MI vs CSK IPL 2026: Sanju Equals Rohits Century Record; Chennais Big Win
સ્પોર્ટ્સ ડેસ્ક2 કલાક પેહલા
- કૉપી લિંક
ચેન્નઈ સુપર કિંગ્સે IPL 2026ની 33મી મેચમાં મુંબઈ ઈન્ડિયન્સને 103 રનથી હરાવીને પોતાની સૌથી મોટી જીત નોંધાવી. ગુરુવારે વાનખેડે સ્ટેડિયમમાં સંજુ સેમસને પ્રથમ ઇનિંગ્સના છેલ્લા બોલ પર ચોગ્ગો ફટકારીને આ સિઝનમાં બીજી સદી ફટકારી. તેણે ટી-20માં સૌથી વધુ સદી ફટકારનાર ભારતીય બેટરોમાંં રોહિત શર્માની બરાબરી કરી લીધી. મેચ દરમિયાન જેમી ઓવરટન અને તિલક વર્મા વચ્ચે ઉગ્ર દલીલ પણ જોવા મળી.
MI Vs CSK મેચના ટોપ રેકોર્ડ્સ અને મોમેન્ટ્સ…
CSKએ સૌથી મોટી જીત નોંધાવી
ચેન્નઈ સુપર કિંગ્સે મુંબઈ ઈન્ડિયન્સને 103 રનથી હરાવી દીધું. આ ટુર્નામેન્ટના ઇતિહાસમાં ટીમની સૌથી મોટી જીત છે. આ પહેલા 2014ની સિઝનમાં અબુ ધાબીમાં દિલ્હી ડેરડેવિલ્સ સામે મળેલી 93 રનની જીત તેની સૌથી મોટી જીત હતી.
મુંબઈને સૌથી મોટી હાર મળી
મુંબઈને IPL ઈતિહાસમાં સૌથી મોટી હાર મળી. આ પહેલા 2013માં તેને જયપુરમાં રાજસ્થાન સામે 87 રનની હારનો સામનો કરવો પડ્યો હતો. જ્યારે 2016માં સનરાઈઝર્સ હૈદરાબાદે તેને 85 રનથી હરાવ્યું હતું.
ચેન્નઈએ મુંબઈને સૌથી વધુ વખત હરાવ્યું
ચેન્નઈએ મુંબઈને IPLમાં 19મી વખત હરાવ્યું. આ સાથે જ CSK મુંબઈને સૌથી વધુ મેચ હરાવનારી ટીમ બની ગઈ છે. તેણે MI સામે કુલ 40માંથી 19 મેચ જીતી છે. ત્યારબાદ પંજાબ કિંગ્સ છે, જેમણે 35 મેચમાંથી 18 જીત મેળવી છે. દિલ્હી કેપિટલ્સ 38 મેચમાં 17 જીત સાથે ત્રીજા નંબર પર છે.
સંજુએ 8મી ટી-20 સદી ફટકારી
સંજુ સેમસને ટી-20 ક્રિકેટમાં 8મી સદી ફટકારી. સૌથી વધુ સદી ફટકારનારા ભારતીય ખેલાડીઓમાં વિરાટ કોહલી અને અભિષેક શર્મા સૌથી આગળ છે. બંનેના નામે 9-9 સદી નોંધાયેલી છે. ત્યારબાદ રોહિત શર્માનું નામ આવે છે, જેમણે ટી-20માં અત્યાર સુધી 8 સદી ફટકારી છે.
IPLમાં સંજુએ 5મી સદી ફટકારી
સંજુ IPLમાં સૌથી વધુ સદી ફટકારનારા બેટરોની યાદીમાં 5મા નંબર પર આવી ગયા છે. તેમણે મુંબઈ સામે અણનમ 101 રનની ઇનિંગ રમી. ટુર્નામેન્ટમાં સૌથી વધુ સદી વિરાટ કોહલીના નામે છે. તેમણે IPL માં અત્યાર સુધી 8 સદી ફટકારી છે. બીજા નંબર પર જોસ બટલર છે, જેમની 7 સદી છે.
CSK માટે સૌથી વધુ સદી ફટકારવાની બરાબરી કરી
ચેન્નઈ સુપર કિંગ્સ માટે પહેલી સિઝન રમી રહેલા સંજુ સેમસને બે સદી ફટકારી છે. ચેન્નઈ માટે અત્યાર સુધી ચાર ખેલાડી 2 સદી ફટકારી ચૂક્યા છે. સંજુ પહેલા શેન વોટસન, મુરલી વિજય, ઋતુરાજ ગાયકવાડ પણ બે-બે સદી ફટકારી ચૂક્યા છે.
અહીંથી ટોપ મોમેન્ટ્સ…
પ્લેયર્સ કાળી પટ્ટી બાંધીને મેદાન પર ઉતર્યા
મુકેશે 31 રન આપીને એક વિકેટ લીધી.
બંને ટીમના ખેલાડીઓ કાળી પટ્ટી બાંધીને મેદાન પર ઉતર્યા. ચેન્નઈના ફાસ્ટ બોલર મુકેશ ચૌધરીની માતાનું મંગળવારે નિધન થયું હતું. આ પછી બંને ટીમે કાળી પટ્ટી બાંધીને શોક વ્યક્ત કર્યો.
બુમરાહનો નો બોલ પર ચોગ્ગો
બુમરાહે 4 ઓવરમાં 31 રન આપીને એક વિકેટ લીધી.
મેચની પહેલી ઓવરમાં જસપ્રીત બુમરાહે 5મી બોલ નો-બોલ નાખ્યો. ફુલ લેન્થના બોલ પર સંજુ સેમસને શાનદાર કવર ડ્રાઈવ રમતા ચોગ્ગો ફટકાર્યો. આગળનો બોલ ફ્રી-હિટ હતો, પરંતુ બુમરાહે ચોક્કસ યોર્કર નાખ્યો અને કોઈ રન બન્યો નહીં.
સેન્ટનરે ક્રુણાલની જેમ બાઉન્સર નાખ્યો
સેન્ટનર એ 109 ની ઝડપે બાઉન્સર નાખી.
ચેન્નઈની ઇનિંગ્સની 6ઠ્ઠી ઓવરમાં મિચેલ સેન્ટનરે ક્રુણાલ પંડ્યાની જેમ બાઉન્સર બોલ નાખ્યો. ઓવરના ચોથા બોલ પર સેન્ટનરે સરફરાઝ ખાનને ક્લીન બોલ્ડ કરીને પેવેલિયન મોકલ્યો. આ પછી શિવમ દુબે બેટિંગ કરવા ઉતર્યા.
સેન્ટનરે તેમને પહેલો બોલ જ 109.1 કિમી પ્રતિ કલાકની ઝડપે ઓફ સ્ટમ્પની બહાર શોર્ટ બોલ નાખ્યો. શિવમ ચોંક્યા, પરંતુ છેવટે પુલ શોટ રમીને બોલને ડીપ મિડ-વિકેટ તરફ મોકલ્યો અને સિંગલ લીધો. આ બોલ પછી ડગઆઉટમાં બેઠેલા રોહિત શર્માએ પણ તાળી પાડીને સેન્ટનરની પ્રશંસા કરી.
સેન્ટનરે શાનદાર લો કેચ પકડ્યો
સેન્ટનર કેચ પકડતી વખતે ઈજાગ્રસ્ત થયા.
ચેન્નઈની ઇનિંગ્સની 17મી ઓવરમાં મિચેલ સેન્ટનરે કાર્તિક શર્માનો શાનદાર લો કેચ પકડ્યો. જસપ્રીત બુમરાહે ઓવરનો 5મો બોલ ફુલ ટોસ નાખ્યો, કાર્તિક શર્માએ તેને ડીપ સ્ક્વેર લેગ તરફ રમ્યો, જ્યાં હાજર સેન્ટનરે આગળની તરફ ડાઇવ લગાવીને શાનદાર લો કેચ પકડી લીધો.
જોકે, કેચ પકડતી વખતે સેન્ટનરને ખભામાં સામાન્ય ઈજા પણ થઈ, જેના પછી તે ગ્રાઉન્ડની બહાર ચાલ્યા ગયા. કાર્તિક 19 બોલમાં 18 રન બનાવીને આઉટ થયો.
સેમસને ચોગ્ગો ફટકારીને સદી ફટકારી
સંજુએ 101 રનની અણનમ ઇનિંગ રમી.
સંજુ સેમસને ઇનિંગની છેલ્લી બોલ પર ચોગ્ગો ફટકારીને આ સિઝનની બીજી સદી ફટકારી. ક્રિશ ભગતની છેલ્લી બોલ પર સંજુએ પુલ શોટ રમતા ડીપ સ્ક્વેર લેગ પર ચોગ્ગો ફટકાર્યો. તે તે સમયે 97 રન પર રમી રહ્યો હતો. સદી પૂરી કર્યા પછી તેણે હેલ્મેટ ઉતારીને બેટ હવામાં લહેરાવ્યું.
અકીલ હુસૈને વિકેટ મેડન ઓવર નાખી
અકીલ હુસૈન 4 વિકેટ લીધી.
મુંબઈની ઇનિંગ્સની ત્રીજી ઓવરમાં અકીલ હુસૈન બોલિંગ કરવા આવ્યો. તેણે નમન ધીરને પ્રથમ બે બોલ ડોટ નાખ્યા. અકીલે ત્રીજો બોલ 90 કિમી/કલાકની ઝડપે નાખ્યો. નમન ધીરે તેને લોંગ-ઓન ઉપર રમવાનો પ્રયાસ કર્યો, પરંતુ બોલ બેટને ચકમો આપીને મિડલ સ્ટમ્પ પર વાગ્યો. આ પછી બેટિંગ કરવા આવેલા તિલક વર્મા છેલ્લા ત્રણ બોલ પર કોઈ રન બનાવી શક્યા નહીં અને અકીલની ઓવર મેડન ગઈ.
હુસૈનનું અનોખું સેલિબ્રેશન
અકીલે ચહેરા પર હાથ રાખીને સેલિબ્રેટ કર્યું.
બીજી ઇનિંગની પહેલી ઓવરમાં વિકેટ લીધા પછી સ્પિનર અકીલ હુસૈને અજબ-ગજબ સેલિબ્રેશન કર્યું. ઓવરની છેલ્લી બોલ અકીલે ફ્લાઇટેડ ડિલિવરી નાખી, જેના પર બેટર દાનિશ મલેવર આગળ વધીને ડિફેન્સ કરવા ગયા.
બોલ હળવો બહારની તરફ ફર્યો અને બેટના બહારના કિનારે લાગીને વિકેટકીપર સંજુ સેમસનના ગ્લોવ્ઝમાં જતો રહ્યો. આ વિકેટ પછી અકીલે પોતાનો એક હાથ ચહેરા પર રાખીને માસ્ક જેવું સેલિબ્રેશન કર્યું. ઇનિંગની ત્રીજી ઓવરમાં નમન ધીરને આઉટ કર્યા પછી પણ તેમણે બરાબર આ જ અંદાજમાં જશ્ન મનાવ્યો.
તિલક અને ઓવરટન વચ્ચે દલીલ
તિલક અને ઓવરટન વચ્ચે દલીલ થઈ.
મુંબઈ ઈન્ડિયન્સની ઈનિંગ્સની 10મી ઓવર પછી તિલક વર્મા અને જેમી ઓવરટન એકબીજા સાથે ભીડાઈ ગયા. બંને વચ્ચે કોઈ વાતને લઈને બોલાચાલી થઈ, ત્યારબાદ સૂર્યકુમાર યાદવ પણ તેમાં સામેલ થઈ ગયા. જોકે, અમ્પાયરોએ તરત જ દરમિયાનગીરી કરીને ઓવરટનને ત્યાંથી દૂર મોકલી દીધા. આ પછી આગળની રમત શરૂ થઈ.
latest video
news via inbox
Subscribe for the latest updates, promotions, and ads.
