મે 2026માં 1.94 લાખ કરોડ રૂપિયાનું ગુડ્સ એન્ડ સર્વિસ ટેક્સ (GST) કલેક્શન થયું. આ એપ્રિલના રેકોર્ડ 2.42 લાખ કરોડ રૂપિયાની સરખામણીમાં 20% ઓછું છે. જોકે, ગયા વર્ષના સમાન સમયગાળા એટલે કે મે 2025 (₹1.88 લાખ કરોડ) કરતાં 3.2% વધુ છે. સરકારે આજે એટલે કે 1 જૂને GST કલેક્શનના આંકડા જાહેર કર્યા. નાણા મંત્રાલય દ્વારા આજે 1 જૂને જાહેર કરાયેલા આંકડા મુજબ, રિફંડ ઘટાડ્યા પછી મે મહિનામાં નેટ GST રેવન્યુ 3.3% વધીને 1.67 લાખ કરોડ રૂપિયા રહ્યું, જે ગયા વર્ષે મે મહિનામાં 1.62 લાખ કરોડ રૂપિયા હતું. નાણાકીય વર્ષ 2025-26માં GST કલેક્શન ઇમ્પોર્ટથી થતી કમાણી વધી મે મહિનામાં GST કલેક્શનની વૃદ્ધિ મુખ્યત્વે ઇમ્પોર્ટ (આયાત) પર આધારિત રહી. ઇમ્પોર્ટેડ ગુડ્સમાંથી થતી ગ્રોસ GST રેવન્યુ વાર્ષિક ધોરણે 19.1% વધીને 59,654 કરોડ રૂપિયા પર પહોંચી ગઈ. જ્યારે, બીજી તરફ ઘરેલું ટ્રાન્ઝેક્શનમાંથી થતી ગ્રોસ ઘરેલું કમાણીમાં 2.6%નો ઘટાડો થયો અને તે 1.35 લાખ કરોડ રૂપિયા રહી. નેટ બેસિસ પર જોઈએ તો કસ્ટમ્સ (ઇમ્પોર્ટ) GST કલેક્શન 19.7% ઉછળીને 49,403 કરોડ રૂપિયા રહ્યું, જ્યારે નેટ ઘરેલું રેવન્યુ 2.3% ઘટીને 1.18 લાખ કરોડ રૂપિયા રહી ગયું. આ નાણાકીય વર્ષના પ્રથમ બે મહિનામાં 6.2%ની વૃદ્ધિ નાણાકીય વર્ષ 2026-27 (FY27)ના પ્રથમ બે મહિના (એપ્રિલ અને મે)ને ભેગા કરીને કુલ ગ્રોસ GST કલેક્શન 6.2% વધીને ₹4.37 લાખ કરોડ થઈ ગયું છે. તેવી જ રીતે, પ્રથમ બે મહિનામાં નેટ GST રેવન્યુ પણ 5.5%ની વૃદ્ધિ સાથે ₹3.78 લાખ કરોડ પર પહોંચી ગયું છે. હરિયાણા-કેરળમાં GST કલેક્શનમાં વૃદ્ધિ GST કલેક્શનના મામલે અલગ-અલગ રાજ્યોમાં મિશ્ર વલણ જોવા મળ્યું છે. મોટા રાજ્યોની વાત કરીએ તો સેટલમેન્ટ પહેલાં (પ્રી સેટલમેન્ટ SGST) મે મહિનામાં કર્ણાટકમાં 11%, આંધ્ર પ્રદેશમાં 11%, ઉત્તર પ્રદેશમાં 9% અને મહારાષ્ટ્રમાં 8%ની વૃદ્ધિ નોંધાઈ. કેરળમાં આ વૃદ્ધિ સૌથી શાનદાર 19% રહી, જ્યારે ગુજરાતમાં કલેક્શન 3% વધ્યું. અર્થતંત્રની તંદુરસ્તી દર્શાવે છે GST કલેક્શન GST કલેક્શન એ દર્શાવે છે કે દેશનું અર્થતંત્ર કેટલું તંદુરસ્ત છે. જો કલેક્શન વધારે હોય, તો તેનો અર્થ એ છે કે લોકો જોરશોરથી ખરીદી કરી રહ્યા છે, ફેક્ટરીઓમાં ઉત્પાદન વધી રહ્યું છે અને લોકો ઈમાનદારીથી ટેક્સ ભરી રહ્યા છે. 2017માં GST લાગુ થયો હતો સરકારે 1 જુલાઈ 2017ના રોજ દેશભરમાં GST લાગુ કર્યો હતો. આ પછી કેન્દ્ર અને રાજ્ય સરકારોના 17 કર અને 13 ઉપકર દૂર કરવામાં આવ્યા હતા. GSTને ચાર ભાગમાં વિભાજિત કરવામાં આવ્યો છે: