Gold Silver Price Hike | India Bullion Market Latest Update 2026
34 મિનિટ પેહલા
- કૉપી લિંક
સોના-ચાંદીની કિંમતમાં આજે એટલે કે 6 ઓગસ્ટે વધારો થયો છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર 10 ગ્રામ 24 કેરેટ સોનાનો ભાવ 2,735 રૂપિયા વધીને 1.48 લાખ રૂપિયા પર પહોંચી ગયો છે.
એક કિલો ચાંદીની કિંમત 931 રૂપિયા વધીને 2.25 લાખ રૂપિયા પર પહોંચી ગઈ છે. આ મહિને એટલે કે ઓગસ્ટમાં માત્ર 6 દિવસમાં જ સોનું 5,501 અને ચાંદી 7,198 રૂપિયા મોંઘી થઈ ગઈ છે.
આ વર્ષે સોનામાં અત્યાર સુધી તેજી રહી
આ વર્ષે સોના-ચાંદીની કિંમતમાં સતત ઉતાર-ચઢાવ જોવા મળી રહ્યો છે. સોનું 2026માં અત્યાર સુધી 15 હજાર રૂપિયા મોંઘું થયું છે. 31 ડિસેમ્બર 2025ના રોજ 10 ગ્રામ સોનું 1.33 લાખ રૂપિયાથી ઉપર હતું, જે હવે 1.48 લાખ રૂપિયા પર પહોંચી ગયું છે.
જ્યારે, ચાંદીની કિંમતમાં 5 હજાર રૂપિયાનો ઘટાડો થયો છે. ચાંદી 31 ડિસેમ્બર 2025ના રોજ 2.30 લાખ રૂપિયા પ્રતિ કિલો હતી, જે હવે 2.25 લાખ રૂપિયા પર છે. આ સમયગાળા દરમિયાન, 29 જાન્યુઆરીના રોજ સોનાએ 1.76 લાખ રૂપિયા અને ચાંદીએ 3.86 લાખ રૂપિયાનો ઓલટાઇમ હાઇ પણ બનાવ્યો હતો.
સોનું આ વર્ષે 1.60 લાખ સુધી જઈ શકે છે
કોમોડિટી એક્સપર્ટ અજય કેડિયાના મતે સોના-ચાંદીના ભાવ તેમની ઊંચી સપાટીથી ઘણા નીચે આવી ગયા છે. આવી સ્થિતિમાં, રોકાણકારો તેમાં રોકાણ કરી શકે છે, જોકે તેમાં એકસાથે રોકાણ કરવાનું ટાળવું જોઈએ. અજય કેડિયાના મતે, વર્ષના અંત સુધીમાં સોનું ફરી એકવાર 1.60 લાખ અને ચાંદી 2.80 લાખ રૂપિયા સુધી જઈ શકે છે.
સોના-ચાંદીમાં ETF દ્વારા રોકાણ કરી શકાય છે
એક્સચેન્જ ટ્રેડેડ ફંડ સોના અને ચાંદીના વધતા-ઘટતા ભાવો પર આધારિત હોય છે. ગોલ્ડ ETF અથવા સિલ્વર ETFની ખરીદ-વેચાણ શેરની જેમ જ BSE અને NSE પર કરી શકાય છે. જોકે, આમાં તમને સોનું કે ચાંદી મળતું નથી. જ્યારે તમે તેમાંથી બહાર નીકળવા માંગો છો, ત્યારે તમને તે સમયના સોના-ચાંદીના ભાવ બરાબર પૈસા મળી જશે. આમાં 500 રૂપિયાથી પણ ઓછામાં રોકાણની શરૂઆત કરી શકાય છે.
આમાં કેવી રીતે કરી શકાય રોકાણ?
ETF ખરીદવા માટે તમારે તમારા બ્રોકર દ્વારા ડીમેટ એકાઉન્ટ ખોલાવવું પડે છે. આમાં તમે NSE પર ઉપલબ્ધ ETFના યુનિટ ખરીદી શકો છો અને તેના બરાબરની રકમ તમારા ડીમેટ એકાઉન્ટ સાથે જોડાયેલા બેંક એકાઉન્ટમાંથી કપાઈ જશે. તમારા ડીમેટ એકાઉન્ટમાં ઓર્ડર આપ્યાના બે દિવસ પછી ETF તમારા એકાઉન્ટમાં જમા થઈ જાય છે. ટ્રેડિંગ ખાતા દ્વારા જ ETFનું વેચાણ કરવામાં આવે છે.
જ્વેલર્સ પાસેથી સોનું ખરીદતી વખતે આ 2 બાબતોનું ધ્યાન રાખો
સર્ટિફાઇડ ગોલ્ડ જ ખરીદો: હંમેશા બ્યુરો ઓફ ઇન્ડિયન સ્ટાન્ડર્ડ (BIS) નો હોલમાર્ક લાગેલો સર્ટિફાઇડ ગોલ્ડ જ ખરીદો. આ નંબર આલ્ફાન્યુમેરિક એટલે કે કંઈક આ રીતે હોઈ શકે છે- AZ4524. હોલમાર્કિંગથી ખબર પડે છે કે સોનું કેટલા કેરેટનું છે.
કિંમત ક્રોસ ચેક કરો: સોનાનું સાચું વજન અને ખરીદવાના દિવસે તેની કિંમત ઘણા સોર્સિસ (જેમ કે ઇન્ડિયા બુલિયન એન્ડ જ્વેલર્સ એસોસિએશનની વેબસાઇટ) થી ક્રોસ ચેક કરો. સોનાનો ભાવ 24 કેરેટ, 22 કેરેટ અને 18 કેરેટના હિસાબે અલગ-અલગ હોય છે.
અસલી ચાંદીની ઓળખ કરવાના 4 રસ્તા
મેગ્નેટ ટેસ્ટ: અસલી ચાંદી ચુંબક સાથે ચોંટતી નથી. જો ચોંટી જાય તો નકલી છે.
આઇસ ટેસ્ટ: ચાંદી પર બરફ રાખો. અસલી ચાંદી પર બરફ ઝડપથી પીગળે છે.
સ્મેલ ટેસ્ટ: અસલી ચાંદીમાં ગંધ હોતી નથી. નકલીમાં કોપર જેવી ગંધ આવે છે.
ક્લોથ ટેસ્ટ: ચાંદીને સફેદ કપડાથી ઘસો. જો કાળો નિશાન આવે તો અસલી છે.
latest video
news via inbox
Subscribe for the latest updates, promotions, and ads.
