દક્ષિણ કોરિયાનું શેરબજાર ભારતને પાછળ છોડીને વિશ્વનું છઠ્ઠું સૌથી મોટું બજાર બની ગયું છે. આ તેજીનું મુખ્ય કારણ ચિપ બનાવતી દિગ્ગજ કંપનીઓ છે, જે વિશ્વભરમાં આર્ટિફિશિયલ ઇન્ટેલિજન્સ (AI) ના વધતા ઉપયોગના જોરે સતત રેકોર્ડ બનાવી રહી છે. બ્લૂમબર્ગના આંકડા મુજબ, આ વર્ષે દક્ષિણ કોરિયાની લિસ્ટેડ કંપનીઓની કુલ માર્કેટ કેપ 86% વધીને 5 ટ્રિલિયન ડોલર (લગભગ 475 લાખ કરોડ રૂપિયા) પર પહોંચી ગઈ છે. બીજી તરફ, ભારતીય શેરબજારની માર્કેટ કેપ ઘટીને 4.8 ટ્રિલિયન ડોલર (લગભગ 456 લાખ કરોડ રૂપિયા) રહી ગઈ છે. અમેરિકી શેરબજારની માર્કેટ કેપ 78 ટ્રિલિયન સ્રોત: બ્લૂમબર્ગ ભારતીય બજાર પાછળ રહેવાના 3 મુખ્ય કારણો ભારતીય શેરબજાર વિશ્વમાં એક સ્થાન નીચે સરકવા પાછળ નિષ્ણાતોએ ત્રણ મુખ્ય કારણો જણાવ્યા છે: અર્થતંત્રના મામલે ભારત હજુ પણ સાઉથ કોરિયા કરતાં બમણાથી વધુ મોટું ભલે શેરબજારના વેલ્યુએશન (માર્કેટ કેપ) ના મામલે સાઉથ કોરિયાએ ભારતને પાછળ છોડી દીધું હોય, પરંતુ દેશની અર્થવ્યવસ્થા (GDP) ના કદના મામલે ભારત હજુ પણ સાઉથ કોરિયાથી ઘણું આગળ છે. ઇન્ટરનેશનલ મોનેટરી ફંડ (IMF) ના અનુમાનો અનુસાર, ભારતની ઇકોનોમીનું કદ 4.15 લાખ કરોડ ડોલર ($4.15 ટ્રિલિયન) છે અને તે દુનિયાની સૌથી ઝડપથી વિકસતી મુખ્ય અર્થવ્યવસ્થાઓમાંની એક છે. જ્યારે, સાઉથ કોરિયાની જીડીપી માત્ર 1.93 લાખ કરોડ ડોલર ($1.93 ટ્રિલિયન) છે, જે ભારતની સરખામણીમાં અડધાથી પણ ઓછી છે. માર્કેટ કેપ શું હોય છે? કોઈપણ દેશના શેરબજારની ‘માર્કેટ કેપિટલાઇઝેશન’ નો અર્થ ત્યાંની તમામ લિસ્ટેડ કંપનીઓના શેરની કુલ કિંમત હોય છે. જો કોઈ દેશનું માર્કેટ કેપ વધી રહ્યું છે, તો તેનો અર્થ એ છે કે ત્યાંની કંપનીઓમાં રોકાણકારોનો વિશ્વાસ વધી રહ્યો છે.