ઓસ્ટ્રેલિયાના પૂર્વ ઓપનર ડેવિડ વોર્નર પર ડ્રિંક એન્ડ ડ્રાઇવનો કેસ નોંધાયો છે. સિડનીમાં પોલીસે તેમને બ્રીથ ટેસ્ટ દરમિયાન પકડ્યા અને ધરપકડ કરીને પોલીસ સ્ટેશન લઈ ગઈ. હવે તેને આવતા મહિને કોર્ટમાં હાજર થવું પડશે.

સિડનીમાં રેન્ડમ ચેકિંગ દરમિયાન કાર્યવાહી

આ ઘટના સિડનીના મારુબ્રા વિસ્તારની છે, જ્યાં પોલીસ રેન્ડમ બ્રીથ ટેસ્ટ કરી રહી હતી. વોર્નર પોતાની કાર લઈને ટેસ્ટિંગ પોઈન્ટથી પહેલા જ રોકાઈ ગયા, પરંતુ પોલીસે તેમની પાસે જઈને તપાસ કરી. ટેસ્ટમાં તેઓ નશાની હાલતમાં મળી આવ્યા.

પોલીસ સ્ટેશને લઈ જઈને કરાયો ટેસ્ટ

પોલીસ વોર્નરને મારુબ્રા પોલીસ સ્ટેશન લઈ ગઈ, જ્યાં તેનું આલ્કોહોલ લેવલ 0.104 નોંધાયું. ત્યારબાદ તેના પર ડ્રિંક એન્ડ ડ્રાઇવનો કેસ દાખલ કરવામાં આવ્યો.

PSL દરમિયાન ઓસ્ટ્રેલિયા ગયા હતા વોર્નર

વોર્નર હાલમાં પાકિસ્તાન સુપર લીગ (PSL)માં કરાચી કિંગ્સની કેપ્ટનશીપ કરી રહ્યો છે. મેચો વચ્ચે મળેલા બ્રેકમાં તેઓ ઓસ્ટ્રેલિયા ગયો હતો. હવે તે 9 એપ્રિલે પેશાવર ઝાલ્મી સામેની મેચ પહેલા પાકિસ્તાન પરત ફરવાની તૈયારીમાં છે. આ મેચ કરાચીમાં રમાશે.

PSLમાં કરાચી કિંગ્સની કેપ્ટનશીપ ડેવિડ વોર્નર કરી રહ્યા છે.

2024 માં આંતરરાષ્ટ્રીય ક્રિકેટમાંથી નિવૃત્તિ લીધી

વોર્નરે 2024 માં આંતરરાષ્ટ્રીય ક્રિકેટમાંથી નિવૃત્તિ લીધી હતી. તેમણે ઓસ્ટ્રેલિયા માટે 112 ટેસ્ટ, 161 વનડે અને 110 ટી-20 મેચ રમી હતી. ત્રણેય ફોર્મેટમાં કુલ મળીને 15 હજારથી વધુ રન બનાવ્યા હતા.

ફ્રેન્ચાઇઝી ક્રિકેટમાં સતત એક્ટિવ

સંન્યાસ પછી પણ વોર્નર ફ્રેન્ચાઇઝી ક્રિકેટ રમી રહ્યો છે. ગત સિઝનમાં બિગ બેશ લીગમાં સિડની થંડર માટે તેણે આઠ મેચમાં 433 રન બનાવ્યા હતા અને ટીમ માટે સૌથી વધુ રન બનાવનાર બેટ્સમેન રહ્યો હતો. તેણે આગામી સિઝન માટે પણ ટીમ સાથે કરાર કર્યો છે.

ડેવિડ વોર્નર ઓસ્ટ્રેલિયાની ડોમેસ્ટિક ટી-20 લીગમાં સિડની થંડર તરફથી રમે છે.

દિવ્ય ભાસ્કરને Google પર મનપસંદ સોર્સ બનાવો