માર્કેટ કેપની દ્રષ્ટિએ દેશની 10 સૌથી મોટી કંપનીઓમાંથી 4 કંપનીઓની વેલ્યુ છેલ્લા અઠવાડિયાના કારોબારમાં 1 લાખ કરોડ રૂપિયા ઘટી ગઈ. આ સમયગાળા દરમિયાન SBIની માર્કેટ વેલ્યુ સૌથી વધુ ઘટી છે. SBIની માર્કેટ વેલ્યુ ₹44,722 કરોડ ઘટીને ₹9.41 લાખ કરોડ પર આવી ગઈ. આ ઉપરાંત એરટેલ, TCS અને લાર્સન એન્ડ ટુબ્રોની માર્કેટ વેલ્યુ પણ ઘટી છે. જ્યારે રિલાયન્સ, HDFC બેંક, ICICI બેંક, બજાજ ફાઇનાન્સ, HUL અને LICની માર્કેટ વેલ્યુ વધી. છેલ્લા અઠવાડિયાના કારોબારમાં આ તમામ 6 કંપનીઓનું માર્કેટ કેપ કુલ 46,685 કરોડ રૂપિયા વધ્યું. છેલ્લા અઠવાડિયે સેન્સેક્સ 414 અંક વધ્યો હતો ગયા અઠવાડિયે સેન્સેક્સ 414.69 (0.53%) પોઈન્ટ અને નિફ્ટી 178.6 (0.74%) પોઈન્ટ વધ્યા હતા. જ્યારે, ગયા અઠવાડિયાના છેલ્લા ટ્રેડિંગ દિવસે એટલે કે શુક્રવારે સેન્સેક્સ 516 પોઈન્ટના ઘટાડા સાથે 77,328 પર બંધ થયો. નિફ્ટીમાં પણ 150 પોઈન્ટનો ઘટાડો જોવા મળ્યો, તે 24,176 પર આવી ગયો. માર્કેટ કેપિટલાઇઝેશન શું છે? માર્કેટ કેપ એ કોઈપણ કંપનીના કુલ આઉટસ્ટેન્ડિંગ શેર એટલે કે હાલમાં તેના શેરધારકો પાસે રહેલા તમામ શેરનું મૂલ્ય છે. તેની ગણતરી કંપની દ્વારા જારી કરાયેલા શેરની કુલ સંખ્યાને તેમની કિંમત વડે ગુણીને કરવામાં આવે છે. આને એક ઉદાહરણથી સમજો… ધારો કે… કંપની ‘A’ ના 1 કરોડ શેર માર્કેટમાં લોકોએ ખરીદ્યા છે. જો એક શેરની કિંમત 20 રૂપિયા છે, તો કંપનીની માર્કેટ વેલ્યુ 1 કરોડ x 20 એટલે કે 20 કરોડ રૂપિયા થશે. કંપનીઓની માર્કેટ વેલ્યુ શેરની કિંમતો વધવા કે ઘટવાને કારણે વધે-ઘટે છે. આના બીજા ઘણા કારણો છે… માર્કેટ કેપના ઉતાર-ચઢાવની કંપની અને રોકાણકારો પર શું અસર થાય છે? કંપની પર અસર : મોટું માર્કેટ કેપ કંપનીને બજારમાંથી ભંડોળ એકત્ર કરવામાં, લોન લેવામાં અથવા અન્ય કંપનીઓ હસ્તગત કરવામાં મદદ કરે છે. જ્યારે, નાના અથવા ઓછા માર્કેટ કેપથી કંપનીની નાણાકીય નિર્ણય લેવાની ક્ષમતા ઘટી જાય છે. રોકાણકારો પર અસર : માર્કેટ કેપ વધવાથી રોકાણકારોને સીધો ફાયદો થાય છે. કારણ કે તેમના શેરની કિંમત વધી જાય છે. તે જ સમયે, ઘટાડાથી નુકસાન થઈ શકે છે, જેના કારણે રોકાણકારો શેર વેચવાનો નિર્ણય લઈ શકે છે. ઉદાહરણ: જો TCSનું માર્કેટ કેપ ₹12.43 લાખ કરોડ વધે છે, તો રોકાણકારોની સંપત્તિ વધશે, અને કંપનીને ભવિષ્યમાં રોકાણ માટે વધુ મૂડી મળી શકે છે. પરંતુ જો માર્કેટ કેપ ઘટે છે તો તેનું નુકસાન થઈ શકે છે.