ઇન્ડિયન પ્રીમિયર લીગ (IPL)ના બીજા તબક્કાનું શેડ્યૂલ જાહેર થઈ ગયું છે. IPL કમિટીએ સાંજે 6 વાગ્યે તેના સોશિયલ મીડિયા હેન્ડલ પર આ માહિતી આપી. 13 એપ્રિલથી 24 મે સુધી 12 સ્થળોએ 50 મેચ રમાશે. આમાં 8 ડબલ હેડર હશે.

ડિફેન્ડિંગ ચેમ્પિયન રોયલ ચેલેન્જર્સ બેંગલુરુએ રાયપુરને પોતાનું બીજું હોમગ્રાઉન્ડ બનાવ્યું છે, ટીમ અહીં 2 મેચ રમશે. પ્રથમ તબક્કામાં 28 માર્ચથી 12 એપ્રિલ સુધી 20 મેચ રમાવાની છે. પ્લેઓફનું શેડ્યૂલ જાહેર થયું નથી, પરંતુ ફાઇનલ 31 મેના રોજ બેંગલુરુમાં જ રમાશે.

ટુર્નામેન્ટમાં કુલ 74 મેચ જ રમાશે. લીગ સ્ટેજમાં 70 મેચ હશે, જ્યારે પ્લેઓફ સ્ટેજમાં 4 મેચ રમાશે. પહેલા એવા સમાચાર હતા કે આ સિઝનમાં 84 મેચ રમાવાની છે, પરંતુ IPL કમિટીએ મેચોની સંખ્યા વધારી નથી.

જુઓ તમામ મેચનું શિડ્યૂલ

MI vs CSK મેચ 23 એપ્રિલે બીજા તબક્કાની શરૂઆત સનરાઇઝર્સ હૈદરાબાદની મેચથી થશે, પરંતુ આ વખતે ટીમ હૈદરાબાદ રાજસ્થાન રોયલ્સ સામે ટકરાશે. જ્યારે પ્રથમ તબક્કામાં ટીમ બેંગલુરુના મેદાન પર RCB સામે પ્રથમ મેચ રમશે.

IPL ઇતિહાસની 2 સૌથી સફળ ટીમો મુંબઈ ઇન્ડિયન્સ અને ચેન્નઈ સુપર કિંગ્સ 23 એપ્રિલે પહેલીવાર મુંબઈમાં ટકરાશે. બંને ફરી 2 મેના રોજ ચેન્નઈમાં પણ આમને-સામને હશે. લીગ સ્ટેજના છેલ્લા દિવસે 2 મેચ રમાશે. બપોરે મુંબઈનો મુકાબલો રાજસ્થાન સામે થશે, જ્યારે સાંજે કોલકાતાની ટીમ દિલ્હી સામે ટકરાશે.

હાર્દિક પંડ્યા મુંબઈ ઈન્ડિયન્સની કપ્ટનશિપ કરશે.

રાયપુર અને ધર્મશાલા 2 ટીમોના સેકન્ડ હોમગ્રાઉન્ડ IPLમાં 10 ટીમો છે. બધી ટીમો પોતાના હોમગ્રાઉન્ડ પર 7 અને વિરોધી ટીમના હોમગ્રાઉન્ડ પર 7 મેચ રમશે. 10 ટીમોના 10 હોમગ્રાઉન્ડ ઉપરાંત રાજસ્થાન રોયલ્સ, રોયલ ચેલેન્જર્સ બેંગલુરુ અને પંજાબ કિંગ્સે 2-2 હોમગ્રાઉન્ડ પસંદ કર્યા છે. રાજસ્થાન તેની શરૂઆતની 3 હોમ મેચ ગુવાહાટીમાં રમશે, જ્યારે 4 મેચ જયપુરમાં રમાશે. બેંગલુરુનું બીજું હોમગ્રાઉન્ડ રાયપુર અને પંજાબનું મુલ્લાંપુર છે.

બેંગલુરુ, મુંબઈ, ચેન્નઈ, કોલકાતા, દિલ્હી, અમદાવાદ, હૈદરાબાદ, લખનઉ, જયપુર, ધર્મશાલા, રાયપુર, મુલ્લાંપુર અને ગુવાહાટી ટુર્નામેન્ટના 13 સ્થળો છે. અહીં લીગ સ્ટેજના 70 મેચ રમાશે. પ્લેઓફના 4 મેચ મુલ્લાંપુર અને બેંગલુરુમાં રમાશે, પરંતુ તેમની તારીખો જાહેર થવાની બાકી છે.

જુઓ પહેલા તબક્કાનું શેડ્યૂલ

દિવ્ય ભાસ્કરને Google પર મનપસંદ સોર્સ બનાવો