મોહર્રમની રજાના કારણે આજે 26 જૂને ભારતીય શેરબજાર બંધ છે. પરંતુ વૈશ્વિક બજારોમાં મંદીના કારણે સોમવારે તે ઘટાડા સાથે ખુલી શકે છે. આજે દક્ષિણ કોરિયાનું બજાર કોસ્પી 8% નીચે છે અને ગિફ્ટ નિફ્ટી 150 અંકોથી વધુ તૂટી ગયું છે. આ પહેલા, ગુરુવારે ભારતીય બજારોમાં ઉતાર-ચઢાવ ભરેલા કારોબાર વચ્ચે નજીવો વધારો જોવા મળ્યો હતો. સેન્સેક્સ 109 અંક (0.14%) ના વધારા સાથે 77,100 પર અને નિફ્ટી 34 અંક (0.14%) વધીને 24,056 પર બંધ થયો હતો. સેન્સેક્સ તેના ડે હાઈથી 703 અંક તૂટી ગયો હતો. વિદેશી રોકાણકારોએ 7 દિવસમાં ₹2 હજાર કરોડથી વધુના શેર વેચ્યા 25 જૂનના રોજ ફોરેન ઇન્સ્ટિટ્યુશનલ ઇન્વેસ્ટર્સ (FIIs) એ ભારતીય બજારોમાંથી ₹384 કરોડની ચોખ્ખી ખરીદી કરી. જ્યારે ડોમેસ્ટિક ઇન્સ્ટિટ્યુશનલ ઇન્વેસ્ટર્સ (DIIs) એ પણ ₹5,748 કરોડની ચોખ્ખી ખરીદી કરી છે. આ વર્ષના કુલ આંકડાઓ પર નજર કરીએ તો FIIs અત્યાર સુધીમાં લગભગ ₹3.46 લાખ કરોડના ચોખ્ખા વેચાણકર્તા રહ્યા છે, જ્યારે DIIs એ ₹4.57 લાખ કરોડની ખરીદી કરી છે. નોંધ: FIIs અને DIIs ના ચોખ્ખા ખરીદ/વેચાણના આંકડા કરોડ રૂપિયામાં છે એશિયન બજારોમાં કોસ્પી 8% તૂટ્યો, નિકેઈમાં પણ 5% નો ઘટાડો AI ઇન્ફ્રાસ્ટ્રક્ચર પર ભારે ખર્ચ અંગે વધેલી ચિંતાઓને કારણે ગ્લોબલ માર્કેટ્સમાં ટેક શેરોમાં વેચવાલી જોવા મળી છે. દક્ષિણ કોરિયાનો બેન્ચમાર્ક ઇન્ડેક્સ કોસ્પી 8% સુધી તૂટ્યો. આ ઉપરાંત જાપાનનો નિક્કેઈ ઇન્ડેક્સ લગભગ 3% ઘટ્યો છે. હોંગકોંગનો હેંગસેંગ પણ નીચે છે. અમેરિકી બજારોમાં મિશ્ર કારોબાર, એપલનો શેર 6% તૂટ્યો ડાઉ જોન્સમાં ભલે 0.14%નો વધારો રહ્યો, પરંતુ ટેક-હેવી નાસ્ડેક કમ્પોઝિટ 0.46% ઘટીને બંધ થયો. ટેક કંપની એનવીડિયા, માઇક્રોસોફ્ટ અને આલ્ફાબેટ જેવી મોટી કંપનીઓના શેર નીચે આવ્યા. સૌથી વધુ નુકસાન એપલને થયું, જેના શેર 6% તૂટી ગયા. કંપનીએ આઈપેડ અને મેકબુકની કિંમતો વધારવાની જાહેરાત કરી છે, જેથી મેમરી અને સ્ટોરેજ ચિપની વધતી કિંમતની ભરપાઈ કરી શકાય. આ ઘટાડાથી એપલની માર્કેટ વેલ્યુ લગભગ 250 બિલિયન ડોલર ઘટી ગઈ. હવે તેનું માર્કેટ કેપ 4.04 લાખ કરોડ ડોલર રહ્યું છે. જોકે, સેમિકન્ડક્ટર સેક્ટરમાંથી કેટલાક સારા સંકેતો પણ મળ્યા. માઇક્રોન ટેકનોલોજીના ત્રિમાસિક પરિણામો અંદાજ કરતાં સારા રહ્યા બાદ તેનો શેર 16% વધ્યો. આ સાથે જ સેનડિસ્કમાં 22% નો ઉછાળો આવ્યો. ક્વાલકોમ, વેસ્ટર્ન ડિજિટલ અને સીગેટ જેવી કંપનીઓ પણ વધારામાં રહી. ક્રૂડ ઓઇલના ભાવમાં ઘટાડો થવાથી મોંઘવારી ઘટશે સપ્લાય સંબંધિત ચિંતાઓ દૂર થવા અને સ્ટ્રેટ ઓફ હોર્મુઝમાંથી ટેન્કરોની અવરજવર ફરીથી સામાન્ય થવાને કારણે ક્રૂડ ઓઇલના ભાવમાં ઘટાડો થઈ રહ્યો છે. બ્રેન્ટ ક્રૂડ 2% ઘટીને લગભગ 74 ડોલર પ્રતિ બેરલ પર આવી ગયું છે, જ્યારે WTI ક્રૂડ 70 ડોલર પ્રતિ બેરલની આસપાસ ટ્રેડ કરી રહ્યું છે. ગુરુવારે ઓમાન નજીક એક માલવાહક જહાજ પર થયેલા હુમલા બાદ આવેલી નજીવી તેજી છતાં ક્રૂડ ઓઇલના ભાવમાં ઘટાડો જોવા મળ્યો છે. ક્રૂડ ઓઇલની કિંમતોમાં આવી રહેલા આ ઘટાડાથી ભારત જેવા મોટા પ્રમાણમાં તેલ આયાત કરતા દેશને મોંઘવારી ઘટાડવામાં મદદ મળશે. નોલેજ પાર્ટ :