અમેરિકાના રાષ્ટ્રપતિ ડોનાલ્ડ ટ્રમ્પે શુક્રવારે છેલ્લા દિવસે ચીનના રાષ્ટ્રપતિ શી જિનપિંગ સાથે અંતિમ તબક્કાની મુલાકાત કરી. બંને નેતાઓની આ બેઠક બીજિંગના ઝોંગનાનહાઈ પરિસરમાં થઈ. તેને ચીનના ટોચના નેતૃત્વનું સૌથી સુરક્ષિત અને ગુપ્ત સત્તા કેન્દ્ર માનવામાં આવે છે. બેઠક બાદ ટ્રમ્પે જણાવ્યું કે ચીન સાથે શાનદાર ટ્રેડ ડીલ થઈ છે. તેમણે કહ્યું કે આ કરારોથી અમેરિકા અને ચીન બંનેને ફાયદો થશે. ટ્રમ્પે કહ્યું, “અમે કેટલાક શાનદાર કરારો કર્યા છે, જે બંને દેશો માટે સારા છે.” જોકે તેમણે આ કરારોની વધુ માહિતી શેર કરી નથી. અમેરિકા અને ચીન વચ્ચે છેલ્લા કેટલાક સમયથી વેપાર, ટેકનોલોજી અને સુરક્ષાને લઈને તણાવ ચાલી રહ્યો છે. જોકે, બંને દેશો સંબંધો સુધારવાનો પ્રયાસ પણ કરી રહ્યા છે. ટ્રમ્પના ચીન પ્રવાસ સંબંધિત અપડેટ્સ માટે બ્લોગ પર જાઓ…