ઝેરોધાએ પોતાના કાઇટ એપ પર પસંદગીના ભારતીય યુઝર્સ માટે અમેરિકન શેરબજારમાં રોકાણ કરવાની સુવિધા શરૂ કરી છે. આ સર્વિસ હાલમાં ટેસ્ટિંગમાં છે. તેના દ્વારા રોકાણકારો અમેરિકાના 2 હજારથી વધુ શેર અને 1 હજારથી વધુ ઈટીએફ ખરીદી-વેચી શકશે. દરેક સોદા પર 0.1% ચાર્જ, મહત્તમ મર્યાદા 10 ડોલર નક્કી ઝેરોધા પર અમેરિકન શેર ખરીદવા અને વેચવા બંને પર ટ્રાન્ઝેક્શન વેલ્યુના 0.1% જેટલું બ્રોકરેજ લાગશે. ઉદાહરણ તરીકે, જો તમે 20,000 ડોલરના શેર ખરીદો છો, તો સામાન્ય ગણતરી પ્રમાણે 20 ડોલર બ્રોકરેજ બને, પરંતુ કેપને કારણે તમારે ફક્ત 10 ડોલર જ ચૂકવવા પડશે. ગ્રો અને IND મની જેવા પ્લેટફોર્મ્સ પહેલેથી જ આ સુવિધા આપી રહ્યા છે ઝેરોધા પહેલાં ગ્રો અને IND મની જેવા પ્લેટફોર્મ્સ આ સુવિધા આપી રહ્યાં છે. ગ્રો પર અમેરિકન સ્ટૉક્સ માટે બ્રોકરેજ 0.1% છે, પરંતુ ત્યાં ઓછામાં ઓછો 1 ડૉલરનો ચાર્જ લાગે છે અને મહત્તમ ફીની કોઈ મર્યાદા નક્કી કરવામાં આવી નથી. આ બંને પ્લેટફોર્મ્સની જેમ ઝેરોધા પર પણ બી-શૅર ટુકડાઓમાં ખરીદી શકાશે. કરન્સી કન્વર્ઝનમાં 0.5%થી 1.2% સુધીનો ખર્ચ લાગશે જ્યારે તમે ભારતમાંથી અમેરિકન શૅર્સ ખરીદો છો, ત્યારે તમારે તમારા રૂપિયાને ડૉલરમાં બદલવા પડે છે. આ સમગ્ર પ્રક્રિયામાં મુખ્યત્વે 3 પ્રકારના ખર્ચ થાય છે. સૌથી પહેલો ખર્ચ ડૉલરમાં બદલવાની ફીનો હોય છે. તેમાં બ્રોકર્સ વાસ્તવિક કરન્સી રેટ કરતાં 0.5%થી 1.2% સુધી વધુ ચાર્જ વસૂલે છે. આ ઉપરાંત, ભારતીય બેંક અકાઉન્ટમાંથી વિદેશી બ્રોકરના અકાઉન્ટમાં પૈસા મોકલવા પર ટ્રાન્સફર ફી અલગથી લાગે છે. સાથે જ, સરકારના ટૅક્સ TCS/GST અને અન્ય નાના-મોટા ચાર્જ પણ ઉમેરાય છે. ઉદાહરણ તરીકે, જો તમે ₹1 લાખના અમેરિકન શેર ખરીદો છો, તો આશરે ₹500થી ₹1,200 માત્ર ડૉલર કન્વર્ઝન ફીમાં કપાઈ જશે. બાકીની ટ્રાન્સફર ફી અને કર તેના ઉપરાંત અલગથી લાગશે. અમેરિકન પાર્ટનરનું નામ હજુ સ્પષ્ટ નથી ઝેરોધાએ એટલું તો જણાવ્યું છે કે ટ્રેડિંગ ગિફ્ટ સિટી મારફતે થશે, પરંતુ અમેરિકામાં તેમનો સ્થાનિક બ્રોકર અથવા ટેક પાર્ટનર કોણ છે, તેની માહિતી હજુ જાહેર કરવામાં આવી નથી. આ સુવિધા માત્ર સામાન્ય ભારતીય નાગરિકો માટે આ સુવિધા હાલમાં માત્ર ભારતમાં રહેતા રોકાણકારો માટે છે. NRIs અને કંપનીઓ અથવા ટ્રસ્ટના ખાતાઓને તેમાં રોકાણ કરવાની મંજૂરી નથી. વિદેશમાં નાણાં મોકલવા માટે RBIની લિબરલાઇઝ્ડ રેમિટન્સ સ્કીમ (LRS)ના નિયમોનું પાલન કરવું પડશે.