ઉત્તરપ્રદેશે રણજી ટ્રોફીમાં બિહારને ઇનિંગ્સ અને 267 રનથી હરાવ્યું. મંગળવારે મુંબઈએ ચંડીગઢ અને હૈદરાબાદે ત્રિપુરા સામે ઇનિંગ્સથી જીત નોંધાવી. કર્ણાટકના કરુણ નાયરે આંધ્ર સામે અણનમ 81 રન બનાવીને ટીમને સંભાળી. ગુજરાતના ઉર્વિલ પટેલે સાત છગ્ગાની મદદથી 85 રન બનાવ્યા. કેરળના અભિષેક પી. નાયર અને પંજાબના વિહાન મલ્હોત્રાએ પોતાના પ્રથમ ફર્સ્ટ ક્લાસ સદી ફટકારી. દરમિયાન, મુંબઈના વાઇસ કેપ્ટન આયુષ મ્હાત્રેને જમણી હેમસ્ટ્રિંગમાં ગંભીર ઈજા થઈ છે. તેને 4થી 6 અઠવાડિયા સુધી ક્રિકેટથી દૂર રહેવું પડી શકે છે. કરુણ નાયરે મુશ્કેલ સમયમાં ટીમને સંભાળી કર્ણાટકની બીજી ઇનિંગ્સમાં કરુણ નાયરે ત્યારે જવાબદારી સંભાળી, જ્યારે ટીમના ઓપનર મયંક અગ્રવાલ અને કેએલ રાહુલ ઝડપથી આઉટ થયા. દિવસની રમત પૂરી થઈ ત્યાં સુધી નાયર 130 બોલમાં 81 રન બનાવીને અણનમ રહ્યો હતો. તેની ઇનિંગ્સના કારણે કર્ણાટકે આંધ્ર સામે બીજી ઇનિંગ્સમાં 32 રનની લીડ મેળવી લીધી. પ્રથમ ઇનિંગમાં કર્ણાટકની શરૂઆત અત્યંત ખરાબ રહી હતી. ટીમ માટે સ્મરણ રવિચંદ્રને 126 રન બનાવીને ઇનિંગ સંભાળી હતી. તેણે કૃષ્ણન શ્રીજીત સાથે પાંચમી વિકેટ માટે 111 રનની ભાગીદારી કરી હતી. ઉર્વિલની ફિફ્ટી, ગુજરાતને 115 રનની લીડ તમિલનાડુએ 10 રનમાં 5 વિકેટ ગુમાવી યુપીએ બિહારને ઇનિંગ્સથી હરાવ્યું મુલાનીને 3 વિકેટ આયુષ મ્હાત્રેને હેમસ્ટ્રિંગમાં ઈજા મુંબઈના આયુષ મ્હાત્રેને રણજી ટ્રોફીની પ્રથમ મેચમાં ચંદીગઢ સામે બેટિંગ કરતી વખતે જમણા પગની હેમસ્ટ્રિંગમાં ઈજા થઈ હતી. આ ઈજાને કારણે તે 4થી 6 અઠવાડિયા સુધી ક્રિકેટથી દૂર રહી શકે છે. મ્હાત્રેએ પ્રથમ ઇનિંગ્સમાં 48 રન બનાવ્યા હતા. 19 વર્ષના મ્હાત્રે લાંબા સમય સુધી ઈજામાંથી સાજા થયા બાદ સ્પર્ધાત્મક ક્રિકેટમાં પરત ફર્યો હતો. IPL 2026માં ચેન્નઈ સુપર કિંગ્સ માટે રમતી વખતે તેને ડાબા પગની હેમસ્ટ્રિંગમાં ઈજા થઈ હતી, ત્યારબાદ તેણે બેંગલુરુ સ્થિત BCCI સેન્ટર ઑફ એક્સેલન્સમાં ત્રણ મહિના સુધી રિહેબિલિટેશન કર્યું હતું. કમબેકની પોતાની પહેલી જ મેચમાં તે ફરી ઈજાગ્રસ્ત થઈ ગયો.