BCCI IPL Practice Guidelines: No Net Sharing
મુંબઈ1 કલાક પેહલા
- કૉપી લિંક
KKRના પ્રેક્ટિસ કેમ્પનો ફોટો ગયા વર્ષનો છે.
BCCIએ IPL ટીમના પ્રેક્ટિસ સેશનને લઈને નવી ગાઈડલાઈન જાહેર કરી છે. આ મુજબ, કોઈ પણ ટીમ તે નેટ કે પીચ પર પ્રેક્ટિસ નહીં કરી શકે, જેના પર બીજી ટીમ પહેલા પ્રેક્ટિસ કરી ચૂકી હોય. દરેક ટીમને પ્રેક્ટિસ માટે અલગ અને નવા નેટ ઉપલબ્ધ કરાવવામાં આવશે.
જો બે ટીમ અલગ-અલગ સમયે પ્રેક્ટિસ કરતી હોય તો પણ પહેલી ટીમે ઉપયોગ કરેલા નેટ બીજી ટીમને આપવામાં આવશે નહીં. જો કોઈ ટીમ વહેલી પ્રેક્ટિસ પૂરી કરી દે છે, આ સ્થિતિમાં પણ બીજી ટીમ તેની રેન્જ-હિટિંગ પીચનો ઉપયોગ કરી શકશે નહીં.
IPLની શરૂઆત 28 માર્ચથી થશે. ઓપનિંગ મેચ ડિફેન્ડિંગ ચેમ્પિયન રોયલ ચેલેન્જર્સ બેંગલુરુ અને સનરાઇઝર્સ હૈદરાબાદ વચ્ચે બેંગલુરુના એમ ચિન્નાસ્વામી સ્ટેડિયમ પર રમાશે. BCCIએ એક દિવસ પહેલા 11 માર્ચના રોજ IPL 2026નું શેડ્યૂલ જાહેર કર્યું છે.
પ્રેક્ટિસ ગાઇડલાઇનની 3 મુખ્ય વાતો…
1. દરેક ટીમ 2 પ્રેક્ટિસ મેચ જ રમી શકશે
ફ્લડલાઇટમાં પ્રેક્ટિસ મેચનો સમયગાળો વધુમાં વધુ સાડા ત્રણ કલાકનો રહેશે. દરેક ટીમને BCCIની મંજૂરી બાદ વધુમાં વધુ 2 પ્રેક્ટિસ મેચ રમવાની મંજૂરી મળશે. જોકે, આ મેચ મુખ્ય પીચ પર રમાશે નહીં, પરંતુ સાઇડ વિકેટ પર આયોજિત કરવામાં આવશે.
2. મેચના 4 દિવસ પહેલાં સુધી મુખ્ય પીચ પર પ્રેક્ટિસ કે ટ્રેનિંગ નહીં
કોઈપણ ફ્રેન્ચાઈઝીની પ્રથમ ઘરઆંગણાની મેચના 4 દિવસ પહેલા સુધી મુખ્ય પીચ પર કોઈ પ્રેક્ટિસ સેશન કે પ્રેક્ટિસ મેચ યોજાશે નહીં, જેથી પીચને સિઝન માટે તૈયાર કરી શકાય. પ્રેક્ટિસ સેશનનો સમય નક્કી કરવામાં હોમ ટીમને પ્રાધાન્ય આપવામાં આવશે. જો બંને ટીમ એક જ સમયે પ્રેક્ટિસ કરવા માગતી હોય અને તેમની વચ્ચે સહમતિ ન થાય, તો BCCI હસ્તક્ષેપ કરીને પ્રેક્ટિસ માટે અલગ-અલગ સમય સ્લોટ નક્કી કરશે.
3. કેટરિંગ, મેડિકલ અને સિક્યોરિટી હોમ ટીમની જવાબદારી
માર્ગદર્શિકા અનુસાર, પ્રેક્ટિસ સેશન દરમિયાન કેટરિંગ, મેડિકલ સેવાઓ, સુરક્ષા અને અન્ય સુવિધાઓની જવાબદારી હોમ ફ્રેન્ચાઈઝીની રહેશે. જ્યારે મહેમાન ટીમે પોતાની રીતે વ્યવસ્થા જાતે કરવી પડશે.
latest video
news via inbox
Subscribe for the latest updates, promotions, and ads.
