ભારતીય મહિલા ક્રિકેટ ટીમ શનિવારે T20 વર્લ્ડ કપમાં ભાગ લેવા માટે મુંબઈથી ઇંગ્લેન્ડ રવાના થઈ. ચાહકોએ ઢોલ-નગારા વચ્ચે ખેલાડીઓને તિલક લગાવીને વિદાય આપી. ટીમ હરમનપ્રીત કૌરની આગેવાની હેઠળ મેદાનમાં ઉતરશે, જેણે ગયા વર્ષે ભારતને પહેલીવાર મહિલા વન-ડે વર્લ્ડ કપ જીતાડ્યો હતો. તે ટીમની 11 ખેલાડીઓ સ્ક્વોડનો ભાગ છે. આ ટીમ વર્લ્ડ કપ પહેલાં ઇંગ્લેન્ડ સામે 3 મેચની T20 સિરીઝ રમશે. જે લિમિટેડ ઓવરના ICC ટુર્નામેન્ટની તૈયારીઓની દ્રષ્ટિએ મહત્વપૂર્ણ છે. આ સિરીઝ 28 માર્ચથી શરૂ થઈ રહી છે. T20 વર્લ્ડ કપ માટે ભારતીય મહિલા ટીમ હરમનપ્રીત કૌર (કેપ્ટન), સ્મૃતિ મંધાના, શેફાલી વર્મા, જેમિમાહ રોડ્રિગ્સ, દીપ્તિ શર્મા, રિચા ઘોષ (વિકેટકીપર), ભારતી ફુલમાલી, શ્રી ચરણી, યાસ્તિકા ભાટિયા, નંદની શર્મા, અરુંધતિ રેડ્ડી, ક્રાંતિ ગૌડ, રેણુકા સિંહ ઠાકુર, શ્રેયંકા પાટીલ અને રાધા યાદવ. ભારતની પહેલી મેચ પાકિસ્તાન સામે થશે ભારતની પહેલી મેચ પાકિસ્તાન સામે 14 જૂને એજબેસ્ટનમાં રમાશે. ત્યારબાદ ટીમ ઈન્ડિયા નેધરલેન્ડ્સ, સાઉથ આફ્રિકા, બાંગ્લાદેશ અને ઓસ્ટ્રેલિયા સામે રમશે. ટુર્નામેન્ટમાં 12 ટીમને 6-6ના બે ગ્રુપમાં વહેંચવામાં આવી છે. દરેક ગ્રુપમાંથી 2 ટીમ સેમિફાઇનલમાં પ્રવેશ કરશે. ઓસ્ટ્રેલિયા સૌથી સફળ ટીમ રહી છે વુમન્સ T20 વર્લ્ડ કપના ઇતિહાસમાં ઓસ્ટ્રેલિયા સૌથી સફળ ટીમ રહી છે. ઓસ્ટ્રેલિયાએ અત્યાર સુધી રેકોર્ડ 6 વખત ખિતાબ પોતાના નામે કર્યો છે અને ઘણી વખત ફાઇનલ સુધી પહોંચીને પોતાની બાદશાહત સાબિત કરી છે. આ ઉપરાંત ઇંગ્લેન્ડે 2009માં પ્રથમ એડિશન જીતીને ઇતિહાસ રચ્યો હતો, જ્યારે વેસ્ટ ઇન્ડીઝે 2016માં ખિતાબ જીત્યો હતો.