IPL 2026: Punjabs Fate Sealed? Delhis Do or Die Clash as RCB Tops Table
સ્પોર્ટ્સ ડેસ્ક2 કલાક પેહલા
- કૉપી લિંક
રોયલ ચેલેન્જર્સ બેંગલુરુ IPLની વર્તમાન સિઝનની પોઈન્ટ્સ ટેબલમાં ટોચ પર આવી ગયું છે. તેણે રવિવારની બીજી મેચમાં મુંબઈ ઈન્ડિયન્સ સામે 2 વિકેટે રોમાંચક જીત નોંધાવી. આ હાર બાદ મુંબઈ પ્લેઓફની રેસમાંથી બહાર થઈ ગયું છે.
રાયપુરના શહીદ વીર નારાયણ સિંહ સ્ટેડિયમમાં છેલ્લી બોલ સુધી ચાલેલી મેચનો ટૉસ બેંગલુરુએ જીત્યો હતો. મુંબઈએ પહેલા બેટિંગ કરતા 20 ઓવરમાં 7 વિકેટે 166 રન બનાવ્યા. 167 રનનો ટાર્ગેટ બેંગલુરુએ 8 વિકેટે હાંસલ કરી લીધો.
પોઈન્ટ્સ ટેબલની વર્તમાન સ્થિતિ
| રેન્ક | ટીમ | મેચ | જીત | હાર | નો રિઝલ્ટ | પોઇન્ટ્સ | NRR |
| 1 | RCB | 11 | 7 | 4 | 0 | 14 | 1.103 |
| 2 | SRH | 11 | 7 | 4 | 0 | 14 | 0.737 |
| 3 | GT | 11 | 7 | 4 | 0 | 14 | 0.228 |
| 4 | PBKS | 10 | 6 | 3 | 1 | 13 | 0.571 |
| 5 | CSK | 11 | 6 | 5 | 0 | 12 | 0.151 |
| 6 | RR | 11 | 6 | 5 | 0 | 12 | 0.082 |
| 7 | KKR | 10 | 4 | 5 | 1 | 9 | -0.169 |
| 8 | DC | 11 | 4 | 7 | 0 | 8 | -1.154 |
| 9 | MI | 11 | 3 | 8 | 0 | 6 | -0.585 |
| 10 | LSG | 11 | 3 | 8 | 0 | 6 | -0.907 |
2 હાર બાદ બેંગલુરુ જીત્યું, મુંબઈની 8મી હાર
બેંગલુરુને સતત બે હારનો સામનો કર્યા બાદ જીત મળી છે. જ્યારે, મુંબઈની ટીમ સિઝનમાં 8મી મેચ હારી છે.
- બેંગલુરુએ અત્યાર સુધીમાં 11 મેચ રમી છે. તેમાંથી ટીમને 7માં જીત મળી છે, જ્યારે તેણે 4 મેચ ગુમાવી છે. હાલમાં, બેંગલુરુની ટીમ 14 પોઈન્ટ સાથે પોઈન્ટ્સ ટેબલમાં પ્રથમ સ્થાને છે. હૈદરાબાદ અને ગુજરાત પાસે પણ એટલા જ પોઈન્ટ છે, પરંતુ બેંગલુરુનો નેટ રન રેટ તેમના કરતા સારી છે.
- મુંબઈ છેલ્લી બે મેચ સૂર્યકુમાર યાદવની કપ્તાનીમાં રમી. ટીમ 11માંથી 8 મેચ હારી ચૂકી છે અને 6 પોઈન્ટ સાથે પોઈન્ટ્સ ટેબલમાં 9મા સ્થાને છે. ઈન્ડિયન્સની ટીમ પોતાની બાકીની મેચ જીતીને વધુમાં વધુ 12 પોઈન્ટ સુધી જ પહોંચી શકે છે, જે પ્લેઓફમાં પહોંચવા માટે પૂરતા નથી. આવી સ્થિતિમાં મુંબઈ વધુમાં વધુ મેચ જીતીને ફાઇનલ ટેબલમાં સારી રેન્ક મેળવવા માંગશે.
આજની મેચનો હાલ
પંજાબ પાસે ટોચ પર પહોંચવાની તક પંજાબ કિંગ્સના 10 મેચમાં 6 જીત અને 1 અનિર્ણિત મુકાબલા સાથે 13 પોઈન્ટ્સ છે. આજે દિલ્હીને હરાવીને ટીમ પોઈન્ટ્સ ટેબલમાં નંબર-1 પર પહોંચી શકે છે. પ્લેઓફમાં જગ્યા પાક્કી કરવા માટે ટીમને બાકીની 4 મેચમાં 2 વધુ જીત જોઈએ.
દિલ્હી માટે દરેક મેચ જીતવું અત્યંત જરૂરી દિલ્હી કેપિટલ્સ 11 મેચમાં 4 જીત સાથે 8 પોઈન્ટ્સ લઈને આઠમા સ્થાને છે. ટીમને છેલ્લી 5 મેચમાં 4 હાર મળી છે. આજની હાર દિલ્હીની પ્લેઓફની આશાઓને લગભગ ખતમ કરી શકે છે.
ટુર્નામેન્ટના ટોપ પ્લેયર્સ
રાહુલને મળી શકે છે ઓરેન્જ કેપ IPLની 19મી સિઝનમાં હૈદરાબાદના હેનરિક ક્લાસન ટોપ સ્કોરર છે. તેણે 494 રન બનાવ્યા છે. તેની ટીમના અભિષેક શર્મા 475 રન સાથે બીજા સ્થાને છે. જ્યારે, દિલ્હીના કેએલ 468 રન સાથે ત્રીજા નંબરે છે. તે 26મો રન બનાવતા જ નંબર-1 પર પહોંચી જશે.
ભુવનેશ્વર 21 વિકેટ સાથે ટોપ પર યથાવત બેંગલુરુના ભુવનેશ્વર કુમાર ટુર્નામેન્ટના ટોપ વિકેટ ટેકર બન્યો છે. તેના નામે 21 વિકેટ છે. બીજા નંબરે ચેન્નઈનો અંશુલ કંબોજ અને ત્રીજા નંબરે ગુજરાતનો કાગીસો રબાડા છે. ——————————————————
IPL સંબંધિત આ સમાચાર પણ વાંચો…
IPL- મુંબઈ છેલ્લી બોલ પર હારી, પ્લેઓફ રેસમાંથી બહાર, બેંગલુરુએ 2 વિકેટે હરાવ્યું
રોયલ ચેલેન્જર્સ બેંગલુરુએ IPLમાં રવિવારે મુંબઈ ઈન્ડિયન્સ સામે 2 વિકેટે રોમાંચક જીત નોંધાવી. બેંગલુરુએ ટોસ જીતીને પ્રથમ બોલિંગ પસંદ કરી. રાયપુરના શહીદ વીર નારાયણ સિંહ સ્ટેડિયમમાં મુંબઈએ 20 ઓવરમાં 7 વિકેટે 166 રન બનાવ્યા. 167 રનનો ટાર્ગેટ બેંગલુરુએ 20 ઓવરમાં 8 વિકેટે હાંસલ કર્યો. વાંચો પૂરા સમાચાર
latest video
news via inbox
Subscribe for the latest updates, promotions, and ads.
