BCCI IPL Smart Sunglasses Ban
સ્પોર્ટ્સ ડેસ્ક10 કલાક પેહલા
- કૉપી લિંક
BCCIની એન્ટી કરપ્શન યુનિટએ IPL મેચ દરમિયાન ખેલાડીઓ અને મેચ અધિકારીઓ માટે સ્માર્ટ સનગ્લાસના ઉપયોગ પર પ્રતિબંધ મૂક્યો છે. બોર્ડે 18 મેના રોજ તમામ ટીમો માટે એડવાઇઝરી જારી કરી હતી. આ માહિતી શુક્રવારે સામે આવી.
આ મુજબ, મેચના દિવસે ખેલાડીઓ અને સપોર્ટ સ્ટાફને મેદાનની અંદર ડ્રેસિંગ રૂમ અને ડગઆઉટમાં જતા પહેલા તેમના ફોન, સ્માર્ટવોચ અને સ્માર્ટ સનગ્લાસ સિક્યોરિટી લાયઝન ઓફિસર (SLO) પાસે જમા કરાવવા પડશે. અન્યથા કાર્યવાહી કરવામાં આવશે અને દંડ ફટકારવામાં આવશે.
ખેલાડીઓના મોડી રાત સુધી બહાર જવા અને હોટેલ રૂમમાં મહેમાનોને બોલાવવા પર પણ પ્રતિબંધ મૂકવામાં આવ્યો છે. તાજેતરના દિવસોમાં IPLમાં આચારસંહિતાના ઉલ્લંઘનના ઘણા કિસ્સાઓ સામે આવ્યા છે. આ જ કારણોસર બોર્ડે ભ્રષ્ટાચાર વિરોધી નિયમોમાં કડકાઈ કરી છે.
તે ઘટનાઓ, જેના પછી BCCIને એડવાઇઝરી જારી કરવી પડી…
- 10 એપ્રિલ : ગુવાહાટીમાં રાજસ્થાન રોયલ્સના ટીમ મેનેજર રોમી ભિન્ડર RCB સામેની મેચમાં મોબાઈલનો ઉપયોગ કરતા જોવા મળ્યા હતા. BCCIની એન્ટી કરપ્શન યુનિટ દ્વારા તેમના પર એક લાખ રૂપિયાનો દંડ ફટકારવામાં આવ્યો હતો.
ડગઆઉટમાં મોબાઈલનો ઉપયોગ કરતા રાજસ્થાનના મેનેજર રોમી ભિન્ડર (જમણે). સાથે વૈભવ સૂર્યવંશી.
- 28 એપ્રિલ : ન્યૂ ચંદીગઢમાં રાજસ્થાન રોયલ્સના કેપ્ટન રિયાન પરાગ પંજાબ કિંગ્સ સામેની મેચ દરમિયાન ડ્રેસિંગ રૂમમાં ઈ-સિગારેટ પીતા જોવા મળ્યા હતા. ભારતમાં 2019થી ઈ-સિગારેટ સંપૂર્ણપણે પ્રતિબંધિત છે.
ઈ-સિગારેટ પીતા રાજસ્થાનના કેપ્ટન રિયાન પરાગ.
- ઘણી વખત ખેલાડીઓના પરિવારના સભ્યો અને ગર્લફ્રેન્ડ્સને મેદાન, ટીમ બસ અને હોટલ જેવા પ્રતિબંધિત વિસ્તારોમાં જોવામાં આવ્યા છે.
બોર્ડે સનગ્લાસને કોમ્યુનિકેશન ડિવાઇસ ગણાવ્યા
બોર્ડે સ્માર્ટ સનગ્લાસને ઓડિયો/વિડિયો રેકોર્ડિંગ અને કોમ્યુનિકેશન ડિવાઇસની શ્રેણીમાં રાખ્યા છે. કારણ કે, તે મોબાઇલ ડેટા અને વાઇ-ફાઇ દ્વારા કોમ્યુનિકેશન કરી શકે છે. તેમાં લાઇવ સ્ટ્રીમિંગ, ટેક્સ્ટ મેસેજિંગ અને ઓડિયો-વીડિયો કોલિંગની સુવિધાઓ હોય છે. જે સુરક્ષા નિયમોની વિરુદ્ધ છે.
સુરક્ષાને લઈને પહેલા પણ કડક નિયમો રહ્યા છે
BCCI IPLની શાખને લઈને હંમેશા સંવેદનશીલ રહ્યું છે. 2013ના સ્પોટ ફિક્સિંગ કેસ પછી એન્ટી-કરપ્શન યુનિટની ભૂમિકા વધી ગઈ છે. દરેક ટીમ સાથે એક સમર્પિત અધિકારી તૈનાત રહે છે, જે ખેલાડીઓની ગતિવિધિઓ અને તેમને મળતા લોકો પર નજર રાખે છે. વર્તમાન રિપોર્ટ દર્શાવે છે કે આ વખતે મોનિટરિંગ સિસ્ટમમાં ઘૂસણખોરી કરવાનો પ્રયાસ થયો હતો, જેને બોર્ડ પ્રારંભિક સ્તરે રોકવા માંગે છે.
————————-
IPL સંબંધિત આ સમાચાર પણ વાંચો…
IPL ખેલાડીઓ પર ‘હનીટ્રેપ’નો ખતરો:ખેલાડીઓના હોટેલ રૂમમાં બહારના લોકોને નો-એન્ટ્રી; માલિકો પર પણ રહેશે નજર
IPL માં હની ટ્રેપ, ખેલાડીઓ અને સપોર્ટ સ્ટાફની સુરક્ષાને લઈને BCCI એ કડક નિયમો લાગુ કર્યા છે. બોર્ડે આ જોખમોથી બચાવવા માટે ખેલાડીઓના હોટેલ રૂમ, બસ અને ડગઆઉટમાં પરવાનગી વગર બહારના લોકોના પ્રવેશ પર પ્રતિબંધ મૂક્યો છે. ફ્રેન્ચાઇઝી માલિકો પર પણ દેખરેખ વધારી દેવામાં આવી છે. સંપૂર્ણ સમાચાર વાંચો
latest video
news via inbox
Subscribe for the latest updates, promotions, and ads.
