ગુરુવારના ટ્રેડિંગ સેશનમાં ભારતીય શેરબજારમાં સ્પષ્ટ બેરિશ ટ્રેન્ડ જોવા મળ્યો હતો, જેમાં શરૂઆતથી જ નકારાત્મકતા હાવી રહી હતી. વૈશ્વિક જીઓપોલિટિકલ તણાવ, ઊંચા ક્રૂડ ઓઈલ ભાવ અને વૈશ્વિક બજારોમાં નબળાઈએ રોકાણકારોના સેન્ટિમેન્ટને અસર કરી હતી. ઈરાન અને અમેરિકા વચ્ચે મંત્રણાના ઇનકાર અને હોર્મુઝ સ્ટ્રેટમાં નાકાબંધીના વિવાદે વૈશ્વિક બજારોમાં અનિશ્ચિતતા વધારી છે. આ ઉપરાંત, આઈટી જાયન્ટ એચસીએલ ટેકનોલોજીસના નબળા પરિણામોને કારણે આઈટી સેક્ટરમાં ભારે વેચવાલી જોવા મળી હતી. મુખ્ય સૂચકાંકોની સ્થિતિ બીએસઇ સેન્સેક્સ :- ટ્રેડીંગની શરૂઆતે બીએસઇ સેન્સેક્સ આગલા બંધ 78516 સામે 77983 પોઈન્ટના મથાળેથી ખુલીને નફારૂપી વેચવાલી દ્વારા 77574 પોઈન્ટના નીચા મથાળે જોવા મળેલ. દિવસ દરમ્યાન સરેરાશ 604 પોઈન્ટની મુવમેન્ટ નોંધાવી સેન્સેક્સ સરેરાશ 852 પોઈન્ટના ઘટાડા સાથે 77664 પોઈન્ટ બંધ થયેલ. નિફ્ટી ફ્યુચર :- ટ્રેડીંગની શરૂઆતે નિફ્ટી ફ્યુચર આગલા બંધ 24381 સામે 24160 પોઈન્ટના મથાળેથી ખુલીને સ્ટોક સ્પેશીફીક ઘટાડો નોંધાવી 24125 પોઈન્ટના નીચા મથાળા સુધી જોવા મળેલ. સરેરાશ 163 પોઈન્ટની મુવમેન્ટ નોંધાવી નિફ્ટી ફ્યુચર 215 પોઈન્ટના ઘટાડા સાથે 24166 પોઈન્ટ બંધ થયેલ. બજારના પ્રભાવક પરિબળો વૈશ્વિક અસરો: અમેરિકાના ડાઉ જોન્સ અને નાસ્ડેકમાં ઘટાડો તેમજ એશિયન બજારોની નબળાઈ. મિડલ ઈસ્ટ સંઘર્ષને કારણે ક્રૂડ ઓઈલના ભાવમાં તેજી. સ્થાનિક પરિબળો: એફઆઈઆઈ (FII) આઉટફ્લો, રૂપિયામાં નબળાઈ અને ઊંચા વેલ્યુએશન. સેક્ટરલ મૂવમેન્ટ: આઈટી, મેટલ અને રિયલ્ટી સેક્ટરમાં સૌથી વધુ ઘટાડો. એફએમસીજી અને ફાર્મા સેક્ટરમાં મર્યાદિત ઘટાડો. એફઆઈઆઈ / ડીઆઈઆઈ પ્રવૃત્તિ: 22.04.2026ના રોજ વિદેશી સંસ્થાગત રોકાણકારો (FII) દ્વારા રૂ. 2078.36 કરોડની વેચવાલી અને સ્થાનિક સંસ્થાગત રોકાણકારો (DII) દ્વારા રૂ. 1048.17 કરોડની વેચવાલી જોવા મળી હતી. કોમોડિટી: ક્રૂડ ઓઈલમાં તેજી અને મેટલ્સમાં ઘટાડો. ગોલ્ડ અને સિલ્વરમાં મજબૂત ડોલરને કારણે પ્રોફિટ બુકિંગ સાથે મિશ્ર ટ્રેન્ડ. ટેકનિકલ લેવલ્સ અને સ્ટોક સ્પેસિફિક રેન્જ (તા. 24.04.2026) નિફ્ટી ફ્યુચર ટેકનિકલ લેવલ: બંધ ભાવ: 24166 પોઈન્ટ સપોર્ટ લેવલ: 24373 (પ્રથમ) અને 24404 (સ્ટ્રોંગ સપોર્ટ) સંભવિત સપાટી: 24108 થી 24088 આસપાસ. સાવચેતી: 24008 પોઈન્ટ નજીક સાવધાનીપૂર્વક પોઝિશન બનાવવી જોઇએ. સ્ટોક સ્પેસિફિક રેન્જ મૂવમેન્ટ: ગ્લેનમાર્ક ફાર્મા (2347) : રૂ. 2303 ના પ્રથમ તેમજ રૂ. 2280 ના બીજા સપોર્ટથી ટૂંકા સમયગાળે રૂ. 2360 થી રૂ. 2373 ની સપાટી સંભવિત. રૂ. 2380 ઉપર તેજી તરફી ધ્યાન. એક્સીસ બેંક (1370) : રૂ. 1347 આસપાસ પોઝીટીવ બ્રેકઆઉટ. રૂ. 1330 ના સપોર્ટથી રૂ. 1383 થી રૂ. 1390 આસપાસ ભાવ સપાટીની સંભાવના. રિલાયન્સ ઇન્ડસ્ટ્રીઝ (1345) : રૂ. 1323 ના પ્રથમ તેમજ રૂ. 1317 ના બીજા સપોર્ટથી રૂ. 1357 થી રૂ. 1365 આસપાસ ભાવ સપાટી નોંધાવી શકે. સ્ટેટ બેંક ઓફ ઇન્ડિયા (1094) : ટ્રેડીંગલક્ષી રૂ. 1103 થી રૂ. 1114 ની રેન્જ. રૂ. 1060 નો સ્ટ્રોંગ સપોર્ટ ધ્યાને લેવો. એયુ બેંક (1058) : રૂ. 1018 ના સ્ટ્રોંગ સપોર્ટથી તેજી તરફી રૂ. 1067 થી રૂ. 1075 આસપાસ ભાવ સપાટી દર્શાવે તેવી સંભાવના. ભાવિ દિશા: આગામી દિવસોમાં બજારમાં વોલેટિલિટી અને નબળાઈ યથાવત રહેવાની શક્યતા છે. ગ્લોબલ સંકેતો અને ક્રૂડ ઓઈલના ભાવ મુખ્ય ટ્રિગર રહેશે. રોકાણકારોએ મજબૂત ફન્ડામેન્ટલ ધરાવતા સ્ટોક્સમાં સંયમપૂર્વક રોકાણ જાળવવું હિતાવહ છે.