રિલાયન્સ ઇન્ડસ્ટ્રીઝના ડિજિટલ આર્મ ‘જિયો પ્લેટફોર્મ્સ’ એ આકાશ અંબાણીને કંપનીના મેનેજિંગ ડિરેક્ટર (MD) તરીકે નિયુક્ત કર્યા છે. આ નિમણૂક કંપનીના ઇનિશિયલ પબ્લિક ઑફરિંગ (IPO) પહેલાં જ કરવામાં આવી છે. રેગ્યુલેટરી ફાઇલિંગ મુજબ, આકાશ અંબાણીનો કાર્યકાળ 9 એપ્રિલ 2026થી અમલમાં આવ્યો છે અને તેઓ આગામી 5 વર્ષ સુધી આ પદ પર રહેશે. મેના અંતમાં અથવા જૂનમાં IPO માટે ડ્રાફ્ટ પેપર્સ સંભવ બજાર નિષ્ણાતો અને રેગ્યુલેટરી ફાઇલિંગના સંકેતો અનુસાર, જિયો પ્લેટફોર્મ્સ મેના અંતમાં અથવા જૂન મહિનામાં તેના IPO માટે ડ્રાફ્ટ પેપર્સ (DRHP) ફાઇલ કરી શકે છે. આકાશ અંબાણીને MD બનાવવાનો નિર્ણય આ લિસ્ટિંગની તૈયારી સાથે જોડીને જોવામાં આવી રહ્યો છે. કંપની તેની લીડરશિપ ટીમને મજબૂત કરીને રોકાણકારોને સ્પષ્ટ વિઝન આપવા માંગે છે. 2014થી રિલાયન્સ જિયોના બોર્ડમાં સામેલ છે આકાશ આકાશ અંબાણી ઓક્ટોબર 2014 થી રિલાયન્સ જિયો ઇન્ફોકોમ (RJIL)ના બોર્ડનો ભાગ છે. તેઓ ગ્રુપની ડિજિટલ અને ટેલિકોમ સ્ટ્રેટેજીને નજીકથી જોતા રહ્યા છે. જૂન 2022 માં તેમને રિલાયન્સ જિયો ઇન્ફોકોમના ચેરમેન બનાવવામાં આવ્યા હતા. હવે જિયો પ્લેટફોર્મ્સના એમડી તરીકે તેમની ભૂમિકા વધુ મહત્વપૂર્ણ બની જશે, કારણ કે આ કંપની રિલાયન્સના સમગ્ર ડિજિટલ ઇકોસિસ્ટમને નિયંત્રિત કરે છે. નાણાકીય વર્ષ 2026માં ₹1.46 લાખ કરોડ રહી કમાણી કંપનીની ફાઇનાન્સિયલ્સ ઘણી મજબૂત છે. નાણાકીય વર્ષ 2025-26 માં જિયો પ્લેટફોર્મ્સે કુલ 1.46 લાખ કરોડ રૂપિયાની રેવન્યુ હાંસલ કરી છે. આ સમયગાળા દરમિયાન કંપનીનો નેટ પ્રોફિટ 30,000 કરોડ રૂપિયાથી વધુ રહ્યો. જિયો પ્લેટફોર્મ્સનું કામ શું છે? જિયો પ્લેટફોર્મ્સ લિમિટેડ (JPL) રિલાયન્સ ઇન્ડસ્ટ્રીઝની સહાયક કંપની છે. તેમાં રિલાયન્સ જિયો ઇન્ફોકોમ (ટેલિકોમ), માય જિયો, જિયો સિનેમા, જિયો સાવન અને અન્ય ડિજિટલ એપ્સનો સમાવેશ થાય છે.