ઇન્ડિગો એરલાઇનની પેરન્ટ કંપની ઇન્ટરગ્લોબ એવિએશને 29 મે 2026ના રોજ પૂરા થયેલાં ચોથા ક્વાર્ટર (Q4FY26) ના પરિણામો જાહેર કર્યા છે. આ ક્વાર્ટરમાં કંપનીને ₹2,536 કરોડનો કોન્સોલિડેટેડ નેટ લોસ (ચોખ્ખું નુકસાન) થયો છે. ગયા વર્ષના આ જ ક્વાર્ટરમાં કંપનીને ₹3,068 કરોડનો કોન્સોલિડેટેડ નેટ પ્રોફિટ (ચોખ્ખો નફો) થયો હતો. દેશની સૌથી મોટી એરલાઇન હાલમાં અનેક પડકારોનો સામનો કરી રહી છે. કંપનીને આ નુકસાન મુખ્યત્વે ડોમેસ્ટિક કેપેસિટી પર લાગેલા પ્રતિબંધો, ભારતીય રૂપિયામાં આવેલી નબળાઈ અને હવાઈ ઈંધણ એટલે કે ફ્યુઅલની વધતી કિંમતોને કારણે થયું છે. આ ઉપરાંત, આ ક્વાર્ટરમાં કંપની પર ₹250 કરોડનો વન-ટાઇમ ચાર્જ એટલે કે એકસાથેનો શુલ્ક પણ લાગ્યો છે. વાર્ષિક ધોરણે નુકસાન હોવા છતાં, કંપનીની ઓપરેશનલ રેવન્યુમાં થોડો વધારો જોવા મળ્યો છે. નાણાકીય વર્ષ 2026ના ચોથા ક્વાર્ટરમાં ઇન્ડિગોની રેવન્યુ નજીવી રીતે વધીને ₹22,438 કરોડ પર પહોંચી ગઈ. ગયા નાણાકીય વર્ષ (Q4FY25) ના સમાન ક્વાર્ટરમાં કંપનીની રેવન્યુ ₹22,152 કરોડ હતી. ફ્યુલના વધેલા ખર્ચનો બોજ મુસાફરો પર નાખશે: ઇન્ડિગો પરિણામોની સાથે જ ઇન્ડિગોએ જાહેરાત કરી છે કે તે ઘરેલું અને આંતરરાષ્ટ્રીય બંને રૂટ પર ફ્યુલના વધેલા ખર્ચનો બોજ મુસાફરો પર નાખશે. મિડલ ઇસ્ટ સંકટને કારણે વૈશ્વિક બજારમાં ક્રૂડ ઓઇલની કિંમતોમાં ભારે ઉતાર-ચઢાવ આવી રહ્યો છે. આને કારણે એવિએશન ટર્બાઇન ફ્યુલ (ATF) એટલે કે જેટ ફ્યુલની કિંમત વધી ગઈ છે, જેના નિપટવા માટે કંપની હવે ભાડામાં વધારો કરવા જઈ રહી છે. ફ્યુલ હેજિંગના વિકલ્પ પર વિચાર કરી રહી છે કંપની ભાવમાં સતત થઈ રહેલા ઉતાર-ચઢાવને જોતા, ઇન્ડિગો હવે ‘ફ્યુઅલ હેજિંગ’ની રણનીતિ અપનાવવા પર વિચાર કરી રહી છે. કંપનીના એક ટોચના એક્ઝિક્યુટિવ મુજબ, જોખમ ઘટાડવાના ઉપાય પર કામ કરવામાં આવી રહ્યું છે. દુનિયાની ઘણી ગ્લોબલ એરલાઇન્સ તેલની કિંમતોમાં આવનારા તેજ ઉછાળાથી પોતાના માર્જિનને સુરક્ષિત રાખવા માટે આ રણનીતિનો ઉપયોગ કરે છે. એરલાઇન મેનેજમેન્ટનું કહેવું છે કે એવિએશન સેક્ટર માટે ફ્યુઅલ પ્રાઇસ સૌથી મોટો વેરીએબલ (ચલ) બની રહ્યો છે, તેથી બજારની પરિસ્થિતિઓને જોતા ભાડાને એડજસ્ટ કરવામાં આવતા રહેશે. 450 મિલિયન ડોલરના પ્રીપેમેન્ટને મંજૂરી મળી ઇન્ડિગોના બોર્ડે કંપનીના ફાઇનાન્સ લીઝ ઓબ્લિગેશન્સ (લીઝ દેયતાઓ)ના આંશિક પ્રીપેમેન્ટને મંજૂરી આપી દીધી છે. આ ચુકવણી એક કે તેથી વધુ હપ્તાઓમાં કંપનીની સંપૂર્ણ માલિકીની સહાયક કંપની ‘ઇન્ટરગ્લોબ એવિએશન ફાઇનાન્સિયલ સર્વિસિસ IFSC પ્રાઇવેટ લિમિટેડ’ને કરવામાં આવશે. તેની કુલ રકમ આશરે 450 મિલિયન ડોલર સુધીની હશે. આ ફંડનો ઉપયોગ પેટાકંપની વિમાન, વિમાનના એન્જિન અને પાર્ટ્સ ખરીદવા માટે કરશે, જેનાથી એરલાઇનને પોતાની એવિએશન એસેટ્સની માલિકી મળશે. કુલ આવક 6% થી વધુ વધી છે: કંપનીના MD કંપનીના મેનેજિંગ ડિરેક્ટર (MD) રાહુલ ભાટિયાએ જણાવ્યું હતું કે નાણાકીય વર્ષ 2026 બિઝનેસની દ્રષ્ટિએ અત્યંત પડકારજનક રહ્યું, જેણે અમારા નફાને નોંધપાત્ર રીતે અસર કરી છે. આ પ્રતિકૂળ પરિસ્થિતિઓ છતાં, બિઝનેસનું મૂળભૂત પ્રદર્શન મજબૂત રહ્યું. આ વર્ષે અમારી ક્ષમતા (કેપેસિટી) માં 9.5% નો વધારો થયો અને કુલ આવક 6% થી વધુ વધી છે. જો આપણે વિદેશી મુદ્રા (ફોરેન એક્સચેન્જ) ના ઉતાર-ચઢાવ અને એકસાથેની વસ્તુઓની અસરને દૂર કરીએ, તો ઇન્ડિગોએ ₹7,500 કરોડનો નફો કમાવ્યો છે. અમે સતત ઉતાર-ચઢાવ વચ્ચે મજબૂત બેલેન્સ શીટ અને પર્યાપ્ત રોકડ (લિક્વિડિટી) જાળવી રાખવામાં સફળ રહ્યા છીએ. મિડલ ઇસ્ટ સંકટ અને લેબર લોનો પ્રભાવ પેસેન્જર્સ અને લોડ ફેક્ટરમાં ઘટાડો કંપની દ્વારા સ્ટોક એક્સચેન્જને આપવામાં આવેલી માહિતી અનુસાર, આ ક્વાર્ટરમાં ઇન્ડિગોના મુસાફરોની સંખ્યામાં 1.1% નો નજીવો ઘટાડો થયો છે, જે ઘટીને 31.6 મિલિયન રહી ગઈ. પ્રતિ કિલોમીટર કમાણી (યીલ્ડ) પણ 2.2% ઘટીને ₹5.20 થઈ ગઈ. આ સાથે જ પેસેન્જર લોડ ફેક્ટરમાં 1.7% નો ઘટાડો થયો છે અને તે ઘટીને 85.8% પર આવી ગયો છે. 6 મહિનામાં 17.13% ઘટ્યો ઇન્ડિગોનો શેર ત્રિમાસિક પરિણામો પહેલાં ઇન્ટરગ્લોબ એવિએશનનો શેર આજે 3.28% ઘટીને 4,420 રૂપિયાના સ્તરે બંધ થયો. કંપનીનો શેર 5 દિવસમાં 2.3% ઘટ્યો અને એક મહિનામાં 1.72% વધ્યો છે. જ્યારે શેર છેલ્લા 6 મહિનામાં 24% અને એક વર્ષમાં 17% ઘટ્યો છે. કંપનીનું માર્કેટ કેપ 1.71 લાખ કરોડ રૂપિયા છે. ભારતની સૌથી મોટી એરલાઇન છે ઇન્ડિગો માર્કેટ શેરની દ્રષ્ટિએ ઇન્ડિગો દેશની સૌથી મોટી એરલાઇન છે. ભારતીય એરલાઇન માર્કેટમાં કંપનીનો માર્કેટ શેર લગભગ 60% છે. તેની સ્થાપના 2006માં રાહુલ ભાટિયા અને રાકેશ ગંગવાલે કરી હતી. એરલાઇન પાસે 400થી વધુ એરક્રાફ્ટનો કાફલો છે. તેના 50 કરોડથી વધુ ગ્રાહકો છે. શું હોય છે ASKs અને લોડ ફેક્ટર? અવેલેબલ સીટ કિલોમીટર (ASKs): એનો અર્થ એ થાય છે કે એરલાઇન પાસે કુલ કેટલી સીટો ઉપલબ્ધ હતી અને તેમણે કેટલા કિલોમીટરનું અંતર કાપ્યું. આ એરલાઇનની કુલ પેસેન્જર ક્ષમતાને માપવાનો માપદંડ છે. લોડ ફેક્ટર: આ દર્શાવે છે કે ફ્લાઇટ દરમિયાન એરલાઇનની કેટલી ટકા બેઠકો ભરેલી હતી. લોડ ફેક્ટર જેટલો વધારે હશે, એરલાઇનની ક્ષમતાનો તેટલો જ સારો ઉપયોગ માનવામાં આવે છે.