આલિયા ભટ્ટ બુધવારે સાંજે કાન ફિલ્મ ફેસ્ટિવલમાં આઇસ બ્લુ ગાઉનમાં રેડ કાર્પેટ પર જોવા મળી. ફિલ્મ ‘એ વુમન્સ લાઇફ’ (La Vie D’Une Femme) ના પ્રીમિયર દરમિયાન તેનો ‘સિન્ડ્રેલા’ અવતાર જોવા મળ્યો. રેડ કાર્પેટ પર આવવાના થોડા કલાકો પહેલા, આલિયાએ તેની ઇન્સ્ટાગ્રામ સ્ટોરી પર લોરિયલ પેરિસને ટેગ કરતા તેના લુકની તસવીરો અને વીડિયો શેર કર્યા. વિશ્વનો સૌથી પ્રતિષ્ઠિત ફિલ્મ ફેસ્ટિવલ અને કલ્ચરલ ઇવેન્ટ કાન 12 મેથી શરૂ થયો છે. આ ફેસ્ટિવલ 23 મે સુધી ફ્રાન્સના ફ્રેન્ચ રિવેરામાં યોજાશે. કાનમાંથી આલિયાના અત્યાર સુધીમાં 5 લુક સામે આવ્યા છે. આલિયાનો પાંચમો લુક જુઓ: આલિયાનો ચોથો લુક જુઓ:- જુઓ આલિયાનો ત્રીજો લુક:- જુઓ આલિયાનો બીજો લુક:- જુઓ આલિયાનો પહેલો લુક:- યુલિયા વંતૂરે કાન રેડ કાર્પેટ પર વોક કર્યું બોલિવૂડ સ્ટાર સલમાન ખાનની રૂમર્ડ ગર્લફ્રેન્ડ યૂલિયા વંતૂર પણ આ ફેસ્ટિવલનો ભાગ બની છે. તેણે ડિઝાઇનર તમરા રાલ્ફ દ્વારા ડિઝાઇન કરાયેલ આઇસ-બ્લુ ટરકોઇઝ ગાઉન પહેર્યું હતું. ગુજ્જુ કૉ-એક્ટર અને ડિરેક્ટર સાથે રેડ કાર્પેટ પર વૉક કર્યું વાસ્તવમાં યૂલિયા વંતૂરની ફિલ્મ ‘એકોઝ ઓફ અસ’નું કાનમાં સ્ક્રીનિંગ થવાનું હતું. તેથી તે તેના કૉ-એક્ટર દીપક તિજોરી અને ફિલ્મના ડિરેક્ટર જોય રાજન સાથે ફિલ્મ ફેસ્ટિવલમાં પહોંચી હતી. આ દરમિયાન તેણે પાપારાઝીને મનમૂકીને પોઝ આપ્યા હતા. સાથે જ તેણે કેમેરા સામે ફ્લાઇંગ કિસ આપી હતી અને હાથેથી હાર્ટનો સિમ્બોલ બનાવ્યો હતો. તારા સુતારિયા કરશે કાનના રેડ કાર્પેટ પર ડેબ્યૂ આલિયા ભટ્ટ અને યુલિયા વંતૂર ઉપરાંત ભારતમાંથી ઉર્વશી રૌતેલા, ઐશ્વર્યા રાય, મૌની રોય, અદિતિ રાવ હૈદરી અને અહેસાસ ચન્ના કાનના રેડ કાર્પેટ પર પહોંચશે. એક્ટ્રેસ તારા સુતારિયા પણ કાન રેડ કાર્પેટ પર ડેબ્યૂ કરવાની છે. વડાપ્રધાન નરેન્દ્ર મોદીની અપીલની મુલાકાત પર અસર પડી વડાપ્રધાન નરેન્દ્ર મોદીએ તાજેતરમાં જનતાને ઓછામાં ઓછું પ્રવાસ કરવા અને ઓછું તેલ-બળતણ વાપરવા અપીલ કરી છે. આ જ કારણ હતું કે મહારાષ્ટ્રનો સાંસ્કૃતિક વિભાગ હવે કાન્સ ફિલ્મ ફેસ્ટિવલમાં ભાગ લઈ રહ્યો નથી. મહારાષ્ટ્રના સાંસ્કૃતિક કાર્ય મંત્રી આશિષ શેલારે જણાવ્યું કે પીએમ મોદીની અપીલ પછી વિભાગનું પ્રતિનિધિમંડળ હવે કાન નહીં જાય. તેમણે કહ્યું કે વિભાગમાં વાહનોનો ઉપયોગ ઓછો કરવામાં આવશે અને જરૂરી બેઠકોને વર્ચ્યુઅલ માધ્યમથી આયોજિત કરવામાં આવશે.