વિશ્વના સૌથી મોટા અને સફળ રોકાણકારોમાંના એક વોરેન બફેટ અને માઇક્રોસોફ્ટના સહ-સ્થાપક બિલ ગેટ્સની મિત્રતા દાયકાઓ જૂની છે. બંનેએ સાથે મળીને ‘ધ ગિવિંગ પ્લેજ’ શરૂ કર્યું હતું. આ એક અભિયાન છે જે અબજોપતિઓને સંપત્તિ દાન કરવા પ્રેરિત કરે છે. બફેટ પોતે ગેટ્સ ફાઉન્ડેશનના સ્થાપક ટ્રસ્ટી રહી ચૂક્યા છે અને 2022 સુધીમાં તેને 3.46 લાખ કરોડનું દાન આપી ચૂક્યા હતા. પરંતુ આ વર્ષે વાર્તા બદલાઈ ગઈ. બફેટે ગેટ્સ ફાઉન્ડેશનને કંઈ આપ્યું નથી. તેના બદલે, 95 વર્ષીય બફેટે બર્કશાયર હેથવેના લગભગ 6 અબજ ડોલર (57,600 કરોડ)ના શેર પોતાના પરિવાર સાથે સંકળાયેલા ચાર ફાઉન્ડેશનને સોંપી દીધા. આનું એક ખાસ કારણ છે. ગેટ્સ ફાઉન્ડેશને બાહ્ય વકીલોને બોલાવીને એક તપાસ શરૂ કરાવી છે. તપાસ કરવામાં આવી રહી છે કે દોષિત યૌન અપરાધી જેફરી એપસ્ટીન સાથે ફાઉન્ડેશનના શું સંબંધો હતા. બફેટ આ તપાસના પરિણામની રાહ જોઈ રહ્યા છે. એટલા માટે તેમણે ફાઉન્ડેશનને દાન રોકી દીધું. ખરી વાર્તા અહીંથી જ રસપ્રદ વળાંક લે છે. બફેએ આ વર્ષે માર્ચમાં સીએનબીસીને આપેલા ઇન્ટરવ્યુમાં સ્પષ્ટપણે કહ્યું હતું કે તેઓ હવે ગેટ્સ સાથે વાત કરતા નથી. તેમણે કહ્યું, ‘અમે સાથે ખૂબ સારો સમય વિતાવ્યો, પરંતુ જ્યાં સુધી આ મામલો સ્પષ્ટ ન થાય ત્યાં સુધી, મને નથી લાગતું કે વધુ વાતચીત કરવી યોગ્ય છે.’ ગેટ્સે ગયા મહિને અમેરિકી સંસદની એક સમિતિ સમક્ષ જુબાની આપી હતી કે તેમને એપસ્ટીનના ગુનાઓની જાણકારી નહોતી. બફેએ પણ સ્પષ્ટ કર્યું કે તેમની એપસ્ટીન સાથે ક્યારેય મુલાકાત થઈ નહોતી. તેમણે ગેટ્સ સાથે આ વિવાદ પર ક્યારેય વાત કરી નહોતી કારણ કે તેઓ નથી ઇચ્છતા કે તેમને ગેટ્સ-એપસ્ટીન સંબંધો પર જુબાની આપવા માટે બોલાવવામાં આવે. જોકે, ઉંમર અને આ વિવાદ છતાં બફેની દાનશીલતા ઓછી થઈ નથી. બફેએ કહ્યું છે કે તેમને પૂરી આશા છે કે તેમના ત્રણેય બાળકો 31 2034 સુધીમાં બર્કશાયર હેથવેમાં તેમનો સંપૂર્ણ હિસ્સો વહેંચી દેશે. ફાઉન્ડેશનના બોર્ડમાંથી હટી ચૂક્યા છે 31 લાખ કરોડની સંપત્તિના માલિક બફે બર્કશાયર હેથવેની કુલ વેલ્યુ લગભગ 1.1 ટ્રિલિયન ડોલર (105.7 લાખ કરોડ રૂપિયા) આંકવામાં આવી છે. તેમાં બફેટનો હિસ્સો લગભગ 30% છે. એટલે કે એકલા તેમના હિસ્સાની વેલ્યુ 31.7 લાખ કરોડ થાય છે. બફેટ 2021માં ગેટ્સ ફાઉન્ડેશનના બોર્ડમાંથી રાજીનામું આપી ચૂક્યા છે. પરંતુ ત્યારથી દર વર્ષે હજારો કરોડ રૂપિયાનું દાન ચાલુ રાખ્યું હતું. પરંતુ આ વર્ષે તેમણે આ સિલસિલો તોડી નાખ્યો.