રાષ્ટ્રપતિ મહમૂદ અબ્બાસે 1 નવેમ્બરે પેલેસ્ટાઇન નેશનલ કાઉન્સિલ માટે ચૂંટણીઓની જાહેરાત કરી છે.

પ્રથમ વખત, PLO સંસદના સભ્યો સીધા જાહેર મત દ્વારા ચૂંટાશે

જ્યારે અમેરિકાના રાષ્ટ્રપતિ ડોનાલ્ડ ટ્રમ્પ ‘ગાઝા પીસ ઓફ બોર્ડ’ બનાવવાની તૈયારી કરી રહ્યા છે. ત્યારે પેલેસ્ટાઇનના રાજકારણમાં મોટો વિકાસ થયો છે. પેલેસ્ટાઇનના રાષ્ટ્રપતિ મહમૂદ અબ્બાસે જાહેરાત કરી છે કે, પેલેસ્ટાઇન નેશનલ કાઉન્સિલ માટે ચૂંટણીઓ 1 નવેમ્બરે યોજાશે. આ કાઉન્સિલને પેલેસ્ટાઇન લિબરેશન ઓર્ગેનાઇઝેશનની સંસદ માનવામાં આવે છે. આ નિર્ણયને સત્તાવાર રાષ્ટ્રપતિના હુકમનામું દ્વારા મંજૂરી અપાઇ છે. ઇતિહાસમાં પ્રથમ વખત PNC સભ્યો સીધા જાહેર મત દ્વારા ચૂંટાશે.

ચૂંટણી કેમ છે મહત્ત્વની ?

PNC લાંબા સમયથી PLOના નિર્વાસિત સંસદ તરીકે જોવામાં આવે છે. આ સંગઠનને વિશ્વભરમાં રહેતા પેલેસ્ટિનિયનોનો રાજકીય અવાજ માનવામાં આવે છે. અબ્બાસના આદેશ મુજબ, શક્ય હોય ત્યાં પેલેસ્ટાઇનની અંદર અને બહાર બંને જગ્યાએ ચૂંટણીઓ યોજવામાં આવશે. જેથી શક્ય તેટલા વધુ પેલેસ્ટિનિયન નાગરિકો આ પ્રક્રિયામાં ભાગ લઈ શકે છે. અબ્બાસે કહ્યું કે, અમે ઇચ્છીએ છીએ કે વિશ્વમાં દરેક જગ્યાએ રહેતા પેલેસ્ટિનિયનોને તેમના પ્રતિનિધિઓ પસંદ કરવાની તક મળે.

રાષ્ટ્રપતિ અબ્બાસ પાસે બેવડી જવાબદારી

મહમૂદ અબ્બાસ હાલમાં પેલેસ્ટિનિયન ઓથોરિટીના પ્રમુખ અને PLOના અધ્યક્ષ છે. આમ, આ નિર્ણય તેમના રાજકીય વારસા અને નેતૃત્વ માટે મહત્વપૂર્ણ માનવામાં આવે છે. ઘણા વિશ્લેષકો PNC ચૂંટણીઓને PLOને પુનર્જીવિત કરવાના પ્રયાસ તરીકે જુએ છે. PNC પર પહેલા ફતહ પક્ષનું પ્રભુત્વ રહ્યું છે. આ એ જ સંગઠન છે. જેની સ્થાપના પેલેસ્ટિનિયન ઐતિહાસિક નેતા યાસેર અરાફાત દ્વારા કરાઇ હતી. જેમનું 2004માં અવસાન થયું હતું. મહમૂદ અબ્બાસ પણ ફતહ ચળવળ સાથે સંકળાયેલા છે.

આ પણ વાંચોઃ અમેરિકામાંથી નિકાલ કરાયો હોત હૈતી નાગરિકોનો, Donald Trump સરકારના નિર્ણય પર જજે અંતિમ ક્ષણે લગાવી રોક, જાણો શું છે મામલો?