ભારતની બેડમિન્ટન સ્ટાર પીવી સિંધુ ઇન્ડોનેશિયા ઓપન સુપર 1000 ટુર્નામેન્ટના બીજા રાઉન્ડમાં પહોંચી ગઈ છે. માલવિકા બંસોડ પહેલા રાઉન્ડમાં હારી ગઈ. મેન્સ સિંગલ્સમાં કિદામ્બી શ્રીકાંત પણ બહાર થયો. વર્લ્ડ નંબર-12 સિંધુએ મંગળવારે રાઉન્ડ ઑફ 32માં થાઈલેન્ડની બુસાનન ઓન્ગબ્રામંગફાનને સીધા ગેમમાં 25-23, 21-16થી હરાવી. મેચ 51 મિનિટ સુધી ચાલી. 30 વર્ષની સિંધુ રાઉન્ડ ઑફ 16માં તુર્કીયેની નેસ્લિહાન આરિન અને સાઉથ કોરિયાની વર્લ્ડ નંબર-1 શટલર આન સે-યૌંગ વચ્ચે થનારી મેચની વિજેતા સામે રમશે. પહેલા ગેમમાં સંઘર્ષ, બીજી ગેમ સિંધુએ સરળતાથી જીત્યો આ મેચમાં સિંધુને પ્રથમ ગેમમાં સંઘર્ષ કરવો પડ્યો. ઓંગબ્રામંગફાને તેને સખત ટક્કર આપી. જોકે, ભારતીય સ્ટારે આ ગેમ 25-23થી જીતી લીધી. સિંધુએ બીજી ગેમમાં લય મેળવી અને બીજી ગેમ 21-16થી જીતી લીધી. અન્ય એક મેચમાં માલવિકા બંસોડને થાઈલેન્ડની પોર્નપાવી ચોચુવોંગે 21-12, 21-10થી હરાવી. મેચ માત્ર 39 મિનિટમાં સમાપ્ત થઈ ગઈ. શ્રીકાંતને જાપાની ખેલાડીએ હરાવ્યો મેન્સ સિંગલ્સમાં કિદાંબી શ્રીકાંતને પ્રથમ રાઉન્ડમાં હાર મળી. જાપાનના યુશી તનાકાએ તેને માત્ર 37 મિનિટમાં 21-19, 21-15થી હરાવી. લક્ષ્ય સેનની મેચ થોડીવારમાં થશે. ડબલ્સ કેટેગરીમાં પણ ભારતીય જોડીઓ એક્શનમાં હશે. શું છે ઇન્ડોનેશિયા ઓપન? આ બેડમિન્ટન વર્લ્ડ ફેડરેશન (BWF)ની લેવલ-1 બેડમિન્ટન ટુર્નામેન્ટ છે. આ વર્ષમાં એકવાર યોજાય છે. ટુર્નામેન્ટ પ્રથમવાર 1982માં રમાઈ હતી. ત્યારથી તેમાં વિશ્વના શ્રેષ્ઠ બેડમિન્ટન ખેલાડીઓ ભાગ લે છે.