સોના અને ચાંદીમાં તેજી અટકવાનું નામ નથી લઈ રહી. સોનાના ભાવમાં આજે 16,000 રૂપિયાનો ઉછાળો આવ્યો છે, જ્યારે ચાંદી 21,000 રૂપિયા વધીને 4 લાખ રૂપિયાને પાર પહોંચી ગઈ છે.

એક તરફ, શેરબજારમાં ઘટાડો અટકી રહ્યો નથી અને બીજી તરફ, સોના-ચાંદીમાં તોફાની તેજી ચાલુ છે. અત્યાર સુધી સોનું માત્ર 3 હજારથી 5,000 રૂપિયા વધી રહ્યું હતું, પરંતુ આજે સોનાએ રેકોર્ડ તેજી બતાવી છે. મલ્ટી કોમોડિટી માર્કેટમાં સોનું આશરે 16,000 રૂપિયા વધી ગયું છે, જ્યારે ચાંદીમાં પ્રતિ કિલો 20 હજાર રૂપિયાની તેજી આવી છે અને તેણે 4 લાખ રૂપિયાનું સ્તર પાર કરી લીધું છે. પહેલીવાર ચાંદીની કિંમત 4 લાખ રૂપિયાને પાર પહોંચી છે.

માર્ચ વાયદા માટે MCX પર ગુરુવારે ચાંદીનો ભાવ 21,276 રૂપિયા વધીને 4,06,642 રૂપિયા હતો, જે તેનું ઓલટાઇમ હાઇ લેવલ છે. તેવી જ રીતે, 2 એપ્રિલ વાયદા માટે સોનું 15,900 રૂપિયા વધીને 1,93,096 રૂપિયા પ્રતિ 10 ગ્રામ પર પહોંચી ગયું. આટલી મોટી તેજીને જોતા એક્સપર્ટ્સ રોકાણકારોને સાવચેત રહેવાની સલાહ આપી રહ્યા છે. સોના-ચાંદીમાં આવેલી આટલી મોટી તેજી પાછળ કયા કારણો છે..? ચાલો જાણીએ…

અઠવાડિયામાં કેટલું વધ્યું સોનું-ચાંદી? MCX પર 21 જાન્યુઆરીએ ચાંદીનો ભાવ 3.18 લાખ રૂપિયા પર હતો, જે હવે 88 હજાર રૂપિયા વધીને 4.05 લાખને પાર પહોંચી ગયો છે. જ્યારે સોનું 21 જાન્યુઆરીએ 1.60 લાખ રૂપિયા પર હતું, જે હવે 33 હજાર રૂપિયા વધીને 1.93 લાખ રૂપિયા પર પહોંચી ગયું છે.

દેશના મોટા શહેરોમાં સોનાના ભાવ

કેમ આવી સોના-ચાંદીમાં આટલી મોટી તેજી?

હવે રોકાણકારોએ શું કરવું જોઈએ? એક્સપર્ટ્સનું કહેવું છે કે યુએસ ફેડરલ રિઝર્વે વ્યાજ દરો યથાવત રાખ્યા છે અને આગળ દરોમાં વધારાની કોઈ શક્યતા ન હોવાનો સંકેત આપ્યો છે, જે કિંમતી ધાતુના ભાવોમાં તેજીને સપોર્ટ કરે છે. તેમનું કહેવું છે કે સોના અને ચાંદીમાં ભારે અસ્થિરતા જોવા મળી રહી છે, પરંતુ ચાંદીને 98 ડોલર અને સોનાને 5000 ડોલર પર સપોર્ટ મળતો દેખાઈ રહ્યો છે.

એક્સપર્ટ્સે એ પણ જણાવ્યું હતું કે એવી અપેક્ષા છે કે અમેરિકી બેરોજગાર દાવાઓના આંકડા અને ચાલી રહેલા ભૌગોલિક રાજકીય તણાવ પહેલાં, ડોલર ઇન્ડેક્સમાં ઉતાર-ચઢાવ વચ્ચે સોના અને ચાંદીમાં અસ્થિરતા જોવા મળી શકે છે. આવી સ્થિતિમાં રોકાણકારોએ સાવધ રહેવાની જરૂર છે અને અત્યારે નવા રોકાણથી બચવું જોઈએ.

સોનું ખરીદતી વખતે આ 2 બાબતોનું ધ્યાન રાખો

1. સર્ટિફાઇડ ગોલ્ડ જ ખરીદો: હંમેશા બ્યુરો ઓફ ઇન્ડિયન સ્ટાન્ડર્ડ (BIS) નો હોલમાર્ક લગાવેલું સર્ટિફાઇડ ગોલ્ડ જ ખરીદો. આ નંબર આલ્ફાન્યુમેરિક એટલે કે આ રીતે હોઈ શકે છે- AZ4524. હોલમાર્કિંગથી ખબર પડે છે કે સોનું કેટલા કેરેટનું છે.

2. કિંમત ક્રોસ ચેક કરો: સોનાનું સાચું વજન અને ખરીદવાના દિવસે તેની કિંમત ઘણા સ્રોતો (જેમ કે ઇન્ડિયા બુલિયન એન્ડ જ્વેલર્સ એસોસિએશનની વેબસાઇટ) પરથી ક્રોસ ચેક કરો. સોનાનો ભાવ 24 કેરેટ, 22 કેરેટ અને 18 કેરેટના હિસાબે અલગ-અલગ હોય છે.

અસલી ચાંદીની ઓળખ કરવાના 4 રીત

મેગ્નેટ ટેસ્ટ: અસલી ચાંદી ચુંબક સાથે ચોંટતી નથી. જો ચોંટી જાય તો નકલી છે.

આઇસ ટેસ્ટ: ચાંદી પર બરફ મૂકો. અસલી ચાંદી પર બરફ ખૂબ ઝડપથી પીગળશે.

સ્મેલ ટેસ્ટ: અસલી ચાંદીમાં ગંધ હોતી નથી. નકલીમાં કોપર જેવી ગંધ આવી શકે છે.

ક્લોથ ટેસ્ટ: ચાંદીને સફેદ કપડાથી ઘસો. જો કાળો નિશાન આવે તો અસલી છે.