૃત્તિ હશે, જે T20 ફોર્મેટમાં રમાશે. ટુર્નામેન્ટમાં આઠ ટીમ ભાગ લઈ રહી છે, જેને બે ગ્રુપમાં વહેંચવામાં આવી છે. ગ્રુપ Aમાં ભારત અને પાકિસ્તાન સાથે થાઈલેન્ડ, હોંગકોંગ-ચીનને રાખવામાં આવ્યા છે. ગ્રુપ Bમાં શ્રીલંકા, બાંગ્લાદેશ, UAE અને ઇન્ડોનેશિયાનો સમાવેશ થાય છે.

ગ્રુપ સ્ટેજ પછી બંને ગ્રુપમાંથી ટોચની બે ટીમ સેમિફાઇનલ માટે ક્વોલિફાય કરશે. ટુર્નામેન્ટની ફાઇનલ મેચ 13 સપ્ટેમ્બરે રમાશે. ટુર્નામેન્ટની તમામ મેચ દુબઈ ઇન્ટરનેશનલ ક્રિકેટ સ્ટેડિયમમાં જ યોજાશે.

ભારત સૌથી વધુ 3 વખત ચેમ્પિયન બન્યું

વુમન્સ એશિયા કપના T20 ફોર્મેટમાં અત્યાર સુધી 5 ટુર્નામેન્ટ રમાઈ છે. તેમાંથી ભારતે સૌથી વધુ 3 વખત ખિતાબ જીત્યો છે. બાંગ્લાદેશ અને શ્રીલંકાએ એક-એક વાર ટ્રોફી પોતાના નામે કરી છે. શ્રીલંકા વર્તમાન ચેમ્પિયન છે.

દિવ્ય ભાસ્કરને Google પર મનપસંદ સોર્સ બનાવો