ભારતીય ઓપનર અભિષેક શર્મા પોતાના સિનિયર વિરાટ કોહલી પાસેથી તેનું બધું જ ચોરવા માગે છે. એટલું જ નહીં, તે રોહિત શર્મા પાસેથી ટાઈમિંગ અને ભૂતપૂર્વ ભારતીય કેપ્ટન એમએસ ધોની પાસેથી ફિનિશિંગની સ્કિલ પણ લેવા માગે છે. હકીકતમાં, બીજી T20 પહેલાં અભિષેકને ભારત અને વેસ્ટ ઇન્ડીઝના દિગ્ગજ ખેલાડીઓની સ્કિલ ચોરવા અંગે સવાલ પૂછવામાં આવ્યો હતો. તેને પૂછવામાં આવ્યું કે તે કયા ખેલાડીની કઈ સ્કિલ લેવા માંગશે. વિરાટ કોહલીનું નામ આવતાં અભિષેકે હસતાં કહ્યું, ‘બધું જ’. તેણે યુવરાજ સિંહની મેચ જીતાડવાની ક્ષમતા, એમએસ ધોનીની મેચ ફિનિશિંગ અને રોહિત શર્માની ટાઈમિંગ લેવાની ઇચ્છા વ્યક્ત કરી. વિરાટ કોહલી વિશે અભિષેકે શું કહ્યું વિરાટ કોહલી ત્રણેય ફોર્મેટના શ્રેષ્ઠ બેટર છે. તેઓ કોઈપણ પરિસ્થિતિમાં ઢળી જઈને મેચનું પાસું પલટી શકે છે. તેમની પાસે ટાઈમિંગ, ચોકસાઈ, ધૈર્ય અને આક્રમકતા જેવી અનેક ખૂબીઓ છે. આ જ ગુણોના આધારે તેમણે 28 હજારથી વધુ રન બનાવ્યા છે. બીજી તરફ, અભિષેકના મેન્ટર યુવરાજ સિંહ રહ્યા છે. તેમણે ભારતને અનેક મેચ જીતાડ્યા છે. 2011ના વર્લ્ડ કપની ફાઇનલમાં ધોનીએ 91 રનની ઇનિંગ રમી હતી. યુવરાજ સિંહ તે વર્લ્ડ કપમાં પ્લેયર ઑફ ધ ટુર્નામેન્ટ રહ્યા હતા. અભિષેકે રોહિત શર્માની બોલને ટાઈમ કરવાની સ્કિલ શીખવાની ઇચ્છા પણ વ્યક્ત કરી. ક્રિસ ગેઇલ, પોલાર્ડ અને બ્રાવોનો પણ ઉલ્લેખ કર્યો અભિષેકે કહ્યું કે તેઓ ક્રિસ ગેઇલની ત્રણેય ફોર્મેટમાં રમવાની માનસિકતા અપનાવવા ઇચ્છશે. તેણે કહ્યું કે તે ડ્વેન બ્રાવોેના સેલિબ્રેશનથી ખૂબ પ્રભાવિત થાય છે. કિરોન પોલાર્ડનું નામ આવતાં જ અભિષેકે ‘પાવર’ કહ્યું. T20 ક્રિકેટમાં પોલાર્ડના નામે 1 હજારથી વધુ છગ્ગા છે. અભિષેકે સુનીલ નારાયણની શાનદાર ઇકોનોમી રેટ સાથે બોલિંગ કરવાની કુશળતા અપનાવવાની વાત કહી. તેણે આન્દ્રે રસેલને સંપૂર્ણ ઓલરાઉન્ડર ગણાવ્યો. અભિષેકે રસેલની આ જ કુશળતા અપનાવવાની ઇચ્છા વ્યક્ત કરી.