‘હમ સાથ સાથ હૈ’ ફેમ એક્ટ્રેસ અને ‘બિગ બોસ 19’ની પૂર્વ સ્પર્ધક કુનિકા સદાનંદે કેન્દ્રની સત્તાધારી પાર્ટી ભાજપ પર નિશાન સાધ્યું છે. તેણે દેશના વર્તમાન વાતાવરણ પર ચિંતા વ્યક્ત કરતા કહ્યું કે, ‘હવે ભારતમાં સમજદારીની વાત કરવા પર લોકોને જાનથી મારી નાખવાની ધમકીઓ આપવામાં આવી રહી છે.’

ટ્વીટ કરી નિશાન સાધ્યું

કુનિકા સદાનંદે સોશિયલ મીડિયા પ્લેટફોર્મ X (અગાઉ ટ્વિટર) પર એક પોસ્ટ શેર કરી છે. તેણે લખ્યું, ‘ભારત એક એવા મુકામ પર પહોંચી ગયું છે, જ્યાં જો તમે સમજદારીની વાત કરવાનો પ્રયાસ કરશો, તો લોકો તમને ગાળો આપશે, ધમકાવશે અને લગભગ રસ્તાઓ પર માર મારીને મારી નાખશે.’

કુનીકા સદાનંદની ટ્વીટ.

ભાજપની ‘સિદ્ધિ’ ગણાવીને કટાક્ષ કર્યો પોતાના ટ્વીટમાં કુનિકાએ નામ લીધા વગર સત્તાધારી પક્ષ પર કટાક્ષ કર્યો. તેણે આગળ લખ્યું, ‘આ સત્તાધારી પક્ષની સૌથી મોટી સિદ્ધિઓમાંની એક છે. તેમણે માત્ર સંસ્થાઓને જ નહીં, પરંતુ લોકોના મગજને પણ નષ્ટ કરી દીધા છે.’

પોતાની ટ્વીટના અંતમાં તેણે વ્યંગાત્મક લહેજામાં લખ્યું, ‘જય હિંદ, મારું ભારત મહાન.’

કુનિકા સદાનંદને ‘બિગ બોસ 19’ થી ફરી ઓળખ મળી છે.

‘બિગ બોસ 19’થી નાના પડદા પર વાપસી કરી હતી એક્ટ્રેસ કુનિકા સદાનંદે ગયા વર્ષે જ રિયાલિટી શો ‘બિગ બોસ 19’ દ્વારા ટેલિવિઝન પર વાપસી કરી હતી. શો દરમિયાન પણ તે પોતાની બેબાકી માટે જાણીતા હતા. કુનિકા 80 અને 90 ના દાયકાની ફિલ્મોનો ચહેરો રહી છે. તે માત્ર ફિલ્મો જ નહીં, પરંતુ પોતાની પર્સનલ લાઇફ અને અફેર્સ પર પણ ખૂલીને બોલવા માટે ઓળખાય છે.

કુનિકા અવારનવાર સરકારની નીતિઓની ટીકા કરતી રહે છે.

વિવાદો સાથે જૂનો નાતો રહ્યો છે આ પહેલીવાર નથી, જ્યારે કુનિકા સદાનંદે કોઈ રાજકીય પક્ષ પર નિશાન સાધ્યું હોય. તે પહેલા પણ ઘણા પ્રસંગોએ સરકારની નીતિઓની ટીકા કરી ચૂકી છે. ફિલ્મ ‘મેરે હસબન્ડ કી બીવી’ જેવા પ્રોજેક્ટ્સનો ભાગ રહેલી કુનિકાનું માનવું છે કે કલાકારોએ સામાજિક મુદ્દાઓ પર પોતાનો અવાજ ઉઠાવવો જોઈએ.

દિવ્ય ભાસ્કરને Google પર મનપસંદ સોર્સ બનાવો