નેપાળના વડાપ્રધાન બાલેન શાહે રવિવારે કહ્યું હતું કે માત્ર ભારતે જ નેપાળી જમીન પર કબજો કર્યો નથી, પરંતુ નેપાળે પણ કેટલાક ભારતીય વિસ્તારો પર કબજો કર્યો છે.

આ નિવેદનનો આજે નેપાળની સંસદમાં જોરદાર વિરોધ થયો, વિપક્ષી દળોએ બાલેન શાહ પાસેથી ભારત સાથે જોડાયેલા આ વિવાદાસ્પદ દાવા પર જવાબ માંગ્યો.

વિપક્ષી સાંસદોએ વડાપ્રધાનને કહ્યું કે કાં તો તેઓ પોતાનું નિવેદન પાછું ખેંચે અથવા તેના સમર્થનમાં નક્કર પુરાવા રજૂ કરે. વિપક્ષનો આરોપ છે કે વડાપ્રધાનનો આ દાવો નેપાળના રાષ્ટ્રીય હિતોને નુકસાન પહોંચાડનારો છે.

સાંસદોનું કહેવું છે કે પૂરતા પુરાવા વિના આવા નિવેદન દેશની વિદેશ નીતિ અને પડોશી દેશો સાથેના સંબંધો પર અસર કરી શકે છે.

જુઓ વીડિયો

ગઈ કાલે બાલેન શાહે આપ્યું હતું નિવેદન નેપાળના વડાપ્રધાન બાલેન શાહે ભારત-નેપાળ સરહદ વિવાદ પર મોટું નિવેદન આપ્યું. કાઠમંડુ પોસ્ટ અનુસાર, તેમણે કહ્યું કે માત્ર ભારતે જ નેપાળી જમીન પર અતિક્રમણ કર્યું નથી, પરંતુ નેપાળે પણ ઘણી જગ્યાએ ભારતીય વિસ્તારો પર અતિક્રમણ કર્યું છે.

રવિવારે સંસદમાં એક પ્રશ્નના જવાબમાં શાહે કહ્યું, “વડાપ્રધાન બન્યા પછી મને આ જાણવા મળ્યું છે. બંને દેશોએ બેસીને આ મામલાની તપાસ કરવી જોઈએ.”

ભારત અને ચીન વચ્ચે લિપુલેખ અને લિમ્પિયાધુરાના માર્ગે થતા વેપાર અંગે પૂછવામાં આવેલા પ્રશ્નના જવાબમાં શાહે કહ્યું કે વિવાદોનો ઉકેલ રાજદ્વારી વાટાઘાટો દ્વારા લાવવામાં આવશે.

તેમણે જણાવ્યું કે નેપાળે પહેલાથી જ ભારતને એક સત્તાવાર રાજદ્વારી નોટ મોકલી છે અને ભારત તરફથી તેનો જવાબ પણ મળી ગયો છે. તેમણે કહ્યું કે આ સરહદ વિવાદ અંગે માત્ર ભારત અને ચીન જ નહીં, પરંતુ બ્રિટન સાથે પણ વાતચીત કરી છે. વાંચો સંપૂર્ણ સમાચાર

દિવ્ય ભાસ્કરને Google પર મનપસંદ સોર્સ બનાવો