પશ્ચિમ બંગાળના રાજ્યપાલ સી.વી. આનંદ બોસે રાજીનામું આપ્યાના થોડીવાર પછી જ તેમનું રાજીનામું આવ્યું છે.

રાજીનામાથી રાજકીય ભૂકંપની સ્થિતિ

પશ્ચિમ બંગાળ પછી લદ્દાખના લેફ્ટનન્ટ ગવર્નર કવિન્દર ગુપ્તાએ તેમના પદ પરથી રાજીનામું આપ્યુ છે. પશ્ચિમ બંગાળના રાજ્યપાલ સી.વી. આનંદ બોસે રાજીનામું આપ્યાના થોડીવાર પછી જ તેમનું રાજીનામું આવ્યું છે. જોકે, ગુપ્તાના રાજીનામાનું કારણ હજુ સુધી અસ્પષ્ટ છે. કવિન્દર ગુપ્તાને 18 જુલાઈ 2025ના રોજ લદ્દાખના લેફ્ટનન્ટ ગવર્નર તરીકે નિયુક્ત કરવામાં આવ્યા હતા. ગુપ્તા પહેલા બ્રિગેડિયર બી.ડી. મિશ્રા હતા. ગુપ્તા ભાજપના અનુભવી નેતા હતા અને જમ્મુ અને કાશ્મીરના નાયબ મુખ્ય પ્રધાન તરીકે પણ સેવા આપી હતી.

નવા લેફ્ટનન્ટ ગવર્નર કોણ બનશે?

લદ્દાખના નવા લેફ્ટનન્ટ ગવર્નર કોણ હશે અને કવિન્દર ગુપ્તાએ તેમના પદ પરથી શા માટે રાજીનામું આપ્યું તે સ્પષ્ટ નથી. દરમિયાન, મુખ્યમંત્રી મમતા બેનર્જીએ પશ્ચિમ બંગાળના રાજ્યપાલના રાજીનામા પર આશ્ચર્ય વ્યક્ત કર્યું છે. પશ્ચિમ બંગાળના નવા રાજ્યપાલ આર.એન. રવિ હશે, જેઓ અગાઉ તમિલનાડુના રાજ્યપાલ તરીકે સેવા આપી ચૂક્યા છે. લદ્દાખ માટે નવા લેફ્ટનન્ટ ગવર્નરની નિમણૂક માટે થોડી રાહ જોવી પડશે.

આ પણ વાંચોઃ Canada PM Mark Carneyએ કર્યા પીએમ મોદીના વખાણ, કાર્યશૈલીથી થયા પ્રભાવિત