IPL 2026 પહેલા કેવિન પીટરસને દિલ્હી કેપિટલ્સ (DC)ની મેન્ટરશિપ છોડી દીધી છે. પૂર્વ ઇંગ્લિશ કેપ્ટન પીટરસને શનિવારે સોશિયલ પ્લેટફોર્મ X પર લખ્યું- ‘આ જવાબદારી માટે જેટલો સમય જોઈએ, તે આપી શકશે નહીં.’

જોકે, 45 વર્ષના આ પૂર્વ બેટરે દિલ્હીની ટીમ અને ખેલાડીઓને નવી સીઝન માટે શુભેચ્છાઓ આપી. તેમણે એ પણ કહ્યું કે તેઓ IPL દરમિયાન કોમેન્ટ્રી બોક્સમાં જરૂર જોવા મળશે અને ભારતીય લીગનો હિસ્સો બની રહેશે.

IPL 2025 પહેલા DC મેન્ટર બન્યા હતા પીટરસન પીટરસનને IPL 2025 પહેલા દિલ્હી કેપિટલ્સના મેન્ટર બનાવવામાં આવ્યા હતા. ગત સીઝનમાં દિલ્હીની ટીમ લીગ સ્ટેજમાંથી બહાર થઈ ગઈ હતી. ટીમે 14માંથી 7 મેચ જીતીને પાંચમું સ્થાન મેળવ્યું હતું. પરંતુ, પ્લેઓફમાં જગ્યા બનાવી શકી ન હતી.

પીટરસન એક ખેલાડી તરીકે પણ દિલ્હીની ફ્રેન્ચાઇઝીનો ભાગ રહ્યા છે. ત્યારે ટીમનું નામ દિલ્હી ડેરડેવિલ્સ હતું. તેમણે દિલ્હી તરફથી 19 મેચમાં 599 રન બનાવ્યા છે. તેમની ટીમ 2012ના પ્લેઓફમાં પહોંચી હતી, પરંતુ ટાઇટલ જીતી શકી નહોતી. 2014માં દિલ્હી લીગ સ્ટેજમાંથી બહાર થઈ ગઈ.

5 સિઝન રમ્યા, 3 ટીમનો ભાગ રહ્યા પીટરસન IPLમાં પાંચ સીઝન રમી ચૂક્યા છે અને ત્રણ અલગ-અલગ ટીમનું પ્રતિનિધિત્વ કરી ચૂક્યા છે. તેઓ કુલ 17 મેચમાં કેપ્ટનશીપ પણ કરી ચૂક્યા છે. 2009માં તેમણે રોયલ ચેલેન્જર્સ બેંગલુરુની કેપ્ટનશીપ કરી હતી, જ્યારે 2014માં દિલ્હી ડેરડેવિલ્સની કમાન સંભાળી હતી.

28 માર્ચથી થશે IPL-2026ની શરૂઆત IPL 2026ની શરૂઆત 28 માર્ચથી થશે. પ્રથમ મેચમાં ડિફેન્ડિંગ ચેમ્પિયન રોયલ ચેલેન્જર્સ બેંગલુરુ અને સનરાઇઝર્સ હૈદરાબાદ આમને-સામને હશે. દિલ્હી કેપિટલ્સ પોતાની પ્રથમ મેચ 1 એપ્રિલે લખનઉ સુપર જાયન્ટ્સ સામે લખનઉના એકાના સ્ટેડિયમમાં રમશે, જ્યારે ટીમની પ્રથમ હોમ મેચ 4 એપ્રિલે મુંબઈ ઇન્ડિયન્સ સામે હશે.

દિવ્ય ભાસ્કરને Google પર મનપસંદ સોર્સ બનાવો