બોલિવૂડ સ્ટાર કાજોલે તેને ઓટીટી ડેબ્યૂ માટે 30 વર્ષ જૂની નો-કિસિંગ પોલીસી તોડી હતી. તાજતેરમાં કાજોલે જણાવ્યું કે, ‘ધ ટ્રાયલ: પ્યાર, કાનૂન, ધોખા’ વેબ સિરીઝમાં પહેલી ઓનસ્ક્રીન કિસ કરવાને લઈને શરૂઆતમાં તે અસહજ હતી. તેણે જણાવ્યું કે, ત્રણ દાયકા જૂની નો-કિસિંગ પોલિસી તેણે ફક્ત પાત્રની માંગને કારણે તોડી હતી. જીસ્સુ સેનગુપ્તા સાથે કિસિંગ સીન આપ્યો હતો કાજોલે પોતાની ત્રણ દાયકા લાંબી કારકિર્દીમાં ‘દિલવાલે દુલ્હનિયા લે જાયેંગે’, ‘કુછ કુછ હોતા હૈ’ અને ‘કભી ખુશી કભી ગમ’ જેવી ઘણી હિટ ફિલ્મો આપી છે. આ દરમિયાન તેણે હંમેશા ઓનસ્ક્રીન ‘નો કિસિંગ પોલિસી’નું પાલન કર્યું હતું. જોકે, વર્ષ 2023માં વેબ સિરીઝ ‘ધ ટ્રાયલ: પ્યાર, કાનૂન, ધોખા’થી OTT ડેબ્યૂ કરતા તેણે પહેલીવાર ઓનસ્ક્રીન કો-સ્ટાર જીસ્સુ સેનગુપ્તા સાથે કિસ સીન આપ્યો હતો. ‘કિસ સીન હટાવવો પાત્ર માટે અન્યાયી હતું’ લિલી સિંહના પોડકાસ્ટમાં કાજોલને જ્યારે આ વિશે પ્રશ્ન પૂછવામાં આવ્યો હતો, ત્યારે તેણે કહ્યું હતું કે, ‘સાચું કહું તો, આ તે પાત્રની જરૂરિયાત હતી, જે હું ભજવી રહી હતી. તેનો તે રોલ અને તેની વિચારસરણી સાથે ઘણો સંબંધ હતો. આ માત્ર એક કિસ નહોતી. આ એ વિશે હતું કે તે શું વિચારતી હતી, શું ઇચ્છતી હતી અને તેની સાથે શું ન થયું. તે કઈ વાત પર ભરોસો કરતી હતી, કઈ વાત પર વિશ્વાસ રાખતી હતી અને કઈ વાત પર ન રાખી શકતી હતી. આ આખી વાર્તાનો ખૂબ જ જરૂરી ભાગ હતો, તેથી તેને હટાવવું એટલે પાત્રના એક મહત્વપૂર્ણ ભાગને હટાવવા જેવું થાત.’ ‘હું વચ્ચેથી બોલી દઈશ, કટ…’ જ્યારે પોડકાસ્ટમાં પૂછવામાં આવ્યું કે, શું એક વ્યક્તિ તરીકે પણ કાજોલ બદલાઈ, જેનાથી તેમને આ કરવામાં સહજતા અનુભવાઈ? તો એક્ટ્રેસે કહ્યું, ‘હું આનાથી અસ્વસ્થ હતી. સેટ પર જવા સુધી હું ખૂબ જ અસ્વસ્થ હતી. પછીથી વિચારતા તે ઠીક લાગ્યું, પરંતુ મને ખાતરી નહોતી કે હું ખરેખરમાં આ કરીશ કે વચ્ચે બોલી દઈશ, ‘કટ! આ નહીં થાય!’ પરંતુ મને લાગ્યું કે આ એક પ્રોફેશનલ નિર્ણય હતો અને તે દિવસે હું આ નિર્ણય લઈ શકતી હતી.’ ‘ધ ટ્રાયલ’માં કાજોલે નોયોનિકા સેનગુપ્તાનો રોલ કર્યો હતો, જે પોતાના પતિના સ્કેન્ડલ પછી પોતાની લીગલ પ્રેક્ટિસ ફરીથી શરૂ કરે છે. આ સિરીઝ અમેરિકન શો ‘ધ ગુડ વાઇફ’નું ઇન્ડિયન અડેપ્ટેશન છે અને જિયો હોટસ્ટાર પર ઉપલબ્ધ છે.