IPL 2026 Playoff Race: Bengaluru Chance; Punjab, Rajasthan, Delhi Must Win
સ્પોર્ટ્સ ડેસ્ક46 મિનિટ પેહલા
- કૉપી લિંક
IPL 2026ની 60 મેચો પૂરી થઈ ગઈ છે. શનિવારે કોલકાતા નાઈટ રાઈડર્સે ગુજરાત ટાઈટન્સને હરાવીને પ્લેઓફની આશાઓ જીવંત રાખી. કોલકાતા 12 મેચોમાં 11 પોઈન્ટ્સ સાથે સાતમા સ્થાને પહોંચી ગઈ છે. ટીમને અંતિમ-4માં પહોંચવા માટે બાકીની બંને મેચો જીતવી પડશે.
આજે લીગમાં બે મુકાબલા રમાશે. પહેલી મેચમાં બેંગલુરુ પાસે પંજાબને હરાવીને પ્લેઓફ માટે ક્વોલિફાય કરનારી પહેલી ટીમ બનવાની તક છે. પંજાબ માટે પણ આ મુકાબલો જીતવો જરૂરી છે.
બીજા મુકાબલામાં દિલ્હી કેપિટલ્સ અને રાજસ્થાન રોયલ્સ આમને-સામને હશે. બંને ટીમો માટે આ મેચ મહત્વપૂર્ણ છે. દિલ્હી 10 પોઈન્ટ્સ સાથે આઠમા અને રાજસ્થાન 12 પોઈન્ટ્સ સાથે પાંચમા સ્થાને છે.
પોઈન્ટ્સ ટેબલની વર્તમાન સ્થિતિ…
| ટીમ | મેચ | જીત | હાર | નો રિઝલ્ટ | પોઇન્ટ્સ | NRR |
| 1. RCB | 12 | 8 | 4 | 0 | 16 | +1.053 |
| 2. GT | 13 | 8 | 5 | 0 | 16 | +0.400 |
| 3. SRH | 12 | 7 | 5 | 0 | 14 | +0.331 |
| 4. PBKS | 12 | 6 | 5 | 1 | 13 | +0.355 |
| 5. RR | 11 | 6 | 5 | 0 | 12 | +0.082 |
| 6. CSK | 12 | 6 | 6 | 0 | 12 | +0.027 |
| 7. KKR | 12 | 5 | 6 | 1 | 11 | -0.038 |
| 8. DC | 12 | 5 | 7 | 0 | 10 | -0.993 |
| 9. MI (E) | 12 | 4 | 8 | 0 | 8 | -0.504 |
| 10. LSG (E) | 12 | 4 | 8 | 0 | 8 | -0.701 |
ગુજરાત હાર્યા પછી પણ બીજા સ્થાને યથાવત
કોલકાતા સામે હાર્યા પછી પણ ગુજરાત બીજા સ્થાને યથાવત છે. ટીમના 13 મેચમાં 8 જીત અને 5 હાર સાથે 16 પોઈન્ટ્સ છે. ગુજરાતનો આગામી મેચ ચેન્નઈ સામે છે, જેને તેણે જીતવો પડશે. બેંગલુરુ 16 પોઈન્ટ્સ અને +1.053 નેટ રનરેટ સાથે પ્રથમ સ્થાને છે. ટીમ પંજાબને હરાવીને પ્લેઓફમાં સ્થાન નિશ્ચિત કરી શકે છે. તેને પંજાબ અને હૈદરાબાદ સામે મેચ રમવાની છે.
કોલકાતાને એક સ્થાનનો ફાયદો
ગુજરાત પર જીત મેળવ્યા બાદ કોલકાતા નાઈટ રાઈડર્સ સાતમા સ્થાને પહોંચી ગઈ છે. ટીમના 12 મેચમાં 11 પોઈન્ટ્સ છે. KKRને હવે મુંબઈ અને દિલ્હી સામે મેચ રમવાના છે. પ્લેઓફમાં પહોંચવા માટે ટીમને બંને મેચ જીતવા પડશે. સાથે જ બીજી ટીમોના પરિણામો પર પણ નિર્ભર રહેવું પડશે.
હૈદરાબાદ ત્રીજા સ્થાને
હૈદરાબાદ 12 મેચમાં 14 પોઈન્ટ્સ સાથે ત્રીજા સ્થાને છે. ટીમને પ્લેઓફમાં જવા માટે 18 મેના રોજ ચેન્નઈ અને 22 મેના રોજ બેંગલુરુને હરાવવું પડશે.
પંજાબને કોઈ પણ ભોગે જીત જોઈએ
પંજાબ કિંગ્સ 13 પોઈન્ટ્સ સાથે ચોથા સ્થાને છે. ટીમ સતત પાંચ મેચ હારી ચૂકી છે. પંજાબને આજે બેંગલુરુ અને 23 મેના રોજ લખનઉ સામે મેચ રમવાની છે. પ્લેઓફની આશા જાળવી રાખવા માટે બંને મેચ જીતવી પડશે.
રાજસ્થાન પાંચમા સ્થાને
રાજસ્થાન રોયલ્સ 11 મેચમાં 12 પોઈન્ટ્સ સાથે પાંચમા સ્થાને છે. ટીમને હવે દિલ્હી, લખનઉ અને મુંબઈ સામે મેચ રમવાની છે. પ્લેઓફમાં પહોંચવા માટે રાજસ્થાનને બાકીની ત્રણેય મેચ જીતવી પડશે.
ચેન્નઈની રાહ મુશ્કેલ
ચેન્નઈ સુપર કિંગ્સ 12 પોઈન્ટ્સ સાથે છઠ્ઠા સ્થાને છે. ટીમને હવે હૈદરાબાદ અને ગુજરાત સામે મેચ રમવાની છે. પ્લેઓફની રેસમાં ટકી રહેવા માટે CSKને બંને મેચ જીતવી પડશે. સાથે જ અન્ય ટીમોના પરિણામો પર નિર્ભર રહેવું પડશે.
દિલ્હી માટે હવે દરેક મેચ ફાઇનલ જેવી
દિલ્હી કેપિટલ્સ 10 પોઈન્ટ્સ સાથે આઠમા સ્થાને છે અને તેનો નેટ રનરેટ (-0.993) ખરાબ છે. દિલ્હીને બંને મેચ મોટા અંતરથી જીતવી પડશે. સાથે જ અન્ય ટીમોના પરિણામો પર નજર રાખવી પડશે. આજે રાજસ્થાન સામે હારવા પર ટીમ બહાર થઈ જશે.
મુંબઈ-લખનઉ પહેલાથી જ બહાર
મુંબઈ ઈન્ડિયન્સ અને લખનઉ સુપર જાયન્ટ્સ 8-8 પોઈન્ટ્સ સાથે અનુક્રમે નવમા અને દસમા સ્થાને છે. બંને ટીમો પ્લેઓફની રેસમાંથી બહાર થઈ ગઈ છે.
ટુર્નામેન્ટના ટોપ પ્લેયર્સ…
સુદર્શન બન્યો ઓરેન્જ કેપ હોલ્ડર
ગુજરાતના સાઈ સુદર્શન હૈદરાબાદના હેનરિક ક્લાસનને પાછળ છોડીને ઓરેન્જ કેપ હોલ્ડર બની ગયો છે. તેણે 13 મેચમાં 554 રન બનાવ્યા છે. શનિવારે 85 રનની ઇનિંગ્સ રમનાર શુભમન ગિલ 552 રન સાથે બીજા સ્થાને છે. ક્લાસન 508 રન સાથે ત્રીજા સ્થાને છે.
ભુવનેશ્વર પાસે યથાવત પર્પલ કેપ
બેંગલુરુના ફાસ્ટ બોલર ભુવનેશ્વર કુમાર IPL 2026માં 22 વિકેટ સાથે પર્પલ કેપ હોલ્ડર છે. ગુજરાતના કાગીસો રબાડા 13 મેચમાં 21 વિકેટ લઈને બીજા સ્થાને છે. ચેન્નઈના અંશુલ કંબોજ 19 વિકેટ સાથે ત્રીજા સ્થાને છે.
latest video
news via inbox
Subscribe for the latest updates, promotions, and ads.
