60 વર્ષના સલમાન ખાને રવિવારે શર્ટલેસ ફોટો શેર કર્યો. ફોટોમાં તેની ટોન્ડ બોડી, ફિટ એબ્સ અને મસ્ક્યુલર ફિઝિક દેખાઈ રહ્યું છે. તસવીરમાં સલમાન આરામ કરતો જોવા મળી રહ્યો છે, જોકે, તેની ફિટનેસની સાથે-સાથે તેની પોસ્ટના કેપ્શનની પણ ચર્ચા થઈ રહી છે. કેપ્શનમાં સલમાને લખ્યું, ‘હું, પોતે અને ફક્ત હું… પોતાની રીતે રહેવાના બે રસ્તા હોય છે, અલોન અને લોનલી. અલોન રહેવું એ પોતાની પસંદ હોય છે, પરંતુ લોનલી ત્યારે અનુભવાય છે જ્યારે કોઈ તમારી સાથે રહેવા માંગતું નથી. હવે આનાથી આગળ તમારે જાતે સમજવાનું છે કે તમારે શું કરવું જોઈએ.’ વર્ક ફ્રન્ટની વાત કરીએ તો, સલમાન ટૂંક સમયમાં ફિલ્મ ‘માતૃભૂમિ’માં જોવા મળશે. આ ફિલ્મમાં ચિત્રાંગદા સિંહ પણ હશે. આ ફિલ્મનું નિર્દેશન અપૂર્વ લાખિયા કરી રહ્યો છે. પહેલા આ ફિલ્મનું નામ ‘બેટલ ઓફ ગલવાન’ હતું. ફિલ્મની રિલીઝ ડેટ પહેલા 17 એપ્રિલ હતી, જે મુલતવી રાખવામાં આવી છે અને નવી તારીખની હજુ જાહેરાત થઈ નથી. સલમાને નવી ફિલ્મનું શૂટિંગ શરૂ કર્યું બીજી તરફ, સલમાને એક્ટ્રેસ નયનતારા સાથે તેની બીજી આગામી ફિલ્મનું શૂટિંગ શરૂ કરી દીધું છે, જેનું હાલ નામ SVC63 છે. આ ફિલ્મથી સલમાન પહેલીવાર ડિરેક્ટર વામશી પેડિપલ્લી અને પ્રોડ્યુસર દિલ રાજુ સાથે કામ કરી રહ્યો છે. આ એક એક્શન થ્રિલર ફિલ્મ હશે. ઉપરાંત, વેરાયટી ઇન્ડિયાના રિપોર્ટ અનુસાર, સલમાન ડિરેક્ટર જોડી રાજ નિદિમોરુ અને કૃષ્ણા ડી.કે. સાથે એક સુપરહીરો એક્શન ફિલ્મમાં પણ કામ કરી શકે છે. એવી પણ ચર્ચા છે કે આ પ્રોજેક્ટમાં તે કરીના કપૂર ખાન સાથે કામ કરી શકે છે.