અમેરિકી રાષ્ટ્રપતિ ડોનાલ્ડ ટ્રમ્પે ગુરુવારે દાવો કર્યો હતો કે ચીનના રાષ્ટ્રપતિ શી જિનપિંગે હોર્મુઝને ખુલ્લું રાખવામાં મદદ કરવાની ઓફર કરી છે. ફોક્સ ન્યૂઝને આપેલા ઇન્ટરવ્યુમાં ટ્રમ્પે કહ્યું કે શી જિનપિંગ ઇચ્છે છે કે અમેરિકા અને ઇરાન વચ્ચે કોઈ સમજૂતી થાય. ટ્રમ્પ અનુસાર, શી જિનપિંગે કહ્યું કે જો હું કોઈ રીતે મદદ કરી શકું, તો હું મદદ કરવા માંગીશ. ચીન મોટા પ્રમાણમાં ઇરાની ઓઈલ ખરીદે છે, તેથી તેને પણ હોર્મુઝ ખુલ્લું રહેવામાં રસ છે. તેમણે કહ્યું કે, જે દેશ આટલું બધું ઓઈલ ખરીદે છે, તેનો સ્વાભાવિક રીતે ઇરાન સાથે સંબંધ હોય છે. ચીન ઇચ્છે છે કે હોર્મુઝ સ્ટ્રેટ ખુલ્લું રહે. બીજી તરફ, ઇરાને હોર્મુઝમાંથી પસાર થતા જહાજો માટે નવા નિયમો લાગુ કર્યા છે. હવે આ માર્ગેથી પસાર થતા જહાજોને ઇરાનની દેખરેખ અને મંજૂરીમાંથી પસાર થવું પડી રહ્યું છે. તેમણે BRICS દેશોને અપીલ કરી છે કે તેઓ અમેરિકા અને ઇઝરાયલની નિંદા કરે. છેલ્લા 24 કલાકના 5 મોટા અપડેટ્સ… 1. હોર્મુઝમાં ગુજરાતનું વધુ એક જહાજ ડૂબ્યું: ગુજરાતનું માલવાહક જહાજ ‘હાજી અલી’ ઓમાન નજીક ડ્રોન કે મિસાઈલ જેવા હુમલાની ઝપેટમાં આવીને ડૂબી ગયું. તમામ 14 ક્રૂ મેમ્બર્સને સુરક્ષિત બચાવી લેવામાં આવ્યા. 2. ઈરાને ચીની જહાજોને હોર્મુઝમાંથી પસાર થવા દીધા: ઈરાની મીડિયા અનુસાર, IRGCની દેખરેખ હેઠળ ઘણા ચીની જહાજોને હોર્મુઝ સ્ટ્રેટમાંથી સુરક્ષિત રીતે બહાર કાઢવામાં આવ્યા. 3. ઈરાન બોલ્યું- ઈઝરાયલ સાથે મિલીભગત કરનારાઓને જવાબ મળશે: ઈરાની વિદેશ મંત્રી અબ્બાસ અરાઘચીએ ચેતવણી આપી કે ઈઝરાયેલ સાથે મળીને ઈરાન વિરુદ્ધ ષડયંત્ર કરનારાઓને જવાબ આપવામાં આવશે. તેમનું નિવેદન નેતન્યાહુના કથિત UAE પ્રવાસના દાવા પછી આવ્યું. 4. ઈરાને BRICSને અમેરિકા-ઈઝરાયલની નિંદા કરવા કહ્યું: નવી દિલ્હીમાં BRICS બેઠક દરમિયાન ઈરાની વિદેશ મંત્રી અરાઘચીએ અમેરિકા અને ઈઝરાયલ પર આંતરરાષ્ટ્રીય કાયદા તોડવાનો આરોપ લગાવ્યો અને BRICS દેશોને વિરોધ કરવાની અપીલ કરી. 5. અમેરિકાનો દાવો- હોર્મુઝ નાકાબંધી પછી 70 જહાજોએ રસ્તો બદલ્યો: CENTCOM અનુસાર, હોર્મુઝમાં તણાવ વધ્યા પછી અત્યાર સુધીમાં 70 વ્યાપારી જહાજોએ પોતાનો રૂટ બદલી લીધો છે. ઈરાન યુદ્ધ સંબંધિત અપડેટ્સ માટે નીચેના બ્લોગમાં જુઓ…