નેશનલ પેરા ટેબલ ટેનિસ ચેમ્પિયનશિપ ઈન્દોર ખાતે યોજાઈ હતી. જેમાં નૂરજહાં જમાની, ભાવીના પટેલ, સોનલ પટેલે પોતપોતાની કેટેગરીમાં ગોલ્ડ મેડલ જીત્યા હતા. ગુજરાતના ખેલાડીઓએ 4 ગોલ્ડ; 25 સિલ્વર અને 22 બ્રોન્ઝ મેડલ જીત્યા. જે કોઈપણ એક રાજ્યમાંથી સૌથી વધુ છે. ગોલ્ડ મેડલ વિજેતાઓમાં ભાવિના પટેલ, સોનલ પટેલ, નૂરજહાં જમાની સિંગલ્સમાં; સોનલ ડાભી મિક્સ ડબલ્સમાં સામેલ છે. નૂરજહાંએ વુમન્સ ક્લાસ 7નો ખિતાબ જીત્યો છે. આ જીત સાથે તે આ કેટેગરીમાં ભારતની નંબર 1 ખેલાડી બની ગઈ છે. હાલમાં એશિયામાં નંબર 8 પર ક્રમાંકિત, નૂરજહાંનું વર્ષના અંતમાં એશિયન પેરા ગેમ્સમાં ક્વોલિફાય થવા ટૉપ-6માં સ્થાન મેળવવાનું ટાર્ગેટ છે. તેને અદાણી સ્પોર્ટ્સલાઈનની ‘ગર્વ હૈ’ પહેલનું સમર્થન મળ્યું છે. તે અમદાવાદમાં અદાણી એરપોર્ટ હોલ્ડિંગ્સ લિમિટેડમાં જુનિયર ઑફિસર તરીકે કામ કરે છે.