Glenn Phillips; NZ Vs AFG T20 World Cup 2026 LIVE Score Update; Rashid Khan
સ્પોર્ટ્સ ડેસ્ક12 મિનિટ પેહલા
- કૉપી લિંક
વર્લ્ડ T20ની ચોથી મેચમાં અફઘાનિસ્તાને ન્યૂઝીલેન્ડને 183 રનનો ટાર્ગેટ આપ્યો છે. ચેન્નઈના ચેપોક સ્ટેડિયમમાં અફઘાનિસ્તાને ટૉસ જીતીને પહેલા બેટિંગ કરવાનો નિર્ણય લીધો. ગ્રુપ-Dની આ પહેલી મેચ છે.
જવાબમાં ન્યૂઝીલેન્ડનો સ્કોર 1 ઓવરમાં 12/0 છે. ટીમ તરફથી ટિમ સેફર્ટ અને ફિન એલન ક્રિઝ પર છે.
અફઘાનિસ્તાને 20 ઓવરમાં 6 વિકેટે 182 રન બનાવ્યા. ગુલબદ્દીન નઇબે (63) અડધી સદી ફટકારી. સિદ્દિકુલ્લાહ અટલે 29, રહેમાનુલ્લાહ ગુરબાઝે 27 અને દરવિશ રસૂલીએ 20 રન બનાવ્યા. ન્યૂઝીલેન્ડ તરફથી લોકી ફર્ગ્યુસને બે વિકેટ લીધી. મેટ હેનરી, રચિન રવીન્દ્ર અને જેકબ ડફીએ એક-એક વિકેટ લીધી.
ન્યૂઝીલેન્ડે વોર્મ-અપ મેચમાં યુએસએને 7 રનથી હરાવ્યું. જોકે, વર્લ્ડ કપ પહેલા, કિવી ટીમને ભારત સામે 4-1 થી સિરીઝમાં હારનો સામનો કરવો પડ્યો. દરમિયાન, અફઘાનિસ્તાને પ્રેક્ટિસ મેચમાં વેસ્ટ ઈન્ડિઝને 23 રનથી હરાવ્યું હતું.
બન્ને ટીમની પ્લેઇંગ-11
ન્યૂઝીલેન્ડ (NZ): ફિન એલન, ટિમ સેફર્ટ, રચિન રવીન્દ્ર, ગ્લેન ફિલિપ્સ, ડેરીલ મિચેલ, માર્ક ચેપમેન, મિચેલ સેન્ટનર (કેપ્ટન), જેમ્સ નીશમ, જેકબ ડફી, લોકી ફર્ગ્યુસન અને મેટ હેનરી.
અફઘાનિસ્તાન (AFG): રહેમાનુલ્લાહ ગુરબાઝ, ઈબ્રાહિમ ઝદરાન, સેદીકુલ્લાહ અટલ, દરવિશ રસુલી, અઝમતુલ્લાહ ઓમરઝાઈ, મોહમ્મદ નબી, ગુલબદ્દીન નઇબ, રાશિદ ખાન (કેપ્ટન), ફઝલહક ફારૂકી, ઝિયાઉર રહેમાન અને મુજીબ ઉર રહેમાન.
લાઈવ અપડેટ્સ
13 મિનિટ પેહલા
- કૉપી લિંક
અફઘાનિસ્તાને 183 રનનો ટાર્ગેટ આપ્યો
અફઘાનિસ્તાનને ઇનિંગના છેલ્લા બોલ પર છઠ્ઠો ફટકો પડ્યો. લોકી ફર્ગ્યુસનના સ્લોઅર બોલ પર મોહમ્મદ નબીએ ડીપ કવર તરફ સિંગલ માટે ફટકાર્યો, પરંતુ અઝમતુલ્લાહ ઉમરઝાઈએ બીજો રન લેવાનો પ્રયાસ કર્યો. જેમ્સ નીશમે ઝડપથી બોલ ઉપાડ્યો અને ફર્ગ્યુસન તરફ સચોટ રીતે ફેંક્યો, જેણે તરત જ તેને કેચ કરી લીધો અને સ્ટમ્પ્સને ઉખાડી દીધા. તેણે 7 બોલમાં 14 રન બનાવ્યા, જેમાં બે છગ્ગાનો સમાવેશ થાય છે. આ સાથે, પ્રથમ ઇનિંગની 20 ઓવર પૂરી થઈ ગઈ.
29 મિનિટ પેહલા
- કૉપી લિંક
દરવેશે 20 રન બનાવ્યા
18મી ઓવરમાં મેટ હેનરીએ ફરી એકવાર પોતાની ચતુરાઈભરી બોલિંગથી પ્રભાવિત કર્યા. ઓવરના પહેલા જ બોલ પર, દરવેશ રસૂલીને સ્લોઅર બોલ નાખ્યો અને ડીપ મિડવિકેટ પર ગ્લેન ફિલિપ્સના હાથે કેચ આઉટ કરાવ્યો. દરવેશે 20 રન બનાવ્યા.
29 મિનિટ પેહલા
- કૉપી લિંક
રચિન રવીન્દ્રએ નઇબને આઉટ કર્યો
17.2 ઓવરમાં રચિન રવીન્દ્રએ ન્યૂઝીલેન્ડને સૌથી મોટી સફળતા અપાવી છે. તેણે ઓફ સ્ટમ્પની બહાર બેક ઓફ લેન્થ બોલ નાખ્યો, જેના પર ગુલબદ્દીન નઇબે સ્લોગ-સ્વીપ રમવાનો પ્રયાસ કર્યો, પરંતુ ટાઈમિંગમાં થાપ ખાઈ ગયો. બોલ ટોપ એડ્જ વાગીને હવામાં ગયો અને વિકેટકીપર ટિમ સેફર્ટે આગળ વધીને શાનદાર કેચ ઝડપી લીધો.
43 મિનિટ પેહલા
- કૉપી લિંક
અટલ આઉટ, 79 રનની ભાગીદારી તૂટી
સેદિકુલ્લાહ અટલ આઉટ થતા અફઘાનિસ્તાનને મોટો ઝટકો લાગ્યો છે. 14.3 ઓવરમાં જેકબ ડફીના સ્લોઅર બોલ પર અટલ પુલ શોટ રમવાની ઉતાવળ કરી બેઠો અને ટૉપ એડ્જ વાગ્યો. બોલ હવામાં ઘણો ઊંચો ઉછળ્યો, જ્યાં વિકેટકીપર ટિમ સૈફર્ટે પાછળ હટીને એક સરળ કેચ ઝડપી લીધો.
આ વિકેટની સાથે જ ગુલબદ્દીન નઇબ અને અટલ વચ્ચેની 79 રનની મહત્વની ભાગીદારીનો અંત આવ્યો છે. અટલ 29 રન બનાવીને પેવેલિયન પરત ફર્યો છે.
45 મિનિટ પેહલા
- કૉપી લિંક
ગુલબદ્દીન નઇબની ચોથી અડધી સદી
15મી ઓવરના બીજા બોલ પર ગુલબદ્દીન નઇબે પોતાની ઇન્ટરનેશનલ T20 કરિયરની ચોથી અડધી સદી પૂરી કરી છે. તેણે માત્ર 29 બોલમાં પોતાની ફિફ્ટી પૂરી કરી અફઘાનિસ્તાનને મજબૂત સ્થિતિમાં લાવી દીધું છે.
15મી ઓવરના બીજા બોલ પર જેકબ ડફીએ સ્લોઅર બોલ નાખ્યો હતો. ગુલબદ્દીને પોઇન્ટ પાસે હળવા હાથે શોટ રમીને સિંગલ લીધો અને આ સાથે જ પોતાની ફિફ્ટી પૂરી કરી.
51 મિનિટ પેહલા
- કૉપી લિંક
અફઘાનિસ્તાનનો સ્કોર 100ને પાર
13મી ઓવરમાં જેમ્સ નીશમની બોલિંગ પર અફઘાનિસ્તાનના બેટર્સે રનનો વરસાદ કર્યો અને આ ઓવરમાંથી કુલ 18 રન આવ્યા. ગુલબદ્દીન નઇબે આ ઓવરમાં એક ચોગ્ગો અને એક શાનદાર છગ્ગો ફટકાર્યો, જ્યારે સેદિકુલ્લાહ અટલે પણ આક્રમક વલણ અપનાવતા ચોગ્ગા સાથે ઓવરની શરૂઆત કરી હતી.
આ ઓવરના અંતે અફઘાનિસ્તાનનો સ્કોર 13 ઓવરમાં 2 વિકેટ પર 110 રન થઈ ગયો છે.
06:22 AM8 ફેબ્રુઆરી 2026
- કૉપી લિંક
છઠ્ઠી ઓવરમાં ફર્ગ્યુસને બે વિકેટ ઝડપી
પાવરપ્લેની છેલ્લી ઓવરમાં લોકી ફર્ગ્યુસને ન્યૂઝીલેન્ડને બે મોટી સફળતા અપાવી છે. તેણે ઓવરના પહેલા જ બોલ પર ઇબ્રાહિમ ઝાદરાન અને છેલ્લા બોલ પર રહેમાનુલ્લાહ ગુરબાઝને પેવેલિયન ભેગા કર્યો.
ફર્ગ્યુસને ઓવરનો પહેલો બોલ ટૂંકો અને ઓફ સ્ટમ્પની બહાર નાખ્યો. ઝદરાને કટ શોટ રમવાનો પ્રયાસ કર્યો, પરંતુ તે બોલને નીચે રાખી શક્યો નહીં. બેકવર્ડ પોઈન્ટ પર ઉભેલા ગ્લેન ફિલિપ્સે એક સરળ કેચ ઝડપ્યો. ઝાદરાન 12 બોલમાં 10 રન બનાવી આઉટ થયો.
ઓવરના છેલ્લા બોલ પર ફર્ગ્યુસને પોતાની ગતિમાં ફેરફાર કરીને સ્લોઅર બોલ નાખ્યો. ગુરબાઝ ક્રિઝ બહાર નીકળીને શોટ રમવા ગયો, પણ બોલની ગતિ પારખવામાં થાપ ખાઈ ગયો. એડ્જ વાગીને બાદ બોલ સીધો લેગ સ્ટમ્પમાં જઈ વાગ્યો અને ગુરબાઝ બોલ્ડ થયો.
06:11 AM8 ફેબ્રુઆરી 2026
- કૉપી લિંક
છઠ્ઠી ઓવરમાં બે વિકેટ
છઠ્ઠી ઓવરમાં લોકી ફર્ગ્યુસને મેચનું પાસું પલટી નાખ્યું છે. આ ઓવરમાં બે મહત્વની વિકેટ ઝડપીને તેણે ન્યૂઝીલેન્ડને મોટી સફળતા અપાવી. ફર્ગ્યુસનની વેગ અને સચોટ લાઈન-લેન્થ સામે અફઘાનિસ્તાનના બેટર્સ લાચાર જોવા મળ્યા હતા.
05:56 AM8 ફેબ્રુઆરી 2026
- કૉપી લિંક
ગુરબાઝને લાઇફ લાઇન મળી
મેચની ત્રીજી ઓવરમાં મેટ હેનરીએ જોરદાર બોલિંગ કરી અને આ ઓવરમાંથી અફઘાનિસ્તાનને 5 રન મળ્યા. ઓવરની શરૂઆતમાં રહેમાનુલ્લાહ ગુરબાઝે સિંગલ લીધો, જ્યારે ઇબ્રાહિમ ઝદરાન મોટાભાગના બોલ સાવચેતીપૂર્વક રમ્યો હતો. ઓવરમાં એક મોટી તક પણ બની હતી, જ્યારે ગુરબાઝના ખરાબ શોટ પર ટોપ-એડ્જ વાગી, પરંતુ વિકેટકીપર સૈફર્ટ અને ફિન એલન વચ્ચે તાલમેલના અભાવને કારણે કેચ છૂટી ગયો અને બેટરને 3 રન મળી ગયા.
05:24 AM8 ફેબ્રુઆરી 2026
- કૉપી લિંક
ધ્યાન સ્માર્ટ ક્રિકેટ રમવા પર રહેશે
અફઘાનિસ્તાનના કેપ્ટન રાશિદ ખાને કહ્યું કે ટીમ પાસે એક મજબૂત બોલિંગ યુનિટ છે અને મેચ આગળ વધતાં સ્પિન બોલરો મુખ્ય ભૂમિકા ભજવશે તેવી અપેક્ષા રાખે છે. તેમણે સમજાવ્યું કે ટીમ ઘણી ICC ટુર્નામેન્ટમાં રમી છે, તેથી તેમના અનુભવનો ઉપયોગ કરતી વખતે સ્માર્ટ ક્રિકેટ રમવા પર ધ્યાન કેન્દ્રિત કરવામાં આવશે.
05:04 AM8 ફેબ્રુઆરી 2026
- કૉપી લિંક
બંને ટીમ વચ્ચે બરાબરીનો મુકાબલો
T20 ઇન્ટરનેશનલમાં અત્યાર સુધી બંને ટીમ વચ્ચે 3 મેચ રમાઈ છે. અફઘાનિસ્તાનને 1 મેચમાં જીત મળી છે અને ન્યૂઝીલેન્ડે પણ 1 મેચ જીતી છે. 1 મેચ રદ રહી છે. બંને ટીમ વચ્ચે છેલ્લો મુકાબલો પાછલા વર્લ્ડ કપમાં રમાયો હતો. તે મેચ અફઘાનિસ્તાને 84 રનથી પોતાના નામે કરી હતી. અફઘાનિસ્તાનના 159 રનના જવાબમાં ન્યૂઝીલેન્ડ 75 રન પર ઓલઆઉટ થઈ ગયું હતું.
05:04 AM8 ફેબ્રુઆરી 2026
- કૉપી લિંક
મિચેલે છેલ્લી 10 મેચમાં સૌથી વધુ રન બનાવ્યા
ન્યૂઝીલેન્ડ ટીમ માટે ગ્લેન ફિલિપ્સ બેટિંગમાં મહત્વની ભૂમિકા ભજવે છે. તેઓ T20 વર્લ્ડ કપ સ્ક્વોડમાં ટીમના ટોપ સ્કોરર છે. તેમણે અત્યાર સુધી 88 મેચમાં 2105 રન બનાવ્યા છે, જેમાં તેનો હાઈ સ્કોર 108 રન રહ્યો છે. તેના સિવાય ડેરિલ મિચેલ પણ શાનદાર ફોર્મમાં છે અને છેલ્લી 10 મેચમાં તેણે સૌથી વધુ 207 રન બનાવ્યા છે. બોલિંગમાં ઈશ સોઢી ટીમની મોટી તાકાત છે. તેણે 137 મેચમાં 162 વિકેટ ઝડપી છે.
05:04 AM8 ફેબ્રુઆરી 2026
- કૉપી લિંક
ઝદરાન-ગુરબાઝ અને નબી પર નજર
અફઘાનિસ્તાનના ઓપનર ઇબ્રાહિમ ઝાદ્રાનએ છેલ્લી 9 મેચમાં ટીમ માટે સૌથી વધુ 366 રન બનાવ્યા છે. ગુરબાઝે 9 મેચમાં 143.33ની સ્ટ્રાઇક રેટથી 301 રન બનાવ્યા છે. જ્યારે, ઓવરઓલ રેકોર્ડમાં મોહમ્મદ નબી ટીમનો ટૉપ સ્કોરર છે. તેણે 148 મેચમાં 2400થી વધુ રન બનાવ્યા છે. બોલિંગમાં કેપ્ટન રાશિદ ખાન ટોચ પર છે.
05:04 AM8 ફેબ્રુઆરી 2026
- કૉપી લિંક
ચેપોકમાં સ્પિનરોને ફાયદો
ચેન્નઈના ચેપોક સ્ટેડિયમની પિચ સ્પિન ફ્રેન્ડલી છે. જેમ જેમ મેચ આગળ વધે છે તેમ તેમ પીચ ધીમી અને સૂકી થાય છે, જેનાથી સ્પિનરોને મદદ મળે છે. અહીં 3 T20 મેચ રમાઈ છે. પહેલા બેટિંગ કરનારી ટીમે 1 મેચ જીતી, જ્યારે ચેઝ કરનારી ટીમોએ 2 મેચ જીતી. પ્રથમ ઇનિંગ્સનો સરેરાશ સ્કોર 171 રન છે.
05:03 AM8 ફેબ્રુઆરી 2026
- કૉપી લિંક
ચેન્નઈનું હવામાન સ્વચ્છ રહેશે
8 ફેબ્રુઆરીના રોજ ચેન્નઈમાં હવામાન ગરમ અને મોટે ભાગે સ્વચ્છ રહેવાની સંભાવના છે. દિવસનું તાપમાન લગભગ 31 થી 32 ડિગ્રી સેલ્સિયસ સુધી પહોંચી શકે છે. હવામાં ભેજ રહેશે. સાંજે તાપમાન લગભગ 18 થી 23 ડિગ્રી સુધી ઘટી શકે છે. વરસાદની બિલકુલ સંભાવના નથી.
latest video
news via inbox
Subscribe for the latest updates, promotions, and ads.
