ટીમ ઇન્ડિયાના સ્પિનર કુલદીપ યાદવે 14 માર્ચે પોતાની નાનપણની ફ્રેન્ડ વંશિકા સિંહ સાથે મસૂરીમાં લગ્ન કર્યા છે. હવે 17 માર્ચે લખનઉની લક્ઝરી હોટેલ ‘ધ સેન્ટ્રમ’માં ગ્રાન્ડ રિસેપ્શન યોજાશે, જેના માટે બંનેના પરિવાર મસૂરીથી રવાના થઈ ગયા છે. જ્યારે, લખનઉમાં હોટેલ સ્ટાફે પણ આ ખાસ આયોજન માટે તૈયારીઓ શરૂ કરી દીધી છે. દિવ્ય ભાસ્કરએ આ શાહી આયોજનને લઈને હોટેલ સૂત્રો અને પરિવારના નજીકના લોકો સાથે વાતચીત કરી છે. જેમાં આ રિસેપ્શનનું બજેટ, મહેમાનોની યાદી, ભોજનનું મેન્યુ અને ડેકોરેશનની જે વિગતો સામે આવી છે, તે કોઈ શાહી લગ્નથી ઓછુ નથી. આવો, તમને ક્રમબદ્ધ રીતે જણાવીએ કે કુલદીપ યાદવના આ ગ્રાન્ડ રિસેપ્શનમાં શું-શું ખાસ થવાનું છે…. CM યોગી-જય શાહ સહિત 800થી વધુ મહેમાનો હાજરી આપશે જાણકારી અનુસાર, આ ભવ્ય રિસેપ્શનમાં લગભગ 800થી વધુ મહેમાનો માટે વ્યવસ્થા કરવામાં આવી છે. રિસેપ્શનમાં મહેન્દ્ર સિંહ ધોની, વિરાટ કોહલી, રોહિત શર્મા અને ICC ચેરમેન જય શાહ પણ હાજર રહેશે. જ્યારે, રાજકારણના ક્ષેત્રમાંથી ઉત્તરપ્રદેશના CM યોગી આદિત્યનાથ, પૂર્વ મુખ્યમંત્રી અને સપા પ્રમુખ અખિલેશ યાદવ, યુપી વિધાનસભા અધ્યક્ષ સતીશ મહાના, કાનપુરના સાંસદ રમેશ અવસ્થી સહિત રાજકારણના ઘણા મોટા ચહેરાઓ હાજર રહેશે.
હોટલનું ભાડું 26 લાખ રૂપિયાથી વધુ સમગ્ર આયોજન માટે હોટલનું એક દિવસનું ભાડું 26 લાખ રૂપિયા છે. વેન્યુને શાહી મહેલનો લુક આપવા માટે 7 લાખ રૂપિયા માત્ર ફૂલ, લાઇટ્સ અને સ્ટેજની સજાવટ પર ખર્ચ કરવામાં આવી રહ્યા છે. ખાવા-પીવા, રૂમના ભાડા, જગ્યા અને સજાવટનો ખર્ચ 33 લાખ રૂપિયાથી વધુ છે. 5 હજાર રૂપિયાની એક થાળી, 52 ડિશ અને લાઇવ કુકિંગ સ્ટેશન પરિવારના નજીકના સૂત્રોનું માનીએ તો મહેમાનોની આગતા-સ્વાગતામાં કોઈ કમી ન રહે, તે માટે હોટલના ખાસ ‘પ્લેટિનમ’ પેકેજની પસંદગી કરવામાં આવી છે. પ્લેટિનમ મિક્સ ડિનર હોટલનું સૌથી ભવ્ય પેકેજ છે, જેમાં એક પ્લેટની કિંમત 5000 રૂપિયા (+ ટેક્સ) છે. આમાં મહેમાનોને 52 શાનદાર ડિશની સાથે-સાથે લાઇવ કુકિંગ સ્ટેશનની સુવિધા પણ મળશે. આ પેકેજમાં 8 વેલકમ ડ્રિંક્સ, 2 લાઇવ કુકિંગ સ્ટેશન, 1 વેજ બિરયાની અને 3 પ્રીમિયમ આઈસ્ક્રીમ સહિત કુલ 52 ડિશનો સમાવેશ કરવામાં આવ્યો છે. હોટલ તરફથી 200mlની બ્રાન્ડેડ પાણીની બોટલો સર્વ કરવામાં આવશે, જેમાં હિમાલયાઝ કે વેદિકા જેવી પ્રીમિયમ બ્રાન્ડ રાખવામાં આવી છે. ડિનરની સંપૂર્ણ વ્યવસ્થા બુફે સિસ્ટમ પર હશે. ‘લેબર્નમ લૉન’માં સજશે મહેફિલ આ ભવ્ય રિસેપ્શન માટે હોટલના સૌથી મોટા અને ભવ્ય સ્થળનો ઉપયોગ કરવામાં આવ્યો છે. લેબર્નમ લૉન હોટલનો સૌથી મોટો ખુલ્લો ભાગ છે. અહીં 800થી વધુ મહેમાનો હાજર રહેશે. જ્યારે, VVIP મહેમાનોના રોકાણ માટે ‘ધ સેન્ટ્રમ’માં એક્ઝિક્યુટિવ સ્યુટ બુક કરવામાં આવ્યા છે, જેનું એક દિવસનું ભાડું 30,000 રૂપિયા છે. જ્યારે સંબંધીઓ અને પરિવારના સભ્યો માટે ડીલક્સ અને પ્રીમિયમ રૂમ બુક છે. જેનું ભાડું આશરે 16,000 રૂપિયા છે. હોટલના સેન્ટ્રમ વિલાને મોટા સ્ટાર્સ અને રાજકારણીઓ માટે બુક કરવામાં આવ્યું છે. જેનું ભાડું 45,000 રૂપિયા છે.

હવે ‘ધ સેન્ટ્રમ’ હોટલ વિશે જાણો… માનસિંહ ગોયલ ગ્રુપ દ્વારા સંચાલિત ‘ધ સેન્ટ્રમ’ લખનઉના સુશાંત ગોલ્ફ સિટી (લુલુ મોલ નજીક)માં આવેલ એક પ્રીમિયમ 5-સ્ટાર હોટલ છે. તે તેની શાનદાર મહેમાનગતિ, સુંદર સજાવટ અને શાંત પારિવારિક વાતાવરણ માટે જાણીતી છે. અહીં ભોજન માટે મલ્ટી-ક્યુઝીન બુફે અને લાઇવ કિચન મળે છે. જ્યારે, પરંપરાગત અવધી અને નવાબી સ્વાદ માટે અહીંની ‘દમ’ રેસ્ટોરન્ટ આખા શહેરમાં પ્રખ્યાત છે. ડ્રિંક્સ અને કોફી માટે અહીં ‘પેન્ડુલમ’ બાર અને ‘ઓરમ’ કેફે ઉપલબ્ધ છે.
હોટલમાં આઉટડોર સ્વિમિંગ પૂલ, મોરોક્કન સ્પા, આધુનિક ફિટનેસ સેન્ટર (જીમ) અને બિલિયર્ડ્સ/ટેબલ ટેનિસ જેવી ઇન્ડોર ગેમ્સ છે. અહીં હાઇ-સ્પીડ ઇન્ટરનેટ, સ્માર્ટ ટીવી, મિની બાર અને લક્ઝરી બાથરૂમથી સજ્જ મોટા અને આરામદાયક રૂમ છે. આ ચૌધરી ચરણ સિંહ ઇન્ટરનેશનલ એરપોર્ટથી લગભગ 15 કિમી દૂર છે અને ચારબાગ રેલવે સ્ટેશનથી તેનું અંતર 16 કિમી છે. શહેરના ઘોંઘાટથી દૂર અને લુલુ મોલની નજીક હોવાને કારણે તે હાઇ-પ્રોફાઇલ ઇવેન્ટ્સ માટે જાણીતું છે.