ભારતના રાષ્ટ્રપતિ દ્રૌપદી મુર્મુએ સોમવારે ધર્મેન્દ્રને મરણોત્તર પદ્મ પુરસ્કારથી સન્માનિત કર્યા. પીઢ એક્ટ્રેસ અને સાંસદ હેમા માલિની આ સન્માન લેવા પહોંચ્યાં, તે સમયે તેઓ ખૂબ જ ભાવુક થઈ ગયાં હતાં, જ્યારે દીકરી અહાના ધ્રુસકેને ધ્રુસકે રડતી જોવા મળી. હવે હેમા માલિનીએ એક ભાવુક પોસ્ટ કરીને કહ્યું છે કે, સન્માન લેતી વખતે તેમને ધર્મેન્દ્રની હાજરી અનુભવાઈ. તેમને એવું લાગ્યું કે જાણે ધર્મેન્દ્રએ તેમનો હાથ પકડી લીધો હોય.

હેમા માલિનીએ પદ્મ પુરસ્કાર સમારોહની તસવીરો સાથે સત્તાવાર સોશિયલ મીડિયા એકાઉન્ટ પરથી લખ્યું કે,

હેમા માલિનીએ લાંબી પોસ્ટ લખી પોતાની લાગણીઓ શેર કરી.

‘ધરમજી સાથે વિતાવેલા વર્ષોની યાદો તાજી થઈ ગઈ’

તેમણે આગળ લખ્યું, ‘ગઈકાલે શાંત અને ગૌરવપૂર્ણ પદ્મ પુરસ્કાર સમારોહમાં, જ્યારે મહામહિમ રાષ્ટ્રપતિજી પોતે જ બધા યોગ્ય સન્માનિત લોકોને પુરસ્કાર આપી રહ્યા હતાં, ત્યારે હું ધરમજી વતી ત્યાં હાજર હતી. તે પળે મારા મનમાં ગર્વની એક ઊંડી ભાવના ઉભરાઈ આવી. તેમની સાથે વિતાવેલા વર્ષોની યાદો તાજી થઈ ગઈ, પહેલા ઘણી સફળ ફિલ્મોમાં તેમની કો-સ્ટાર તરીકે અને પછી તેમની જીવનસંગિની બનીને. આ યાદોએ મારી આંખોને ભીની કરી દીધી.’

રાષ્ટ્રપતિ દ્રોપદી મુર્મુએ હેમા માલિનીને ધર્મેન્દ્રનો પદ્મ પુરસ્કાર એનાયત કર્યો.

હેમા માલિનીએ આગળ ભાવુક થઈને લખ્યું, ‘ધર્મેન્દ્ર એક અત્યંત પ્રેમાળ અને કાળજી રાખનારા પતિ હતા, સ્નેહાળ પિતા અને દાદા હતા, એક સાચા મિત્ર, સારા વિચારોવાળા માણસ, સાચા માર્ગદર્શક અને ભરોસાપાત્ર સાથી હતા. ધરમજીમાં આ બધા સુંદર ગુણો હતા અને તેનાથી પણ ક્યાંય વધારે. તેઓ એક ઉદાર, ભલા અને આપનારા માણસ હતા, જેમને જાણનાર દરેક વ્યક્તિ તેમને પ્રેમ કરતો હતો.’

હેમા માલિનીએ ધર્મેન્દ્રને મળેલો મરણોત્તર પદ્મ પુરસ્કાર સ્વીકાર કર્યો.

‘યાદોને છેલ્લા શ્વાસ સુધી સાચવી રાખીશ’

આખરે હેમા માલિની લખે છે, ‘મેં આ સન્માન નમ્રતાપૂર્વક મારા સમગ્ર પરિવાર, તેમના કરોડો ચાહકો અને શુભચિંતકો વતી સ્વીકાર્યું. હું ભગવાનનો આભાર માનું છું કે તેમણે મને આવા અદ્ભુત જીવનસાથી આપ્યા, જેમની યાદોને હું મારા જીવનના છેલ્લા શ્વાસ સુધી સાચવી રાખીશ. આ મારા હૃદયની સાચી લાગણીઓ છે, જે દેશના બીજા સૌથી મોટા સન્માન ‘પદ્મ વિભૂષણ’ને ધરમજી વતી સ્વીકારતી વખતે ઉમટી પડી હતી.’

ઈશા દેઓલે કહ્યું, ‘છ બાળકો વતી અહાના ત્યાં હાજર હતી’

હેમા માલિની ઉપરાંત ઈશા દેઓલે પણ ભાવુક પોસ્ટ લખી છે. તેણે લખ્યું,

ઇશા દેઓલે પણ ભાવુક પોસ્ટ લખી.

જુઓ પદ્મ પુરસ્કારથી હેમા માલિની અને દીકરી અહાનાની ઝલક-

પદ્મ પુરસ્કાર સાથે હેમા માલિની.

પદ્મ પુરસ્કાર સ્વીકારતા સમયે હેમા માલિની ભાવુક થયાં.

સૌથી નાની દીકરી અહાના તેના આંસુ ન રોકી શકી.

‘હી-મેન’એ 89 વર્ષની વયે અંતિમ શ્વાસ લીધા હતા

24 નવેમ્બર 2025ના રોજ ધર્મેન્દ્રનું 89 વર્ષની વયે અવસાન થયું. તેઓ લાંબા સમયથી બીમાર હતા. ધર્મેન્દ્રના નિધન પછીથી જ હેમા માલિની તેમને યાદ કરીને ભાવુક પોસ્ટ અને તસવીરો શેર કરતા રહે છે.

ધર્મેન્દ્રના અંતિમ સંસ્કાર સમયે લેવાયેલી હેમા માલિનીની તસવીર.

નોંધનીય છે કે, હેમા માલિની અને ધર્મેન્દ્રએ 30થી વધુ ફિલ્મોમાં સાથે કામ કર્યું છે. ફિલ્મોમાં આવતા પહેલા જ ધર્મેન્દ્ર પરિણીત હતા. તેમના લગ્ન નાની ઉંમરે પ્રકાશ કૌર સાથે થયા હતા, જેનાથી તેમને 4 બાળકો સની, બોબી, અજેતા, વિજેતા થયા. પરિણીત હોવા છતાં હેમા માલિની સાથે લગ્ન કરવા માટે ધર્મેન્દ્રએ ઇસ્લામ કબૂલ કર્યો અને તેમની સાથે બીજા લગ્ન કર્યા. આ લગ્નથી તેમને બે દીકરીઓ ઈશા અને અહાના છે.

ધર્મેન્દ્ર તેમની બંને પત્નીઓ અને છ બાળકો સાથે.

દિવ્ય ભાસ્કરને Google પર મનપસંદ સોર્સ બનાવો