ભારતમાં આજે શુક્રવાર, 18 સપ્ટેમ્બરથી એપલના નવા ફ્લેગશિપ સ્માર્ટફોન આઇફોન 18 પ્રો અને આઇફોન 18 પ્રો મેક્સનું વેચાણ શરૂ થઈ ગયું છે. દેશભરના એપલ સ્ટોર્સ અને અધિકૃત રિટેલર્સની બહાર નવા આઇફોનને સૌથી પહેલાં ખરીદવા માટે ખરીદદારોની ભીડ જોવા મળી રહી છે. લૉન્ચના દિવસે એપલના રિટેલ સ્ટોર્સ નિર્ધારિત સમય કરતાં વહેલા એટલે કે સવારે 8 વાગ્યે ખોલી દેવામાં આવ્યા. ભારતમાં એપલના કુલ 6 રિટેલ સ્ટોર છે. મુંબઈમાં બે, જ્યારે દિલ્હી, નોઇડા, બેંગલુરુ અને પુણેમાં એક-એક સ્ટોર છે. નાસિકથી મુંબઈ આવેલા હિતેશે કહ્યું- ’17 પ્રો મેક્સ’ વાપરી રહ્યો હતો, હવે ’18 પ્રો મેક્સ’ લઈ રહ્યો છું મુંબઈના BKC સ્થિત એપલ સ્ટોરની બહાર લાઈનમાં ઊભેલા હિતેશ પટેલે જણાવ્યું કે તેઓ આઇફોન ખરીદવા માટે નાસિકથી આવ્યા છે. હિતેશે કહ્યું કે અમે રાત્રે 10 વાગ્યાથી લાઇનમાં ઊભા છીએ. મને સવારે 8 વાગ્યાનો પહેલો સ્લોટ મળ્યો. હું દર વર્ષે મારો ફોન બદલું છું. હાલમાં મારી પાસે 17 પ્રો મેક્સ છે અને હવે હું 18 પ્રો મેક્સ ખરીદવા જઈ રહ્યો છું.” બેંગલુરુમાં સવારે 5 વાગ્યાથી ભીડ, ગ્રાહકો બોલ્યા- અમારા માટે લોન્ચ તહેવાર જેવું છે બેંગલુરુના સ્ટોર પર પહોંચેલા રાહુલ નામના ગ્રાહક સવારે 5 વાગ્યાથી જ લાઇનમાં ઊભા હતા. તેમણે જણાવ્યું કે અહીં દિલ્હી, હરિયાણા અને મુંબઈ સુધીથી લોકો આવ્યા છે. રાહુલે કહ્યું, “મેં સૌથી પહેલાં આઇફોન 7 ખરીદ્યો હતો, ત્યારથી દર વર્ષે નવું મોડલ લઉં છું. આઇફોનનું લોન્ચ અમારા માટે કોઈ તહેવાર જેવું હોય છે.” ટેક યુટ્યુબર્સમાં પણ ક્રેઝ, 1TB વેરિઅન્ટની સૌથી વધુ માંગ યૂટ્યુબર સૂરજ ચૌહાણે જણાવ્યું કે તેઓ પોતાની ચેનલ પર ટેક રિવ્યૂ કરે છે અને દર વખતે લોન્ચ ડે પર જ નવો આઇફોન ખરીદે છે. બીજી તરફ અજય નામના ગ્રાહકે જણાવ્યું કે તેમણે ‘આઇફોન 18 પ્રો મેક્સ 1TB’ વેરિઅન્ટનું પ્રી-બુકિંગ કરાવ્યું હતું. લોકોને આ વખતે નવા કેમેરા ફીચર્સ અને પરફોર્મન્સ અપગ્રેડને લઈને ઘણો ઉત્સાહ છે. મુંબઈમાં સૌથી પહેલો ફોન મેળવનારા ગ્રાહક… — Press Trust of India (@PTI_News) 18 સપ્ટેમ્બર, 2026 સવારે 8 વાગ્યાથી રાત્રે 10 વાગ્યા સુધી સ્ટોર્સ ખુલ્લા રહેશે ભારતમાં એપલના અધિકૃત ઑનલાઇન સ્ટોર ઉપરાંત 6 મુખ્ય રિટેલ સ્ટોર્સ પર આઇફોન 18 પ્રો સિરીઝ ઉપલબ્ધ કરાવવામાં આવી છે. ભીડને ધ્યાનમાં રાખીને કંપનીએ સવારે 8 વાગ્યાથી જ ડિલિવરી અને વૉક-ઇન વેચાણ શરૂ કરી દીધું છે, જે રાત્રે 10 વાગ્યા સુધી ચાલુ રહેશે. આઇફોન 18-પ્રો અને પ્રો-મેક્સમાં અત્યાર સુધીની સૌથી મોટી બેટરી એપલે 9 સપ્ટેમ્બરે પોતાના પ્રથમ ફોલ્ડેબલ ફોન સાથે આઇફોન 18-પ્રો અને આઇફોન 18-પ્રો મેક્સ પણ લોન્ચ કર્યા હતા. આ આઇફોનના પ્રથમ પ્રીમિયમ ફોન છે, જેમાં 48 મેગાપિક્સલના ત્રણ કેમેરા આપવામાં આવ્યા છે. તેમાં મુખ્ય કેમેરા, ટેલિફોટો કેમેરા અને અલ્ટ્રાવાઇડ કેમેરાનો સમાવેશ થાય છે. એપલે દાવો કર્યો કે એક વખત ચાર્જ કર્યા પછી 18-પ્રો 24 કલાક અને 18-પ્રો મેક્સ 30 કલાક સુધી ચાલશે. આ અત્યાર સુધીનું સૌથી વધુ બેટરી બેકઅપ છે. ફોન ફક્ત 15 મિનિટમાં 50% ચાર્જ થઈ જશે.