ભારતની અંડર-19 ટીમે રાજકોટમાં રમાયેલી બીજી યુથ વનડેમાં ઓસ્ટ્રેલિયાની અંડર-19 ટીમને 103 રનથી હરાવી દીધી. ભારતે પ્રથમ બેટિંગ કરતાં 50 ઓવરમાં 7 વિકેટે 341 રન બનાવ્યા. જવાબમાં ઓસ્ટ્રેલિયાની ટીમ 41.1 ઓવરમાં 238 રને ઓલઆઉટ થઈ ગઈ. વીરેન્દ્ર સેહવાગનો પુત્ર આર્યવીર સેહવાગ 47 રન બનાવીને રનઆઉટ થયો અને અડધી સદીથી ચૂકી ગયો. જ્યારે યશવર્ધન ચૌહાણે 122 રનની ઇનિંગ રમી. વીકે વિનીતે 87 રન બનાવ્યા. યશવર્ધને 15 ચોગ્ગા અને 2 છગ્ગા ફટકાર્યા યશવર્ધન ચૌહાણે 100 બોલમાં 15 ચોગ્ગા અને 2 છગ્ગાની મદદથી 122 રનની ઇનિંગ રમી. વીકે વિનીતે 92 બોલમાં 87 રન બનાવ્યા, જ્યારે આર્યવીર સેહવાગ 48 બોલમાં 47 રન બનાવીને રનઆઉટ થયો. કુશાગ્ર ઓઝાએ 20 બોલમાં 34 રન અને કેપ્ટન લક્ષ્ય રાયચંદાણીએ 29 બોલમાં 11 રન બનાવ્યા. રાહુલ દ્રવિડના પુત્ર અન્વય દ્રવિડે 9 અને મનાલ ચૌહાણે 1 રનનું યોગદાન આપ્યું. યશવીર ગૌડ 2 અને ચિગુરુપતિ વેંકટા 1 રન બનાવીને અણનમ રહ્યા. આર્યવીરે પ્રથમ વનડેમાં 28 રન બનાવ્યા હતા ભારત અંડર-19એ ઓસ્ટ્રેલિયા અંડર-19ને પ્રથમ યુથ વનડેમાં 7 રનથી હરાવ્યું હતું. વરસાદને કારણે મુકાબલો 20-20 ઓવરનો કરી દેવામાં આવ્યો હતો. આ મેચમાં આર્યવીરે અંડર-19માં ડેબ્યૂ કર્યું. તેમણે ઓપનિંગ કરતાં 28 રન બનાવ્યા. આ દરમિયાન તેમણે પાંચ ચોગ્ગા ફટકાર્યા. રાહુલ દ્રવિડના પુત્ર અન્વય દ્રવિડે 18 બોલમાં 38 રનની ઇનિંગ રમી. કોઝનેકે 81 રન બનાવ્યા 342 રનના લક્ષ્યનો પીછો કરતા ઓસ્ટ્રેલિયાની શરૂઆત ખરાબ રહી. જૅક કૉઝનેકે 63 બોલમાં 81 રન બનાવ્યા, જ્યારે મેથ્યુ લૉફે 42 રન અને બ્લેક કૅટલે 44 રનની ઇનિંગ રમી. તેમના સિવાય કોઈ પણ બેટર મોટી ઇનિંગ રમી શક્યો નહીં અને આખી ટીમ 238 રનમાં સમેટાઈ ગઈ. ચિગુરુપતિએ 3 વિકેટ ઝડપી ભારતની બોલિંગમાં ચિગુરુપતિ વેંકટા સૌથી સફળ રહ્યા. તેમણે 8 ઓવરમાં 64 રન આપીને 3 વિકેટ ઝડપી. યશબીર ગૌડ અને મનાલ ચૌહાણને એક-એક વિકેટ મળી, જ્યારે યશવર્ધન ચૌહાણ અને કાવ્યા પટેલે 2-2 વિકેટ ઝડપી. મોહમ્મદ ઉલવાએ 7 ઓવરમાં 19 રન આપીને એક વિકેટ લીધી.