ભારતીય T20 કેપ્ટન શ્રેયસ અય્યર ICCની તાજી T20 બેટર્સ રેન્કિંગમાં ચોથા નંબર પર પહોંચી ગયો છે. તેણે 3 સ્થાનની છલાંગ લગાવી છે. 31 વર્ષીય અય્યરને વેસ્ટ ઇન્ડીઝ સામેની સિરીઝની પહેલી મેચમાં સદી ફટકારવાનો ફાયદો મળ્યો છે. અય્યરે લખનઉમાં T20 આંતરરાષ્ટ્રીય કારકિર્દીની પ્રથમ સદી ફટકારી હતી. બીજી તરફ, ઈશાન કિશન રેન્કિંગમાં પ્રથમ અને અભિષેક શર્મા બીજા નંબર પર છે. પાકિસ્તાનનો સાહિબઝાદા ફરહાન ત્રીજા સ્થાને છે. આ રીતે ટૉપ-4માં ભારતના 3 બેટર્સ સામેલ છે. બોલિંગ રેન્કિંગમાં અક્ષર પટેલ નવમા નંબર પર T20 બોલિંગ રેન્કિંગમાં ભારતના અક્ષર પટેલ 649 રેટિંગ પોઇન્ટ્સ સાથે નવમા સ્થાને છે. તે ટૉપ-10માં સામેલ એકમાત્ર ભારતીય બોલર છે. અફઘાનિસ્તાનનો રાશિદ ખાન 720 પોઈન્ટ્સ સાથે પ્રથમ સ્થાને યથાવત છે. ઓસ્ટ્રેલિયાનો એડમ ઝામ્પા 700 પોઇન્ટ્સ સાથે બીજા અને ઇંગ્લેન્ડનો આદિલ રાશિદ 695 પોઈન્ટ્સ સાથે ત્રીજા સ્થાને છે. પાકિસ્તાનના અબરાર અહમદ પણ 695 પોઇન્ટ્સ સાથે સંયુક્ત રીતે ત્રીજા સ્થાને છે. રોસ્ટન ચેઝ T20 ઓલરાઉન્ડર્સમાં ત્રીજા સ્થાને વેસ્ટ ઇન્ડીઝના રોસ્ટન ચેઝને T20 આંતરરાષ્ટ્રીય બોલરો અને ઓલરાઉન્ડરોની રેન્કિંગમાં ફાયદો થયો છે. તે બોલરોની રેન્કિંગમાં 24 સ્થાન ઉપર ચઢીને 23મા નંબર પર પહોંચી ગયો છે. તો, ઓલરાઉન્ડરોની રેન્કિંગમાં 2 સ્થાનની છલાંગ લગાવીને ત્રીજા નંબર પર આવી ગયો છે. ભારતનો હાર્દિક પંડ્યા 204 રેટિંગ પોઇન્ટ્સ સાથે આઠમા નંબર પર છે. ટેસ્ટ રેન્કિંગમાં રેનશોને ફાયદો ઓસ્ટ્રેલિયાએ ડરબનમાં સાઉથ આફ્રિકાને પ્રથમ ટેસ્ટમાં 214 રનથી હરાવ્યું. ત્યાર બાદ ટેસ્ટ રેન્કિંગમાં ઘણા ખેલાડીઓને ફાયદો થયો. ઓસ્ટ્રેલિયાના મેથ્યુ રેનશોએ પહેલી ઇનિંગ્સમાં 190 અને બીજી ઇનિંગ્સમાં 82 રન બનાવ્યા. તેને પ્લેયર ઑફ ધ મેચ તરીકે પસંદ કર્યો. આ પ્રદર્શનના આધારે તે બેટર્સની રેન્કિંગમાં સંયુક્ત રીતે 49મા ક્રમે પહોંચી ગયો છે. આ પહેલાં તે ટૉપ-100માંથી બહાર હતો. હેઝલવુડ 7મા ક્રમે પહોંચ્યો ઓસ્ટ્રેલિયાના ઝડપી બોલર જોશ હેઝલવુડને પણ ફાયદો થયો છે. તેણે બીજી ઇનિંગ્સમાં 49 રન આપીને 6 વિકેટ ઝડપી હતી. ત્યાર બાદ તે 2 સ્થાન ઉપર ચઢીને સાતમા ક્રમે પહોંચી ગયો છે. મિચેલ સ્ટાર્ક બોલરોની રેન્કિંગમાં પ્રથમ સ્થાને યથાવત્ છે. જાડેજા ટેસ્ટ ઓલરાઉન્ડરોમાં નંબર-1 ભારતનો રવીન્દ્ર જાડેજા ટેસ્ટ ઓલરાઉન્ડરોની રેન્કિંગમાં પ્રથમ સ્થાને યથાવત્ છે. સાઉથ આફ્રિકાના વિયાન મુલ્ડર એક સ્થાન ઉપર ચઢીને ચોથા ક્રમે પહોંચી ગયો છે.