ભારતીય ઓલરાઉન્ડર હાર્દિક પંડ્યાએ ઈન્ટરનેશનલ ક્રિકેટમાં 10 વર્ષ પૂર્ણ કર્યાં બાદ કહ્યું હતું કે આ ફક્ત શરૂઆત છે અને તે ફક્ત તે માર્ગ પર આગળ વધી રહ્યો છે જેના પર તે ખરેખરમાં ચાલવા માગે છે.

હાર્દિકે 2016માં ગણતંત્ર દિવસ પર એડિલેડમાં ઓસ્ટ્રેલિયા સામેની વન-ડે મેચમાં ઈન્ટરનેશનલ ક્રિકેટમાં ડેબ્યૂ કર્યું હતું. ઇન્સ્ટાગ્રામ પર હાર્દિકે લખ્યું, “આ સફરનાં 10 વર્ષ, જ્યારે હું 33 વર્ષનો થઈશ. મને જે રમત ખૂબ ગમે છે એ રમવી એક વાત છે અને એના દ્વારા મારા દેશની સેવા કરવી બીજી વાત છે. હું તમને બધાને પ્રેમ કરું છું, દરેક વસ્તુ માટે આભાર. ભગવાનનો આભાર, જે મુશ્કેલીઓ અને પડકારોએ મને અહીં સુધી પહોંચાડ્યો છે… ઘણા લોકોએ મને આપેલી તકો માટે… આ જીવન જીવવાની તક માટે.”

“આ વર્ષે મને શીખવ્યું છે કે આ તો ફક્ત શરૂઆત છે. હું એ માર્ગ પર ચાલવાનું શરૂ કરી રહ્યો છું જેના પર ખરેખર ચાલવા માગું છું.”

હાર્દિકે એમ પણ કહ્યું હતું કે જો તે “એક યુવાન હાર્દિક હોત જે બરોડા માટે રમવા માટે થોડા વધારાના માઇલ દોડતો હતો – એક બેટ્સમેન જે નેટમાં એવા બોલરોને વધારાના બોલ ફેંકતો હતો જેમને બેટિંગ પ્રેક્ટિસ કરવાની તક મળતી ન હતી, 19 વર્ષની ઉંમરે ઓલરાઉન્ડર બનવા, અને નોટિસ કરવું અને રિજેક્ટ થવા વિશે વિચારે- તો દેશ માટે રમવું એ મારા માટે સૌથી ફળદાયી સફર રહી છે.”

” ભગવાને મારા માટે મોટો પ્લાન બનાવ્યો હતો, જ્યારે 26 જાન્યુઆરીએ મને ડેબ્યૂ કરવાની મંજૂરી આપી.” તેમણે કહ્યું, “હું આ રમતાં-રમતાં મોટો થયો છું અને હું એને રમતાં-રમતાં જ વૃદ્ધ થઈ જઈશ.”

પોતાની શરૂઆતથી જ હાર્દિકે ભારતની વાઈટ બોલની ક્રિકેટ સફળતામાં મુખ્ય ફાળો આપ્યો છે અને મેન ઇન બ્લૂ સાથે 2024 T20 વર્લ્ડ કપ અને 2025 ચેમ્પિયન્સ ટ્રોફી જીતી છે. છેલ્લાં કેટલાંક વર્ષોમાં મુખ્ય મેચોમાં અસાધારણ રીતે સારું પ્રદર્શન કર્યું છે. તેનું શ્રેષ્ઠ પ્રદર્શન 2024 T20 વર્લ્ડ કપમાં આવ્યું હતું, જ્યાં તેણે 6 ઇનિંગ્સમાં 48.00ની સરેરાશ અને 151થી વધુના સ્ટ્રાઇક રેટથી 144 રન બનાવ્યા હતા. તેણે 17.36ની સરેરાશથી 11 વિકેટ લીધી, જેમાં તેનો શ્રેષ્ઠ સ્કોર 3/20 હતો. ફાઇનલમાં તેણે છેલ્લી ઓવર ફેંકી અને ડેવિડ મિલરની મેચવિનિંગ વિકેટ લીધી, જેમાં સૂર્યકુમાર યાદવે શાનદાર કેચ પકડ્યો.

94 વન-ડે મેચમાં તેણે 68 ઇનિંગ્સમાં 32.82ની સરેરાશ અને 110.89ના સ્ટ્રાઇક રેટથી 1,904 રન બનાવ્યા છે, જેમાં 11 ફિફ્ટી અને 92*નો શ્રેષ્ઠ સ્કોર છે. તેણે 35.50ની સરેરાશથી 91 વિકેટ પણ લીધી છે. જેમાં તેનું શ્રેષ્ઠ પ્રદર્શન 4/24 છે. 127 T20I મેચોમાં તેણે 28.54ની સરેરાશથી 2,027 રન, 143થી વધુનો સ્ટ્રાઇક રેટ, સાત ફિફ્ટી અને 71*નો બેસ્ટ સ્કોર બનાવ્યો છે.

ટેસ્ટ મેચોમાં તેણે 18 ઇનિંગ્સમાં 31.29ની સરેરાશથી 532 રન બનાવ્યા છે, જેમાં એક સદી અને ચાર ફિફ્ટીનો શ્રેષ્ઠ સ્કોર છે. તેણે 31.05ની સરેરાશથી 17 વિકેટ લીધી છે અને 5/28નો શ્રેષ્ઠ પ્રદર્શન કર્યુ છે.

સુરતના રસ્તા પર હાર્દિક પંડ્યાનો ‘સ્વેગ’

1 મહિના પહેલાં ટીમ ઈન્ડિયાનો ‘રોકસ્ટાર’ હાર્દિક પંડ્યા જ્યારે સુરત પહોંચ્યો ત્યારે ક્રિકેટ સ્ટેડિયમ જેવો જ માહોલ સર્જાયો હતો. હાર્દિક અહીં કોઈ મેચ રમવા નહીં, પણ એક NRI પરિવારની સગાઈમાં હાજરી આપવા આવ્યો હતો, પરંતુ આખી ઈવેન્ટમાં નજર લાઈમલાઈટ સગાઈ કરનાર કપલ પર નહીં, પણ હાર્દિક અને તેની સાથે આવેલી મિસ્ટ્રી ગર્લ અને મોડલ મહિકા શર્મા પર હતી. સંપૂર્ણ સમાચાર માટે અહીં ક્લિક કરો…