T-20 વર્લ્ડ કપ જીત્યા પછી ભારતીય ખેલાડીઓ પોતપોતાના ઘરે પહોંચી રહ્યા છે. જ્યાં બધાનું ભવ્ય સ્વાગત કરવામાં આવી રહ્યું છે. મુંબઈમાં કેપ્ટન સૂર્યકુમાર યાદવ, પટનામાં ઈશાન કિશન અને દિલ્હીમાં હેડ કોચ ગૌતમ ગંભીરનું ઢોલ-નગારા સાથે ભવ્ય સ્વાગત થયું. મુંબઈમાં કેપ્ટન સૂર્યકુમાર યાદવે કહ્યું- ‘અમારો આગામી લક્ષ્ય છે – 2028માં ભારત માટે ઓલિમ્પિક ગોલ્ડ જીતવો. તે જ વર્ષે T20 વર્લ્ડ કપ પણ હશે, તેથી અમે T20 હેટ્રિક બનાવવાનો પૂરો પ્રયાસ કરીશું.’ આ સ્ટોરીમાં ક્રિકેટરોના સ્વાગતના ફોટા જુઓ… ભારતે બે દિવસ પહેલાં વર્લ્ડકપ જીત્યો હતો 2 દિવસ પહેલા ભારતે રવિવારે ટી-20 વર્લ્ડ ચેમ્પિયનનો ખિતાબ પોતાના નામે કર્યો હતો. અમદાવાદના નરેન્દ્ર મોદી સ્ટેડિયમમાં રમાયેલી ફાઇનલ મેચમાં ભારતે શાનદાર પ્રદર્શન કરતા ન્યુઝીલેન્ડને 96 રનથી હરાવી ટ્રોફી જીતી હતી. આ સાથે જ ટીમ ઇન્ડિયાએ પોતાનો ખિતાબ જાળવી રાખ્યો અને ટી-20 વર્લ્ડ કપના ઇતિહાસમાં સતત બે વાર ટ્રોફી જીતનારી પ્રથમ ટીમ બની ગઈ.