IPL ગવર્નિંગ કાઉન્સિલ આ વાત પર પણ મંથન કરી શકે છે કે ટુર્નામેન્ટની ઓપનિંગ મેચ ક્યાં યોજવી, કારણ કે ડિફેન્ડિંગ ચેમ્પિયન રોયલ ચેલેન્જર્સ બેંગલુરુ (RCB) તેમાં સામેલ થશે.

ગયા જૂનમાં બેંગલુરુના એમ. ચિન્નાસ્વામી સ્ટેડિયમમાં RCBની જીતની ઉજવણી દરમિયાન થયેલી ભાગદોડમાં 11 ચાહકોના મોત થયા હતા. આ પછી RCB અને કર્ણાટક ક્રિકેટ વચ્ચે આ વાત પર ચર્ચા ચાલી રહી છે કે ટીમ તેની સાત હોમ મેચ ત્યાં જ રમશે કે કોઈ અન્ય સ્થળે ખસેડશે.

ફ્રેન્ચાઇઝીએ નવી મુંબઈ, રાયપુર અને પુણે જેવા શહેરોને વિકલ્પ તરીકે શોર્ટલિસ્ટ કર્યા છે.

RCBના IPL વિનિંગ સેલિબ્રેશનમાં 11નાં મોત થયા હતા.

ઓક્શન વખતે ટીમને તારીખ 26 માર્ચ જણાવવામાં આવી હતી

BCCIએ ગયા વર્ષે ડિસેમ્બરમાં અબુ ધાબીમાં યોજાયેલા IPL ઓક્શન દરમિયાન ફ્રેન્ચાઇઝીઓને જણાવ્યું હતું કે સીઝન 26 માર્ચથી 31 મે સુધી ચાલશે. તે સમયે 26 માર્ચથી શરૂઆત નિશ્ચિત માનવામાં આવી રહી હતી. જોકે, જો ઓપનિંગ ડેટ આગળ વધે તો ફાઇનલની તારીખ બદલાશે નહીં. કારણ કે 31 મેના રોજ રવિવાર છે અને મોટાભાગે મોટી સ્પોર્ટ્સ ટુર્નામેન્ટમાં ટાઇટલ મુકાબલા રવિવારે જ હોય ​​છે.

IPL 2026નું ઓક્શન અબુ ધાબીમાં થયું હતું.

દિવ્ય ભાસ્કરને Google પર મનપસંદ સોર્સ બનાવો